Një burrë ka humbur jetën dhe një shtetas tjetër është zhdukur në Turqinë qendrore për shkak të përmbytjeve të shkaktuara nga reshjet e dendura të shiut.

Një 52-vjeçar vdiq si pasojë e përmbytjeve në qytetin e Kirsehirit, trupi i tij u gjet nga ekipet e kërkim-shpëtimit rreth katër kilometra larg vendit ku ai u zhduk.

Zona të tjera të Turqisë qendrore u prekën gjithashtu nga përmbytjet, veçanërisht provinca e Sivas.

Në shtator 2023, përmbytjet e shkaktuara nga shirat e rrëmbyeshëm shkaktuan pesë viktima në Turqinë veriperëndimore, duke përfshirë dy në Stamboll, ku rrugët u kthyen në lumenj të furishëm.

Të paktën 40 persona humbën jetën si pasojë e përmbytjeve të mëdha në Indi, sipas një njoftimi të autoriteteve, shkruan Reuters.

Mijëra persona janë shpëtuar, por dhjetëra të tjerë mbeten të zhdukur dy ditë pasi reshjet e dendura të shiut shkaktuan vërshimin e një liqeni akullnajor. Fatkeqësia, e cila preku 22,000 banorë të rajonit, i shtohet një sërë fenomenesh ekstreme të motit në malet e Azisë Jugore që i atribuohen ndryshimeve klimatike.

‘Çmendet’ moti/ Tajfuni i tmerrshëm godet këtë vend, më shumë se 31 mijë persona të evakuuar, anulohen fluturimet

Dhjetëra mijëra njerëz u detyruan të largoheshin nga shtëpitë e tyre në Pekin pasi tajfuni Doxuri solli reshje rekord në kryeqytetin kinez, duke shkaktuar anulimin e qindra fluturimeve, raportoi transmetuesi shtetëror CCTV.

Doxuri është një nga tajfunet më të fortë që ka goditur Kinën në vite dhe gjatë fundjavës shkaktoi përmbytje të mëdha në provincën jugore të Fujian, duke detyruar qindra mijëra njerëz të largohen nga shtëpitë e tyre.

Shirat e dendur vazhdojnë të godasin Pekinin, si dhe provincat Hebei dhe Shanxi dhe qytetin e Tianjin.

Autoritetet lokale në kryeqytetin kinez po e mbajnë qytetin në alarmin e kuq, më i larti i vendosur nga autoritetet, ndërsa Stacioni Hidrologjik i Pekinit ka paralajmëruar për përmbytje më shumë shira dhe vërshime të lumenjve.

Më shumë se 31,000 njerëz u evakuuan nga shtëpitë e tyre, ndërsa puna u pezullua në më shumë se 4,000 kantiere ndërtimi. Rreth 2000 ndërtesa u kontrolluan për dëmtime. Dy aeroportet e Pekinit anuluan më shumë se 180 fluturime mëngjesin e sotëm, ndërsa qindra të tjerë u vonuan.

Reshje të dendura breshëri janë regjistruar të shtunë në fushën e Maliqit.

Nga pamjet e siguruara në fshatin Vreshtas të kësaj bashkie, reshjet e breshrit bien në formë shumë intensive.

Situata pritet të sjellë dëme të konsiderueshme në bujqësi, kryesisht në kulturën e grurit.

Një stuhi breshëri përfshiu pasditen djeshme edhe territorin e bashkisë Fushë-Arrëz.

Sipas njoftimit të vetë bashkisë shkaktoi dëme të mëdha në kulturat bujqësore por shkaktoi edhe dëmtime të çative dhe makinave të zonës.