Policia e Krujës ka finalizuar me sukses një tjetër operacion për kapjen e personave në kërkim. Në kuadër të operacionit të koduar “Inside”, është bërë arrestimi i shtetasit Lulzim Kullaj, 43 vjeç, banues në Krujë.

Kapja e tij u bë pas veprimeve të mirëorganizuara dhe informacioneve të siguruara në rrugë operative nga shërbimet e Komisariatit të Policisë Krujë.

Sipas njoftimit zyrtar, ndaj Kullajt ishte dhënë një vendim dënimi nga Gjykata e Tiranës, më datë 9 shkurt 2023, ku ai ishte dënuar me 4 vite e 8 muaj burgim për veprat penale “Kultivimi i bimëve narkotike” dhe “Vjedhja e energjisë elektrike ose impulseve telefonike”.

Materialet procedurale pas arrestimit të tij i janë referuar tashmë Prokurorisë së Tiranës, për veprime të mëtejshme ligjore.

Një 45-vjeçar i dënuar nga autoritetet italiane me 12 vjet e 10 muaj burgim, për veprat penale “Vrasje” dhe “Mbajtja pa leje e armëve” është arrestuar në Vlorë.

Renald Gjini pritet të ekstradohet në Itali.

Njoftimi i policise:

DVP Vlorë/Finalizohet operacioni policor i koduar “Il Obiettivo”, për kapjen e një shtetasi të shpallur në kërkim ndërkombëtar, për llogari të Italisë.

I dënuar nga autoritetet italiane me 12 vjet e 10 muaj burgim, për veprat penale “Vrasje” dhe “Mbajtja pa leje e armëve”, lokalizohet dhe vihet ne pranga 45-vjeçari, i shpallur në kërkim ndërkombëtar, me qëllim ekstradimi drejt Italisë.

Strukturat e Sektorit për Hetimin e Krimeve të Rënda, në bashkëpunim me Seksionin Operacional në DVP Vlorë, në vijim të punës për lokalizimin dhe kapjen e shtetasve të shpallur në kërkim ndërkombëtar, bazuar në informacionet e siguruara si dhe në bashkëpunim me zyrat homologe të Interpolit, organizuan dhe finalizuan operacionin policor të koduar “Il Obiettivo”.

Si rezultat, ditën e djeshme, në lagjen “Rilindja”, u bë kapja dhe arrestimi provizor, me qëllim ekstradimi drejt Italisë, i shtetasit:

Renald Gjini, 45 vjeç, banues në Vlorë.

Ky shtetas ishte i shpallur në kërkim ndërkombëtar, pasi Gjykata e Apelit Bolonja, Itali, e ka dënuar këtë shtetas me 12 vjet e 10 muaj burg, për veprat penale “Vrasje” dhe “Mbajtja pa leje e armëve”, sipas legjislacionit penal italian.

Interpol Tirana dhe Interpol Roma janë në bashkëpunim të ngushtë për procedurat e mëtejshme të ekstradimit.

Një person me rrezikshmëri të lartë është arrestuar në Tiranë.

Në pranga ka rënë Klement Zguro (Kaçolli), 43 vjeç, banues në Tiranë, i dënuar me11 vite burg për vrasje me dashje dhe armëmbajtje pa leje.

Tiranë/Finalizohet operacioni policor i koduar “END”.

Operacioni nga Komisariati i Policisë Nr. 3, për kapjen e personave të shpallur në kërkim, me rrezikshmëri të lartë shoqërore në fushën e krimeve kundër personit.

Kapet 43-vjeçari i dënuar me 11 vite burg, për vrasje me dashje dhe armëmbajtje pa leje.

Në vijim të punës për lokalizimin e vendndodhjes dhe kapjen e personave në kërkim, shërbimet e Komisariatit të Policisë Nr. 3 kanë bërë lokalizimin e vendndodhjes së një personi të shpallur në kërkim për vrasje me dashje dhe armëmbajtje pa leje.

