Një i ri shqiptar, Erald Kamberi, është dënuar me 10 vite burg nga një gjykatë në Angli, pasi shkaktoi një aksident të rëndë ku humbi jetën një burrë 34-vjeçar.

Ngjarja ndodhi më 1 gusht 2025 në qytetin Ware, në Hertfordshire. Kamberi, i cili nuk kishte patentë, sigurim dhe as adresë banimi të qëndrueshme, po ngiste makinën me shpejtësi të madhe kur u përplas me një motorçikletë. Nga përplasja humbi jetën Phillip Bruce, i cili vdiq në vendngjarje.

Pas aksidentit, Kamberi u largua nga vendi, por policia e arrestoi ditën tjetër.

Në gjykatë, ai pranoi fajin për:

Shkaktim të vdekjes nga drejtimi i rrezikshëm

Drejtim pa siguracion

Gjykatësi e përshkroi drejtimin e tij si “të çmendur” dhe pa asnjë përgjegjësi. Kamberi ishte duke ngarë në anën e gabuar të rrugës dhe po tentonte të shmangte policinë.

Përveç burgut, ai nuk do të lejohet të ngasë automjete për 15 vjet, dhe pas daljes nga burgu do t’i nënshtrohet një testi të posaçëm për të marrë patentën.

Autoritetet do të shqyrtojnë gjithashtu deportimin e tij pasi të ketë vuajtur dënimin.

Policia tha se ky ishte një rast shumë i rëndë dhe theksoi dhimbjen që familja e viktimës po përjeton.

Këngëtari i njohur Sean Kingston, emri i vërtetë Kisean Anderson, është dënuar me tre vjet e gjysmë burg për një seri krimesh që i mundësuan përfitime mbi 1 milion dollarë nga mashtrime financiare.

Ai dhe nëna e tij, Janice Turner, u shpallën fajtorë më herët këtë vit për pesë akuza të ngritura pas arrestimit në maj 2024. Të dy u gjetën fajtorë për mashtrim financiar nëpërmjet një skeme që përfshinte shitore makinash, disa banka dhe një kompani dyshekësh.

Gjatë leximit të verdiktit, Kingston shpërtheu në lot dhe bëri një lutje të shkurtër për autoritetet: “Mbrojeni nënën time.” Turner u dënua më parë në korrik me pesë vjet burg dhe tre vjet lirim me kusht.

Këngëtari i njohur Sean Kingston, emri i vërtetë Kisean Anderson, është dënuar me tre vjet e gjysmë burg për një seri krimesh që i mundësuan përfitime mbi 1 milion dollarë nga mashtrime financiare.

Ai dhe nëna e tij, Janice Turner, u shpallën fajtorë më herët këtë vit për pesë akuza të ngritura pas arrestimit në maj 2024. Të dy u gjetën fajtorë për mashtrim financiar nëpërmjet një skeme që përfshinte shitore makinash, disa banka dhe një kompani dyshekësh.

Gjatë leximit të verdiktit, Kingston shpërtheu në lot dhe bëri një lutje të shkurtër për autoritetet: “Mbrojeni nënën time.” Turner u dënua më parë në korrik me pesë vjet burg dhe tre vjet lirim me kusht.

Avokatët e Kingston kërkuan që ai të vendosej në arrest shtëpie, duke argumentuar se krimi ishte jo i dhunshëm dhe se shumica e dëmeve ishin shlyer, por gjykatësi e refuzoi kërkesën.

Mashtrimet lidhen me një padi civile të ngritur nga Ver Ver Entertainment LLC në shkurt 2024, pas të cilës Kingston dhe Turner u akuzuan se kishin marrë një Cadillac Escalade të blinduar, një televizor gjigant dhe qindra mijëra dollarë në orë luksoze, duke mashtruar viktimat për dëmshpërblim.

Më herët, çifti ishte paditur dhe urdhëruar të paguante mbi 300,000 dollarë në dy raste të veçanta mashtrimi: në vitin 2015 për mospagim të një shitësi orësh të personalizuara dhe tre vjet më vonë për mashtrim ndaj një argjendari në Nju Jork.

