Në SHBA reshjet e para të mëdha të borës kanë zbardhur qytetet dhe ato pritet të vazhdojnë intensivisht edhe javën e ardhshme, duke shkaktuar probleme në disa rajone.

Rreth 60 centimetra borë ranë në pjesë të ndryshme Nju Jorkut, Ohajos dhe Miçiganit, dhe 73 centimetra u regjistruan në skajin veriperëndimor të Pensilvanisë.

Autoritetet lokale kanë paralajmëruar për kushte të rrezikshme për ata që udhëtojnë për Ditën e Falënderimeve dhe përpiqen të kthehen në shtëpi. “Udhëtimi do të jetë jashtëzakonisht i vështirë dhe i rrezikshëm këtë fundjavë, veçanërisht në zonat ku mund të grumbullohen disa metra dëborë shumë shpejt,” tha Shërbimi Kombëtar i Motit.

Një pjesë e autostradës “I-90” në Pensilvani u mbyll, ashtu si edhe disa rrugë qendrore në Nju Jork.

Ndryshimi drastik i motit këtë javë solli temperatura më shumë se 10 gradë nën zero, njoftoi shërbimi i motit, i cili lëshoi paralajmërime për mot ekstremisht të ftohtë deri të martën.

Kryeqyteti i Koresë së Jugut, Seul është mbuluar nga bora më e madhe e nëntorit që nga fillimi i regjistrimeve mbi një shekull më parë. Ndërkohë që është bora e parë e dimrit të këtij viti. Administrata Meteorologjike e Koresë tha se 16.5 cm dëborë ranë deri në orën 7 të mëngjesit të së mërkurës, krahasuar me rekordin e mëparshëm të Seulit prej 12.4 cm më 28 nëntor 1972. Gjithashtu theksohet se bora e këtij nëntori ishte reshja më e madhe e borës që nga fillimi i regjistrimeve në 1907.

Stuhia e borës ndaloi të paktën 220 fluturime në aeroportet në të gjithë vendin, ndërsa autoritetet urdhëruan rreth 90 tragete të qëndrojnë në port. Gjithashtu mbylli qindra shtigje ecjeje. Kushtet e akullta të rrugës ngadalësuan udhëtimin e mëngjesit në Seul, ndërsa punonjësit e urgjencës në të gjithë vendin iu përgjigjën pemëve të rrëzuara, shenjave dhe rreziqeve të tjera të sigurisë.

Presidenti, Yoon Suk Yeol urdhëroi ministritë e sigurisë dhe transportit të mobilizojnë të gjithë personelin dhe pajisjet përkatëse në dispozicion për të parandaluar aksidentet e trafikut dhe incidentet e tjera të lidhura me borën. Sipas zyrës presidenciale, Yoon u kërkoi gjithashtu zyrtarëve që të përcjellin informacionin e motit dhe trafikut tek publiku me shpejtësi për të ndihmuar në shmangien e dëmtimeve dhe shqetësimeve të lidhura me borën.

Një linjë e metrosë në Seul pati një vonesë prej nëntë minutash gjatë orës së pikut, njoftoi agjencia e lajmeve e Koresë së Jugut Yonhap. Yonhap tha se një person vdiq dhe katër të tjerë u plagosën në një aksident me pesë automjete në qytetin lindor të Hongcheon. Agjencia e motit tha se bora do të vazhdojë në pjesën më të madhe të vendit deri në mesditën e së enjtes.

Ulja e temperaturave ka sjellë reshjet e para të borës në fshatin Dardhë të Korçës.
Reshjet kanë qenë të pakta por sinoptikanët lokalë bëjnë me dije se ditët në vijim reshjet do të jenë prezente në formë më intensive në lartësitë mbi 1400 m2 mbi nivelin e detit.

Ditën e sotme temperaturat kanë zbritur deri në – 1 grade në orët e para të mëngjesit ndërkohë që gjatë fundjavës parashikohet të shkojnë deri në – 4 gradë celsius.

Reshjet e dëborës që kanë rënë gjatë natës në zonën e Llogorasë kanë pasur një intesitet mesatar ku trashësia shkon deri në 10 cm, në  terren borë pastrueset të cilat kanë hedhur kripë përgjatë segmentit rrugor.about:blank

Rruga nacionale Vlorë- Llogora- Himarë mëngjesin e kësaj të hene e kalueshme për shkak dhe të punës të pandërprerë përgjatë mbrëmjes.

Policia rrugore dhe ajo e rendit në terren për të këshilluar drejtuesit të qarkullojnë me shpejtësi të redukuar dhe të bëjnë kujdes.

I gjithë vendi ynë është përfshirë prej së premtes nga një mot i paqëndrueshëm me masa ajrore të lagështa dhe të ftohta me origjinë veriore.

Për pasojë nuk kanë munguar reshjet e herëpashershme të shiut, ndërsa në zonat malore ato kanë qenë në formën e dëborës.

Në zonën e Malësisë së Madhe, në Theth dhe Qafë-Thore, dëbora ka mbuluar rrugët, por pa shkaktuar deri më tani probleme me qarkullimin e automjeteve.

Era do të jetë me drejtim veriperëndim-jugperëndim, ndërsa do të kapi një shpejtësi 12 deri në 19 metra në sekondë, duke bërë që valëzimi në detë të jetë i forcës 2 deri në 5 ballë.

Situata do të qetësohet të dielën, kur valëzimi në det pritet të jetë i forcës nga 2 deri në 3 ballë.