Qyteti bregdetar i Malaga-s dhe zona përreth u mbuluan nga një shtresë e bardhë breshëri dhe dëbore pas një stuhie të rrallë që goditi Spanjën. Pamjet tregojnë rrugë të përmbytura dhe reshje të mëdha breshëri në Alhaurín el Grande, Campanillas, Puerto de la Torre dhe Teatinos.

Agjencia spanjolle e meteorologjisë, Aemet, lëshoi paralajmërime për reshje të dendura dhe breshër, ndërsa stuhia Martinho solli dëborë në Parkun Kombëtar Sierra de las Nieves dhe Torcal de Antequera, duke krijuar një peizazh spektakolar.

Ndërkohë, reshjet ekstreme kanë shkaktuar përmbytje edhe në juglindje të vendit. Në Murcia, shirat e dendur përmbytën rrugë dhe qendra tregtare. Ekipet e emergjencës shpëtuan disa persona të bllokuar në makina dhe varka.

Moti i keq ka goditur sërish Italinë mëngjesin e kësaj të enjte. Sipas mediave vendase, deri më tani janë prekur dy rajone, Toskana dhe Liguria, ndërsa situata paraqitet shumë problematike. Furtuna ka detyruar pushuesit të ndërpresin në mes pushimet në plazhet në Viareggio dhe Lido di Camaiore, ndërsa si pasojë e erës së fortë janë shkatërruar disa objekte e janë rrëzuar pemë në rrugë.

Era e fuqishme e nisur që prej mëngjesit të së enjtes dhe është shoqëruar më pas me rrebeshe shiu, ndërsa autoritetet kanë bërë të ditur se kanë marrë me dhjetëra telefonata për shkak të përmbytjeve apo bllokimit të rrugës, si pasojë e rrëzimit të pemëve. Në zonën e Ventimiglia, dy kabina elektrike u përfshinë nga flakët, por fatmirësisht deri tani, nuk ka raportime për persona të lënduar, teksa dëmet janë të konsiderueshme.

Shiu i rrëmbyeshëm në Ishujt Balearik të Spanjës përmbyti rrugët, i detyroi njerëzit të largoheshin nga shtëpitë e tyre dhe shkaktoi anulimin e fluturimeve, ndërsa njësia e reagimit emergjent të forcave të armatosura spanjolle tha se ishte vendosur në Majorca për të ndihmuar në situatën.

Shërbimi meteorologjik kombëtar i Spanjës ka ngritur për të gjithë rajonin për shkak të rrezikut të lartë të stuhive.

Shërbimet e urgjencës thanë se besojnë se më e keqja ka kaluar, pasi dje, e mërkurë, 14 gusht, u kishin bërë thirrje banorëve të qëndrojnë brenda.

“Aktivitetet në natyrë janë të ndaluara,” thanë autoritetet.

Zjarrfikësit raportuan përmes X se ata rrethuan zonat në qendër të Palma de Mallorca dhe larguan 29 persona nga një tren midis Palma dhe Manacor për shkak të përmbytjeve.

Më shumë se 50 fluturime u anuluan në aeroportet Balearic pas stuhisë që goditi dje vendin dhe anulimet priten të vazhdojnë, tha operatori i aeroportit spanjoll Aena.
Policia tha sot se ka evakuuar 12 persona nga qyteti i Soger në Mallorca për shkak të përmbytjeve.

Shërbimi rajonal i urgjencës tha se kishte marrë rreth 180 telefonata të lidhura me stuhinë në 24 orët e fundit.

Nëntë persona u plagosën dje, të mërkurën, në ishullin Formentera dhe një peshkatar u shpëtua nga roja bregdetare spanjolle, shtoi ai.

Reshje të shumta shiu shoqëruar me era të forta në qytetin e Leskovikut dhe rrethinat.

Nga stuhia mësohet se janë rrëzuar pemë dekorative brenda qytetit ndërkohë që reshjet e shiut janë shoqëruar edhe me breshër për disa minuta

Burime zyrtare bëjnë të ditur se nga stuhia janë shkaktuar probleme përsa i përket furnizimit me energji elektrike jo vetëm në qytetin e Leskovikut por dhe në disa fshatra në afërsi të këtij qyteti.

Grupet e punës të OSSHE janë në terren për rikthimin e energjisë elektrike.

Finlanda dhe Suedia regjistruan temperaturat e tyre më të ftohta të dimrit ditën e sotme, pasi termometri shënoi në minus 40 gradë Celsius.

I ftohti dhe bora ndërprenë transportin në të gjithë rajonin, përfshirë Norvegjinë ku një autostradë kryesore në jug u mbyll për shkak të motit dhe linjat e trageteve pezulluan funksionimin. Operatorët suedezë të trenave thanë se të ftohtit shkaktoi probleme thelbësore për trafikun hekurudhor në veriun e Arktikut.