Është mbyllur me 4 vite burgim tragjedia e rëndë e ndodhur në ujërat e lumit Buna në Shkodër, ku nëna me tre fëmijët u mbyt për shkak se bashkëshorti i saj, Erdgys Arrazi, ushtronte dhunë psikologjike dhe fizike. Ngjarja e ndodhur në 3 Maj 2024, e cila tronditi vendin teksa policia gjeti të mbytur në lumë nënën dhe 3 fëmijët, tashmë ka vetëm një autor përgjegjës dhe ai është kryefamiljari, Erdgys Arrazi. Gjyqtari i Shkodrës, Orgent Nazaj ka deklaruar fajtor dhe dënuar me 6 vite burgim Arrazin, për akuzën e “Shkaktimit të vetëvrasjes”. Por për shkak të gjykimit të shkurtuar, ky dënim është ulur me 2 vite, duke dënuar Arrazin përfundimisht me 4 vjet heqje lirie.

Nardi Idrizi nga Kreta në dhjetor të vitit 2023, në Gazi, Athinë. Ky akt i dhunshëm ka tronditur opinionin publik, pasi autori ka hapur zjarr ndaj viktimave, duke synuar drejtpërdrejt në kokë dhe qëlluar pas shpine. Më pas, ai ka shpërthyer një debat të rëndë për shkak të një keqkuptimi të parëndësishëm.

Gjykata e Jurisë së Përzier të Athinës ka vendosur që Idrizi të vuajë një dënim total prej 32 vitesh burg, nga të cilat 20 vjet duhet t’i kalojë në burg, duke e konsideruar sulmin si një krim të rëndë ndaj shëndetit dhe jetës së njerëzve.

Dy vëllezër nga Kreta dhe shoku i tyre kishin ardhur në Athinë për të festuar një festë beqarie, kur pas një përleshjeje verbale me pasagjerët e një fouristrade, një nga ata hapi zjarr ndaj viktimave, duke i plagosur rëndë. Fatmirësisht, të tre të rinjtë arritën të shpëtonin, por dëmet e pësuara mund të kishin qenë edhe më të rënda.

Nardi Idrizi, i njohur gjithashtu me emrin Fatbardh Idrizi, ka një të kaluar kriminale të rëndë. Ai është arrestuar dhe dënuar më herët për disa krime të rënda, përfshirë vrasje të mbetur në tentativë, vjedhje me armë dhe mbajtje të paligjshme të armëve luftarake.

Në vitin 2022, ai përfitoi ulje të dënimit në burgun e Fierit, pas hetimeve për shpërdorim detyre.

Gjykata e Kasacionit, gjykata më e lartë në Francë, konfirmoi të mërkurën dënimin e ish-presidentit Nicolas Sarkozy për korrupsion dhe ndikim të paligjshëm.

Sarkozy kishte apeluar kundër dënimit të vitit 2021 për korrupsion dhe ndikim të paligjshëm, ku iu dha një dënim me tre vjet burg.

Dy nga këto vite ishin të pezulluara, ndërsa për vitin e fundit Sarkozy do të mbante një byzylyk elektronik në vend që të shkonte në burg.

Avokati i Sarkozy, Patrick Spinozzi, tha se ish-presidenti francez tani do t’i drejtohet Gjykatës Evropiane të të Drejtave të Njeriut.

Sarkozy, një konservator që mbetet një figurë e rëndësishme në politikën franceze edhe pasi la detyrën në vitin 2012, ishte shpallur fajtor nga një gjykatë më e ulët për përpjekjen për të korruptuar një gjyqtar dhe për të ushtruar ndikim të paligjshëm në këmbim të informacionit konfidencial lidhur me një hetim mbi financat e fushatës së tij të vitit 2007.

Gjykata konstatoi se Sarkozy kishte komplotuar për të siguruar një punë në Monako për një gjyqtar në këmbim të informacionit të brendshëm mbi një hetim mbi akuzat se ai kishte pranuar pagesa të paligjshme nga trashëgimtarja e L’Oreal, Liliane Bettencourt.

Gjyqtari, Gilbert Azibert, gjithashtu u shpall fajtor për korrupsion dhe ndikim të paligjshëm.