Mbi bazën e informacioneve të siguruara në rrugë operative, u organizua dhe u finalizua me sukses operacioni policor i koduar “END”, si rezultat i të cilit u bë kapja, në rrugën “Mikel Maruli”, e shtetasit në kërkim Klement Zguro (Kaçolli), 43 vjeç, banues në Tiranë.

Gjykata e Apelit Korçë e ka dënuar këtë shtetas me 11 vite burgim, për veprat penale “Vrasja me dashje” dhe “Armëmbajtja pa leje”. 43-vjeçarit i kanë mbetur për të vuajtur 8 vite e 11 muaj burgim.

Një 28-vjeçar është arrestuar ditën e sotme në Lezhë për llogari të shtetit të Kosovës.

Sipas informacioneve 28-vjeçari kristjan Hasani ishte shpallur në kërkim ndërkombëtar, pasi Gjykata Themelore e Prizrenit, Kosovë, më datë 12.05.2025, ka vendosur masën e sigurisë “Arrest në burg”, i dyshuar për kryerjen e veprës  penale “Vjedhje e rëndë”.

Njoftimi:

Vijon puna për kapjen e shtetasve të shpallur në kërkim ndërkombëtar.

Kapet dhe vihet në pranga me qëllim ekstradimi drejt Kosovës një 28 vjeçar.

Tiranë- Masa të forta sigurie në të gjitha burgjet dhe paraburgimet në vend, për shkak të zgjedhjeve palamentare do do të mbahen të dielën e 11 majit.

Për të shmangur ngjarje të mundshme kriminale, si arratisje, apo raste të tjera, si dhe për të garantuar mbarëvajtjen e procesit të votimit brenda në institucionet e vuajtes së dënimit, policia e Burgjeve në bashkëpunim me policinë e Shtetit ka rritur masat e sigurisë.

Burime pranë Drejtorisë së Përgjithshme të Burgjeve thanë për News24 se në çdo fushatë zgjedhore ndiqet e njëjtat praktikë me qëllim garantimin erendit dhe sigurisë.

Në burgjet dhe paraburgimet në vend, kanë të drejtën për të votuar 3087 të dënuar apo paraburgosur.

Ndërkohë nga listat janë hequr emrat e të dënuarve apo paraburgosurve të cilëve Kodi Zgjedhor nuk iua lejon të ushtrojnë të drejtën e votës, për të shkak të veprave penale për të cilat janë dënuar apo janë aktualisht nën hetim.

Lushnjë-Një 27-vjeçare nga Lushnja është vendosur në pranga nga policia.

Sipas njoftimit të policisë e reja është dënuar me një vit burg nga Gjykata e Vlorës për veprën penale “Falsifikimi i monedhave”.

“Specialistët për Hetimin e Krimeve Ekonomike dhe Financiare, në bashkëpunim me shërbimet e Komisariatit të Policisë Lushnjë, bënë të mundur kapjen dhe më pas ekzekutimin e vendimit të Gjykatës së Shkallës së Parë të Juridiksionit të Përgjithshëm Vlorë, për shtetasen R. M., 27 vjeçe, lindur në Vlorë dhe banuese në Lushnjë, e dënuar me 1 vit burgim, për veprën penale “Falsifikimi i monedhave”, thuhet në njoftimin e policisë.

Materialet iu referuan Prokurorisë, për veprime të mëtejshme

Sot, më datë 16.12.2024, u vendos në Regjim të Posaçëm (41-bis) në burgun e sigurisë së lartë për një afat prej 1 (një) viti, pranë IEVP-së Peqin, i burgosuri Altin Kodra. Kalimi i tij në këtë regjim u bë nëpërmjet Urdhrit Nr. 623, datë 16.12.2024, “Për vendosjen në regjim të posaçëm të të drejtat në institucionin e ekzekutimit të vendimeve penale të sigurisë së lartë, të të burgosurit Altin Kodra” të Ministrit të Drejtësisë.

