“Panzerat” vijnë si favoritë në këtë sfidë edhe falë paraqitjes në tre ndeshjet e grupit. Danezët do të tentojnë të befasojnë dhe gjithçka mund të ndodh në 90 minuta.
36′ Ndërprehet ndeshja për shkak të një rrufeje, arbitri i dërgon lojtarët në stol dhe më pas shkojnë në dhomat e zhveshjes.

Sipas Bild, ndeshja mes Gjermanisë dhe Danimarkës, e vlefshme për fazën e 16-tave të ‘Euro 2024’, mund të jetë në rrezik për shkak të kushteve ekstreme të motit që prekin Dortmundin, qytetin që do të presë ndeshjen.

“Nga nata e së shtunës deri të dielën mbrëma, ekziston rreziku i stuhive të forta nga jugperëndimi dhe perëndimi në Gjermaninë qendrore”,- tha meteorologu Dominik Jung për median e lartpërmendur.

Shërbimi meteorologjik gjerman parashikon stuhi të forta për mbrëmjen e së shtunës, pikërisht kur do të zhvillohet ndeshja mes Gjermanisë dhe Danimarkës. “Mund të shoqërohet me shi jashtëzakonisht të dendur, pritet edhe breshër me diametër rreth tre centimetra, si dhe erëra të forta me shpejtësi. Tornadot gjithashtu nuk përjashtohen.”