Ministrat e jashtëm të Greqisë dhe Turqisë ranë dakord të premten të vazhdojnë përmirësimin e marrëdhënieve të tyre për të nxitur tregtinë dhe për të kërkuar gjuhën e përbashkët se si të zgjidhin mosmarrëveshjet e tyre të gjata territoriale.

“Ne konfirmuam vullnetin tonë për të ruajtur klimën (pozitive) që kemi arritur të ndërtojmë,” tha ministri i jashtëm grek George Gerapetritis.

“Unë besoj se ne mund t’i zgjidhim mosmarrëveshjet tona me fqinjin tonë Greqinë me respekt të ndërsjellë dhe në bazë të ligjit ndërkombëtar,” shtoi homologu i tij vizitues Hakan Fidan.

Dhjetorin e kaluar, Greqia dhe Turqia rifilluan bisedimet e nivelit të lartë për të ulur tensionet kur presidenti turk Rexhep Tajip Erdogan vizitoi Athinën për herë të parë në gjashtë vjet.

Vizita erdhi pas një periudhe të gjatë tensioni të shënuar nga mosmarrëveshjet mbi migrimin, eksplorimin e energjisë në Egje dhe sovranitetin territorial.

Erdogan vuri në dyshim traktatet shekullore dhe madje kishte kërcënuar se do të pushtonte ishujt grekë të Egjeut