TIRANË- Emisioni investigativ Fiks Fare ka transmetuar rastin e kandidatit për deputet në Tiranë, Artan Përmeti, i cili pretendon se është përballur me presion nga punëdhënësi i tij.

Kompania e sigurisë ‘Illyrian Guard’, për të dhënë dorëheqjen nga puna pas shpalljes së kandidaturës së tij nën siglën e partisë Aleanca Kombëtare Shqiptare.

Sipas Përmetit, menjëherë pasi emri i tij u publikua në listën e kandidatëve për deputetë, punëdhënësi i kërkoi të largohej nga puna me argumentin se ligji nuk e lejon të mbajë njëkohësisht dy pozicione, atë të kandidatit dhe atë të punonjësit të sigurisë në objekte shtetërore. Përmeti refuzoi të japë dorëheqjen dhe pretendon se për këtë arsye është transferuar nga Aeroporti Civil Shtetëror në Spitalin Nr. 5, si një formë presioni për ta detyruar të largohet.

Në një telefonatë të siguruar nga Fiks Fare, shefi i tij , Erald Shtylla, i kërkon atij të japë dorëheqjen, duke i thënë se ligji nuk e lejon të jetë njëkohësisht kandidat dhe punonjës sigurie. Përmeti i është përgjigjur se ligji i lejon të vazhdojë punën deri 30 ditë pas zgjedhjes si deputet dhe ka kërkuar që çdo vendim për largimin e tij t’i komunikohet në mënyrë zyrtare.

Nga ana tjetër, drejtuesi i kompanisë ‘Illyrian Guard’, Erald Shtylla, mohon që transferimi i Përmetit të ketë motive politike, duke deklaruar për Fiks Fare se ndryshimi i vendit të punës është bërë për nevoja të kompanisë.

Ligji për parandalimin e konfliktit të interesit në ushtrimin e funksioneve publike ndalon deputetët të ushtrojnë veprimtari private që krijon të ardhura në formën e personit fizik apo të jenë të punësuar në sektorë të tjerë. Përmeti këmbëngul se ai ka të drejtë të qëndrojë në punë derisa të zgjidhet deputet dhe të plotësojë afatin ligjor për dorëheqje nga pozicioni i tij aktual

Brenda Asamblesë Socialiste kanë nisur të qarkullojnë hamendësitë e para për kandidatët për deputetet.

Surpriza më e madhe e kandidimit pritet të vijë nga vetë, Edi Rama.

Rama mes një rrethi te ngushtë bashkëpunëtorësh ka shprehur dëshirën për të qenë i pari në listën e kandidatëve për deputetë në qytetin e Shkodrës.

Kjo për të shpalosur domethënien e fortë që ka për të transformimi kryeqendrës së Veriut të Shqipërisë.

Nga ana tjetër një mesazh i fortë për opozitën me këtë kandidim të mundshëm nga Rama në atë që opozita e vlerëson si një bastion të sajin, por në zgjedhjet e fundit lokale ia besojë qeverisjen vendore kandidatit socialist Benet Beci./Tch