Altin Kodra është dënuar me 22 vjet burgim me vendimin nr. 236, datë 10.06.2008, të Gjykatës së Rrethit Gjyqësor Shkodër, për kryerjen e veprave penale “Vrasje me dashje” dhe “Mbajtje pa leje të armëve luftarake”, parashikuar nga nenet 76 dhe 278/2 të Kodit Penal.

Gjatë kohës që ka qenë duke vuajtur dënimin, ai është dënuar edhe për vepra të tjera penale. Me vendimin nr. 128, datë 11.10.2012, të Gjykatës së Rrethit Gjyqësor Krujë, është dënuar për kryerjen e veprës penale “Largim nga vendi i qëndrimit”, parashikuar nga nenet 323-25-22 të Kodit Penal. Po ashtu, është dënuar në dy raste të tjera, me vendim të formës së prerë nr. 576, datë 02.07.2021 dhe nr. 278, datë 04.05.2022, të Gjykatës së Rrethit Gjyqësor Elbasan, për kryerjen e veprës penale “Futja ose mbajtja e sendeve të ndaluara në IEVP”, sipas nenit 324/a/1 dhe 324/a/2 të Kodit Penal.

Regjimi i posaçëm “41-bis” është një masë për të burgosurit që janë të përfshirë në veprime të rënda penale, si pjesëmarrës në grupe të strukturuara kriminale, organizata kriminale, banda të armatosura ose organizata terroriste. Ky regjim është një masë për sigurinë e lartë dhe për individët me statusin e të paraburgosurit.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Një 35-vjeçar shqiptar është shpallur në kërkim dhe po kërkohet intensivisht nga policia e Athinës, pas shkeljes së lejes së marrë nga burgu i Agios Stefanos duke mos u kthyer më.

Shqiptari mësohet se nuk është kthyer në burg pas skadimit të lejes së rregullt 6 ditore që i ishte dhënë.

Ai ndodhej në burg që prej vitit 2019, bazuar në një vendim të Gjykatës të Apelit të Janinës, e cila e kishte dënuar me 15 vjet e 6 muaj burg dhe 50 mijë euro gjobë për trafik droge.

Policia e Skuadrës Fluturuese arrestoi mëngjesin e së mërkurës një 34-vjeçar me origjinë shqiptare, banues në Savona, në ekzekutim të urdhrit të ndalimit të Prokurorisë Publike pranë Gjykatës së Torinos.

Ai duhet të vuajë mbi 8 muaj burg në lidhje me krimet me substancat narkotike, të kryera në Torino në vitin 2020, kur në kuadër të një operacioni antidrogë, pas kontrollit personal dhe në shtëpinë e tij, iu gjetën 10 kilogramë lëndë narkotike.
Pas një shërbimi të synuar nga Skuadra Fluturuese e Shtabit të Policisë Savona, burri u gjurmua në qendër të qytetit dhe u arrestua.

Drejtoria Vendore e Policisë Elbasan ka ekzekutuar vendimin e Gjykatës së Apelit, datë 20.09.2024, duke ndaluar shtetasin Ervis Mersini, 26 vjeç.

Ai ishte dënuar nga Gjykata e Elbasanit më 16.01.2024 me 4 vjet e 8 muaj burgim për veprën penale “Prodhimi dhe shitja e narkotikëve”.

Sipas informacionit të ofruar, Mersini ka mbetur për të vuajtur edhe 1 vit e 4 muaj burgim.

Njoftimi i policisë:

Drejtoria Vendore e Policisë Elbasan

Specialistët për Hetimin e Narkotikëve të DVP Elbasan ekzekutuan vendimin e Gjykatës së Apelit, të datës 20.09.2024 dhe ndaluan shtetasin Ervis Mersini, 26 vjeç, të cilin Gjykata e Elbasanit me vendimin e datës 16.01.2024, e ka dënuar 26-vjeçarin, me 4 vjet e 8 muaj burgim, nga të cila i kanë mbetur për të vuajtur edhe 1 vit e 4 muaj burgim, për veprën penale “Prodhimi dhe shitja e narkotikëve”.