Sarkozy pritet të dalë në gjyq vitin e ardhshëm për akuza të korrupsionit dhe financimit të paligjshëm në lidhje me financimin e dyshuar libian të fushatës së tij të suksesshme presidenciale të vitit 2007.

Sarkozy i mohon të gjitha akuzat.

Nëse shpallet fajtor në çështjen libiane, Sarkozy mund të përballet me deri në 10 vjet burg.

Paraardhësi i Sarkozy-t, Jacques Chirac, gjithashtu një konservator, është i vetmi president tjetër në historinë moderne franceze që është dënuar nga një gjykatë. Chirac u shpall fajtor për korrupsion në vitin 2011, katër vjet pasi la detyrën.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

GJIROKASTËR- Gjykata e Gjirokastrës ka dënuar me gjashtë vite burg ish-kreun e Kadastrës, Florian Taçi. Taçi akuzohet për falsifikim, mashtrim dhe shpërdorim i detyrës. Gjithashtu së bashku me Taçin janë dënuar edhe dy bashkëpunëtorët e tij Alban Memishaj dhe Julian Nakuçi.

Ish-kreu i Kadastrës u arrestua më 28 Shkurt të këtij viti dhe më pas u la në arrest shtëpiak, ku qëndron prej shtatë muajsh. Megjithatë për shkak të gjykimit të shkurtuar dënimi ndaj taçit zbret në 4 vite dhe 6 muaj burgim.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Gjyqtarja Francesca Pinacchio, në Gjykatën e Sulmona, ka shpallur dënimin për shqiptarin Hekuran Kalemi, i cili është dënuar me katër vjet burgim, njëzet mijë euro gjobë dhe pesë vjet ndalim për hyrje në Itali pas përfundimit të dënimit.

Ky vendim është shpallur më 6 Shtator 2024.

Kalemi, 24 vjeç, u arrestua në flagrancë nga karabinierët e kompanisë Sulmona në prag të 15 Gushtit të këtij viti, në Corfinio, në shtëpinë e tij.

Gjatë operacionit, autoritetet sekuestruan 80 gramë kokainë të pastër, një peshore precize dhe materiale për paketimin e lëndës narkotike.

Pavarësisht përpjekjeve të të riut për të argumentuar se droga ishte për përdorim personal, ky pretendim nuk u pranua nga gjyqtari. Procesi gjyqësor u zhvillua me shpejtësi dhe përfundoi me një dënim të rëndë, duke theksuar linjën e ashpër të ndëshkimeve për trafikimin e narkotikëve në Itali.

Gjyqi i drejtpërdrejtë është konsideruar të jetë i shpejtë dhe efikas, duke dërguar një mesazh të fortë për ndëshkimin e krimeve të lidhura me narkotikët.

Dënimi përfshin gjithashtu një ndalim për hyrje në Itali për pesë vjet pas përfundimit të dënimit, duke theksuar rëndësinë e luftës ndaj trafikimit të drogës në rajon.

Naim Smajli është dënuar me 25 vite burgim nga Gjykata e Apelit në Prishtinë për vrasjen e djalit të tij. Gjithashtu Smajli ishte dënuar më 08.03.2024 nga Gjykata Themelore në Prishtinë për vrasje të rëndë dhe armëmbajtje pa leje me dënim unik prej 25 vite dënim me burgim.

Vendimi i Apelit konfirmoi dënimin e mëparshëm të Gjykatës Themelore, refuzuar ankesat e Prokurorisë dhe mbrojtësit të të akuzuarit.

“Refuzohen si të pabazuara ankesat e Prokurorisë Themelore – DKR në Prishtinë dhe mbrojtësit të akuzuarit N. S., ndërsa, aktgjykimi i Gjykatës Themelore – DKR në Prishtinë vërtetohet”, thuhet në vendimin e Apelit të datës 02.07.2024.

Avokati i tij kishte kërkuar rikthimin e rastit për gjykim të ri dhe ndryshimin e kualifikimit të ngjarjes, duke argumentuar mungesën e drejtësisë në procedurat hetimore.

