Një aksident është shënuar pasditen e sotme në rrugën në segmentin Qafë e Buallit-Vajkal në vendin e quajtur mbikalimi që lidh dy lagjet e qytetit të Bulqizës, ku një drejtuesi i makinës tip Tuaran ka humbur kontrollin duke u përplasur në kolonën e urës.

Si pasojë e përplasjes drejtuesi i mjetit ka marrë plagë të rënda.

Menjëherë në vendngjarje ka shkuar policia dhe ambulanca, të cilët kanë bërë te mundur dërgimin e të plagosurit drejt spitalit të Bulqizës i cili po merr mjekim.

Ndërkohë, policia ka nisur hetimet rreth shkaqeve të aksidentit.

Paraprakisht mendohet se shkak i aksidenti dyshohet shpejtësia, por jo vetëm, pasi një pistë tjetër është edhe ngricat në rrugë.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Një 23-vjeçar është arrestuar këtë të martë në Sarandë, pasi ditën e djeshme u përfshi në një aksident ku mbeti e lënduar një 7-vjeçare.

Ngjarja ndodhi në rrugën “Sarandë-Skërficë”, ndërsa mësohet se e mitura është dërguar në Spitalin e Traumës.

Sipas njoftimit të policisë, një 23-vjeçar humbi kontrollin mbi makinën e tij dhe u përplas me një tjetër makinë, me drejtues një 37-vjeçar.

“Seksioni i Policisë Rrugore në Sarandë arrestoi shtetasin 23 vjeç, banues në Pukë, pasi ditën e djeshme, në rrugën “Sarandë-Skërficë”, duke drejtuar automjetin e markës “Audi”, dyshohet se ka humbur kontrollin dhe është përplasur me automjetin tip “Citroen”, me drejtues shtetasin 37 vjeç, banues në Dibër. Si pasojë e aksidentit është dëmtuar pasagjerja në automjetin “Citroen”, shtetasja e mitur 7-vjeçare, e cila u dërgua në spitalin e Traumës për ndihmë mjekësore të specializuar.”, thuhet në njoftimin e policisë.

Një aksident i trefishtë është shënuar ditën e sotme në hyrje të qytetit të Pogradecit.

Mësohet se një automjet ka përplasur dy mjete të tjera të parkuara, për pasojë janë regjistruar vetëm dëme materiale, ndërsa drejtuesi i mjetit dhe pasagjerja në mjet kanë marrë ndihmë mjekësore dhe janë larguar nga spitali.

Polica dhe grupi hetimor ndodhen në vendngjarje për të zbardhur shkaqet e aksidentit.

Një autobus me pasagjerë ukrainas u përplas në Poloni, duke shkaktuar 9 të plagosur. Përplasja ndodhi rreth orës 5 të mëngjesit në zonën e Swiebodzin në Poloninë perëndimore.

Pesë nga pasagjerët u plagosën rëndë, mes tyre katër fëmijë të moshës 2 deri në 15 vjeç. Në qershor, katër persona u shtruan në spital pasi një autobus me 57 ukrainas në bord u aksidentua pranë qytetit të Konstancës në Rumani.

Dyzet e dy nga pasagjerët në autobus ishin të mitur ukrainas, dy prej të cilëve u shtruan në spital pas aksidentit.