Në Kalasë të Delvinës situata paraqitet shumë serioze për shkak të përhapjes së zjarrit pranë zonës së banuar. Era e fuqishme po përshpejton përhapjen e flakëve, duke rrezikuar banesat dhe jetën e banorëve.

Në terren janë angazhuar zjarrfikësit e Delvinës dhe Sarandës, efektivë të Forcave të Armatosura, si dhe zjarrfikës nga Baza e Mbështetjes së Emergjencave Civile. Për të ndihmuar në frenimin e zjarrit, në zonë është dërguar edhe një helikopter Black Hawk, i cili po hedh ujë nga ajri për të izoluar flakët dhe për të parandaluar përhapjen në sipërfaqe më të mëdha.

Ministri i Mbrojtjes, Pirro Vengu, ka shkuar personalisht në vendngjarje për të ndjekur nga afër operacionin e emergjencës dhe përpjekjet për minimizimin e rrezikut për banorët. Ai po koordinon angazhimin e forcave në terren për të garantuar sigurinë e komunitetit.

Zjarri vazhdon të jetë një kërcënim serioz për zonën, ndërsa forcat e emergjencës po punojnë intensivisht për të parandaluar përhapjen e tij dhe për të mbrojtur banesat dhe jetën e njerëzve në rrezik. Situata mbetet nën monitorim të vazhdueshëm nga autoritetet përgjegjëse.

Një autobus që udhëtonte në drejtim të Sarandës është përfshirë nga flakët.

Ngjarja ka ndodhur pranë fshatit Kardhiq të bashkisë Gjirokastër, rreth 4 kilometër para hyrjes në tunelin e Skërficës, në aksin Kardhiq-Delvinë.

Fatmirësisht asnjë prej udhëtarëve nuk është lënduar.

Pronari i një karburanti në Delvinë është marrë nën akuzë për shkelje të rregullave të mbrojtjes në punë, pasi ditën e djeshme, duke punuar në subjektin e tij ka rënë nga lartësia duke montuar një tendë dielli, punonjësi 44-vjeçar, që ndodhet në spital i plagosur.

Policia e Vlorës konfirmoi sot (4 korrik) se specialistët për Hetimin e Krimeve në Komisariatin e Policisë Delvinë referuan materiale në Prokurori dhe nisën procedimin penal në gjendje të lirë për veprën penale “shkelja e rregullave të mbrojtjes në punë”, në ngarkim të 65-vjeçarit M. B., banues në Fier.

“Te karburanti i tij në Delvinë, ka rënë nga lartësia duke montuar tendën e diellit, shtetasi D. P., 44 vjeç, i punësuar prej tij”, bëri me dije policia vendore. 

Një tjetër vatër zjarri është raportuar mbi Delvinë, në zonën e fshatit Kakodhiq, Njësia Administrative Delvinë. Zjarri ka përfshirë shkurre dhe fier në një sipërfaqe të madhe, poshtë qendrës së banuar të fshatit.

Sipas shërbimit të Mbrojtjes nga Zjarri dhe Shpëtimit në Bashkinë Delvinë, një automjet zjarrfikës dhe një grup shërbimi janë dërguar menjëherë në vendngjarje për të lokalizuar dhe izoluar përhapjen e flakëve. Aktualisht, zona e banuar nuk është e rrezikuar, por era e fortë po vështirëson operacionin.

Ky incident vjen pas një ngjarjeje të ngjashme të ndodhur një ditë më parë, kur flakët përfshinë zonën pranë Varrezave të Dëshmorëve të qytetit. Situata është duke u monitoruar ngushtë, ndërsa autoritetet po bëjnë thirrje për kujdes dhe bashkëpunim për të shmangur dëme të mundshme.

Një aksident i rëndë është regjistruar mëngjesin e kësaj të marte në aksin rrugor Sarandë – Delvinë, tek vendi i quajtur ish – pularia në Shijan.

Burime bëjnë me dije se automjeti tip “Hyndai” me drejtues shtetasin D. Sinaj 23 vjeç nga Tirana, ka humbur kontrollin duke dalë nga rruga dhe është përmbysur.

Për rrjedhojë vetëm drejtuesi i mjetit ka marrë dëmtime  të lehta dhe merr mjekimin në urgjencën e Sarandës.

Shërbimet e Qarkullimit Rrugor të Sarandës ndodhen në vendngjarje dhe po kryhen veprimet për të përcaktuar shkakun.

Një tjetër aksident është shënuar pak minuta më parë në aksin Kardhiq-Delvinë, në afërsi te tunelit.about:blank

Automjeti tip “Fiat” që drejtohej nga shoferja me iniciale E.P, si pasojë e shpejtësisë dhe duke qenë rruga e lagur nga shiu, ka dalë nga rruga dhe për pasojë është përplasur me bordurën anësore.

Drejtuesja e mjetit kishte edhe babanë e vet, Aleksandër Prifti 57 vjeç, i cili është plagosur dhe është transportuar në urgjencën e spitalit të Sarandës.

Nga ekzaminimet në spital për 57-vjeçarin është konstatuar se ka pësuar frakturë të vertebrës së qafës. Për rrjedhojë është nisur me ambulancë drejt spitalit të Traumës në Tiranë.