Ajo që bie në sy është fakti se ai vazhdon të shfaqet shumë i afërt me të dashurën e tij të re, duke konfirmuar se lidhja mes tyre po ecën mjaft mirë.

Blero nuk ka dhënë shumë detaje.

Përmes një postimi në rrjete sociale, ai ka ndarë një fragment nga biseda e përditshme me të dashurën, ku shihet qartë se ndjenja mes tyre është e thellë dhe e sinqertë.

Ajo i shpreh mallin dhe dëshirën për martesë me një dozë humori dhe dashurie të pastër: “Më mungon shumë dhe dua të martohem me ty. Unë thashë PO, pa m’vet hiq”, shkruan ajo, duke e shoqëruar mesazhin me një emoji që qesh me lot.

Krahas këtij momenti, Blero ka reaguar shkurt por kuptimplotë me fjalën “Përgjithmonë”, duke treguar qartë se është i përkushtuar në këtë marrëdhënie dhe e po e shijon në maksimum.
Ky postim vjen pas një periudhe të qetë në aspektin personal të artistit, dhe mesa duket, Blero është gati të fillojë një kapitull të ri në jetën e tij dashurore.

Gjesti, një prej konkurrentëve më të komentuar në Big Brother VIP Albania, po vazhdon të jetë në qendër të vëmendjes për veprimet dhe lëvizjet që po bën brenda shtëpisë.

Ai ka qenë tejet i paqartë në raportin e tij me Egli Takon, një tjetër banore e këtij edicioni, duke krijuar një situatë misterioze për shikuesit.

Së fundmi, drama është intensifikuar edhe më shumë pasi në dinamikën e tij është përfshirë ish-partnerja e tij, Xheneta Fetahu, e cila ka lënë të kuptohet se gjërat mes tyre mund të kenë pasur ndikim edhe në këtë edicion të Big Brother.

Një 42-vjeçar është vënë në pranga ditën e sotme në Durrës. Mësohet se arrestimi i tij ka ardhur pasi 42-vjeçari ishte shpallur në kërkim pasi përndiqte të dashurën e tij. Më tej në njoftimin e policisë bëhet me dije se i arrestuari kishte goditur me makinë mjetin e ishit të tij.

Gjithashtu policia e Durrësit ka vënë në pranga edhe tre persona për vepra të ndryshme. Një 50-vjeçar u vendos në pranga pasi ai kishte ushtruar dhunë fizike ndaj bashkëshortes së tij. Një 42-vjeçar u arrestua pasi ishte dënuar me dy muaj burg për vjedhje. Ndërkohë në Maminas u arrestua një 44-vjeçar për kanosje me armë.

Njoftimi i policisë:

Drejtoria e Policisë Durrës/ Komisariati i Policisë Durrës: -ndaloi shtetasin Gj. P., 42 vjeç, banues në Durrës, i cili ishte shpallur në kërkim pasi ka përndjekur ish të dashurën e tij, si dhe ka goditur me automjetin e tij, automjetin që ajo drejtonte; -arrestoi shtetasin I. P., 50 vjeç, banues në fshatin Romanat, Durrës, pasi ka ushtruar dhunë fizike ndaj bashkëshortes së tij; -ndaloi shtetasin në kërkim V. S., 42 vjeç, banues në Durrës, pasi Gjykata e Durrësit e ka dënuar me 2 muaj burgim, për veprën penale “Vjedhja”.

Komisariati i Policisë Shijak arrestoi në flagrancë shtetasin K. K., 44 vjeç, banues në Maminas, Durrës, sepse pas një konflikti për motive të dobëta, ka kanosur me armë sportive, një shtetase. Arma sportive u sekuestrua në cilësinë e provës materiale.

Sektori i Qarkullimit Rrugor: -arrestoi në flagrancë shtetasin E. D., 32 vjeç, banues në Durrës, pasi është kapur nga shërbimet e Policisë, duke drejtuar automjetin, pa leje drejtimi; -arrestoi në flagrancë shtetasin Z. H., 44 vjeç, banues në Kavajë, pasi u kap duke drejtuar automjetin, në gjendje të dehur, si dhe ka kundërshtuar punonjësit e Policisë. Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.