Një plagosje me armë zjarri dyshohet se ka ndodhur paraditen e sotme në Vaun e Dejës.

Mësohet se një person është plagosur në Cukal, në një terren të thyer malor. Forcat e policisë sapo janë nisur drejt vendngjarjes ndërsa për shkak të largësisë dhe terrenit të thyer malor efektivëve do t’i duhet afro 3 orë për të mbërritur në vendin ku raportohet sa ka ndodhur kjo plagosje.

Arsyet e plagosjes janë ende të paqarta, ndërsa problem mbetet largësia e zonës dhe mungesa e valëve telefonike.

Rreth orës 15:15, në fshatin Melgushë, gjatë një konflikti për motive të dobëta, ndërmjet shtetasit J. M., 32 vjeç, banues në Melgushë dhe disa shtetasve të tjerë, dyshohet se është qëlluar me armë zjarri, në ajër.

Shtetasi J. M. është shoqëruar në Komisariat dhe po kryhen veprimet procedurale.

Grupi hetimor, në drejtimin e Prokurorisë, po punon për zbardhjen e rrethanave të konfliktit, identifikimin e shtetasit që ka qëlluar me armë zjarri dhe të shtetasve të tjerë të përfshirë në konflikt.