“Me arsyetim se diapozitivi i aktgjykimit të ankimuar është i pakuptueshëm, kundërthënës në brendinë e tij dhe me arsyet e aktgjykimit, në të nuk janë paraqitur arsyet lidhur me faktet vendimtare edhe ato pak arsye që janë paraqitur janë në kundërthënie të plotë ndërmjet asaj që paraqitet në arsyetimin e aktgjykimit lidhur me përmbajtjen e shkresave në lëndë”, theksohet ankesa e Abit Asllanit, avokatit i të dënuarit, në aktgjykimin e Apeli

Një dënim prej 12 muajsh burg për gazetarin e ERT-së është vendosur nga Gjykata e Kundërvajtjeve Njëanëtare e Athinës, e konvertueshme në dhjetë euro në ditë.

Të akuzuarit i janë vendosur kushte kufizuese që viktimës gazetari të mos i afrohet dhe të mos komunikojë në asnjë mënyrë (fizike, telefonike, elektronike) deri në gjykimin e parevokueshëm të çështjes.

Gazetari kishte kërkuar që në momentin e referimit në Autoforos Monomeles që të bëhej një ndërmjetësim penal, por kjo nuk vazhdoi. Në gjykatë ka qenë edhe ish – partnerja  që e ka denoncuar për mesazhet kërcënuese që ka marrë, por edhe për rrahje.

Mirëpo, theksohet se për pjesën tjetër të akteve për të cilat është denoncuar është duke u kryer një ekspertizë paraprake. Avokati i tij ka theksuar se ai është i tronditur nga ajo që ka ndodhur.

Gjykata Themelore në Prishtinë ka dënuar me tre muaj burgim me kusht dhe me 1.000 euro gjobë ish-ministrin në Qeverinë e Kosovës, Goran Rakiç, për shkak të mosdeklarimit të të ardhurave nga buxheti i Serbisë më 2020 në Agjencinë kosovare Kundër Korrupsionit.

Rakiç aktualisht është deputet në Parlamentin serb nga partina në pushtet, Partia Progresive Serbe (SNS).

Deri në tetor të vitit 2023, Rakiç ka qenë kryetar i Listës Serbe – partisë më të madhe të serbëve në Kosovë që gëzon mbështetjen e Beorgadit – dhe paraprakisht ka mbajtur postin e ministrit për Administrim të Pushtetit Lokal dhe ka udhëhequr Ministrinë për Komunitete dhe Kthim në Qeverinë e Kosovës.

saktë pasurinë e tij më 2020, përkatësisht përveç pagës nga buxheti i Kosovës si ministër, ai merrte pagë edhe nga buxheti i Serbisë për shkak se mbante një post të lartë në Shkollën Ekonomike në Kosovë, që funksionon sipas sistemit serb, si dhe mbante postin e drejtorit të Ndërmarrjen Publike “Standard”, që po ashtu funksionon sipas sistemit serb.

Pas caktimit të dënimit, Rakiç arriti marrëveshje me Prokurorinë për pranimin e fajësisë.

Radio Evropa e Lirë ka raportuar disa herë për të ardhurat e dyfishta të zyrtarëve të Listës Serbe dhe Rakiç nuk ishte zyrtari i vetëm i kësaj partie që nuk ka raportuar të ardhurat e dyfishta në Agjencinë Kundër Korrupsionit.

Në nëntor të vitit 2022, zyrtarët e Listës Serbe u larguan nga institucionet në veri të Kosovës, nga Qeveria dhe Kuvendi për shkak të vendimit të kryeministrit Albin Kurti, për të riregjistruar makinat me targa të lëshuara nga Serbia në ato të lëshuara nga Kosova.

Megjithatë, deputetët e rinj të kësaj partie kanë marrë mandatet në Kuvend në mes të nëntorit me arsyetimin se ishte një “aksion strategjik”. Politika e Listës Serbe është që këta deputetë të mos marrin pjesë në seanca plenare, përkatësisht të paraqiten në Kuvend çdo gjashtë muaj që të mos u digjet mandati për shkak të mospjesëmarrjes. Ata gjatë gjithë kohës marrin pagat e deputetëve, të cilat janë rreth 1.800 euro/REL