Brigjet lindore të Australisë janë goditur nga dallgë të mëdha dhe kushte të rrezikshme detare që kanë sjellë pasoja tragjike. Të paktën pesë persona kanë humbur jetën, ndërsa dy të tjerë rezultojnë ende të zhdukur.

Tragjedia filloi të premten kur një grup personash mbetën në det në zonën bregdetare të San Remos, në shtetin e Victorias. Sipas policisë, një grua arriti të kthehej në breg, por një tjetër grua dhe një burrë nuk ia dolën. Trupi i gruas u gjet i pajetë, ndërsa burri ende mungon.

Ndërkohë, në Uellsin e Ri Jugor, një tjetër incident i rëndë ndodhi pranë Tathras, ku të shtunën u gjet trupi i një burri. Një ditë më parë, një peshkatar 58-vjeçar dhe dy burra të tjerë u raportuan të vdekur në të njëjtën zonë. Ekipet e shpëtimit vazhdojnë kërkimet për një burrë tjetër që dyshohet se është zhdukur pranë Sidneit.

Kushtet e motit janë përkeqësuar ndjeshëm përgjatë vijës bregdetare lindore, me paralajmërime për dallgë të mëdha dhe rryma të forta, duke rritur rrezikun për banorët dhe vizitorët që frekuentojnë zonat e plazhit.

Kryeministrja e Victorias, Jacinta Allan, e quajti këtë një “fillim të tmerrshëm të fundjavës së Pashkëve” dhe u bëri thirrje qytetarëve të tregojnë kujdes maksimal.

“Ne i shprehim ngushëllimet më të sinqerta familjeve të viktimave dhe u kërkojmë të gjithëve që të ndjekin udhëzimet e autoriteteve për sigurinë në plazhe,” tha Allan në një deklaratë për mediat.

Autoritetet vendase dhe ekipet e emergjencës po punojnë pa ndërprerje për të gjetur të zhdukurit dhe për të garantuar sigurinë e qytetarëve në zonat bregdetare.

Pa u menduar gjatë, bëj një zgjedhje tënden tani! Sa herë na ndodh të kemi probleme apo vështirësi në jetë? Mos harroni se gjithçka është lëvizje dhe ajo që sot mund të jetë gjë e keqe për ju, nesër do të ketë kaluar…Ndaj, sprovoje veten tani duke zgjedhur një dallgë dhe duke parë sesi i zgjidhni ju problemet në jetë!

1. Durimi

Nëse zgjidhni dallgën e parë, cilësia që do t’ju ndihmojë të kaloni një situatë të vështirë është durimi. Sepse ndonjëherë ju mund të ndjeheni të shqetësuar për diçka, por durimi është sekreti që do t’ju ndihmojë.

2. Të dish të kërkosh ndihmë

Ajo që mund t’ju ndihmojë më shumë është të krijoni aftësinë për të kërkuar ndihmë. Kërkimi i ndihmës ju bën të dukeni të ndjeshëm. Sidoqoftë, ndonjëherë dhimbja e heq thirrjen për ndihmë kur kemi nevojë për të.

3. Qetësia

Ju jeni një nga njerëzit që, duke u përballur me situata të vështira, dëshpëroheni dhe zemëroheni, duke i lënë vend pa dashje mosveprimit. Nëse mund të zhvilloni qetësinë si cilësi dhe t’i merrni gjërat me një temperament ndryshe, do të ndihmoni veten të kaloni më mirë procesin.

4. Besimi

Përballë situatave të vështira, duhet të mësoni të keni besim. Jeta ju kujton se nuk mund të kontrolloni gjithçka dhe që gjërat zakonisht ndodhin pa bërë edhe asgjë…Nëse besoni se ne të gjithë kemi një qëllim dhe se gjërat ndodhin për ne që të evoluojmë në jetë, do ta dini se ka diçka më të mirë për të pritur./class