Nikkaluokta, një fshat i vogël i banuar nga banorët indigjenë Sami në Suedinë veriore, regjistroi një temperaturë prej minus 41.6 gradë, njoftoi transmetuesi publik suedez SVT.

“Është temperatura më e ftohtë që kemi pasur deri më tani këtë dimër dhe do të vazhdojë të jetë mot mjaft i ftohtë në veri,” tha meteorologu i SVT, Nils Holmqvist.

Instituti Meteorologjik dhe Hidrologjik Suedez raportoi temperatura deri në minus 30 gradë në disa vende në veri të Suedisë dhe lëshoi një paralajmërim për borë dhe erë në Suedinë qendrore dhe jugore. Paralajmërimi i tij i dytë më i lartë zbatohet nga mesnata deri të mërkurën.

Në Finlandën fqinje, rekordi i ftohtë i këtij dimri u regjistrua në qytetin veriperëndimor të Ylivieska, ku temperaturat ranë në minus 37.8 C dhe parashikuesit thanë se temperaturat do të ishin më të ulëta se minus 40 C në pjesë të vendit gjatë javës.
Temperaturat në kryeqytetin finlandez, Helsinki, pritej të lëviznin midis minus 15 dhe minus 20 C.

Në qytetin jugor të Norvegjisë, Arendal, zyrtarët thanë se shkollat do të mbylleshin të mërkurën sepse nuk ishte e mundur të pastroheshin trotuaret në kohë që fëmijët të shkonin në shkollë. Disa kompani tragetesh në të gjithë rajonin anulluan udhëtimet, duke përfshirë ato nga Norvegjia jugore në Danimarkë, ku një urë kyçe u mbyll për automjetet me rimorkio të lehta për shkak të erërave të forta, thanë zyrtarët danezë.

Mot i paqëndrueshëm me vranësira dhe reshje shiu do të mbizotërojnë gjatë fundjavës në vend.

Që në orët e para të mëngjesit të ditës së shtunë, pritet të kemi një sistem vranësirash, të cilat do të sjellin reshje shiu fillimisht në veriperëndim. Më pas, gjatë paradites, i gjithë territori do të jetë në zotërimin e reshjeve të shiut.

Në Ultësirën Perëndimore, parashikohen edhe rrebeshe shiu, por orët e pasdites do të kemi përmirësim të kushteve të motit.

Vranësirat do të jenë prezentë edhe gjatë të dielës. Në bregdet do të ketë reshje gjatë paradites, ndërsa në lindje të vendit, reshjet do të jenë prezentë gjatë gjithë ditës.

Për pasojë, do të ketë rënie të ndjeshme të temperaturave me të pakëtn gjashtë gradë Celsius, sipas MeteoAlb. Ndërkohë, java që vjen do të sjellë rritje graduale të temperaturave, me vlerën maksimale 36 gradë Celsius.

Fituesi i Big Brother VIP Albania 2, Luiz Ejlli, po shijon në masë të madhe famën edhe pas përfundimit të këtij spektakli.

Ai është kthyer në një nga emrat më të kërkuar në industrinë muzikore shqiptare.

Artisti nga Shkodra prej disa ditësh ka udhëtuar në Amerikë për të performuar në disa vende. Ai ka interpretuar disa nga hitet si “Me ty”, “2 shotsa” dhe “Përjetësisht”.

Ndërsa po performonte, në disa prej videove shihet se është mbushur me dollarë. Këngëtari ka fituar zemrat e të gjithëve anë e mbanë trojeve shqiptare dhe jo vetëm.

Luizi u konsiderua si fenomen i këtij viti me lojën dhe strategjitë në edicionin e dytë të Big Brother.

Pasi Efi çoi në burg Dean, Qetsorin, Kristin dhe Bledin me anë të Kutisë së Pandorës, Vëllai i Madh u dha si mision “ të burgosurve” të bindnin banorët e tjerë që Bledi dëshironte të largohej nga shtëpia.

Të gjithë banorët e besuan dhe nuk dyshuan në asnjë moment që ishte një mision.

Që prej daljes nga burgu, Bledi shprehu dëshirën të largohej duke qëndruar larg banorëve të tjerë. Gjatë prime-t të sotëm banorët zbuluan misionin e tij.

Më të lexuarat

E pamundura bëhet e mundur, nëna e Luizit mbërrin në Tiranë,…

Ore mos më bëj pordhë mua, çohu tani”/ Efi i kërkon…

“Nëna e Luizit është sëmurë”, kunati i këngëtarit zbulon se çfarë…

Vrasja makabre në Pejë që tronditi mbarë opinionin publik/ Zbardhen dëshmia…

Horoskopi për ditën e sotme, 17 prill 2023