Apeli i GJKKO lë në burg vëllain e deputetit Eduard Ndreca, i akuzuar për kultivim kanabisi dhe përfshirje në grup kriminal

Gjykata e Posaçme e Apelit për Korrupsionin dhe Krimin e Organizuar (GJKKO) ka refuzuar kërkesën për lirimin nga burgu të Gentian Ndrecës, vëllai i deputetit socialist Eduard Ndreca. Ai u arrestua në kuadër të një hetimi të SPAK për një grup të dyshuar kriminal që merrej me kultivimin dhe trafikimin e lëndëve narkotike.

Në seancën gjyqësore, avokatët e tij kërkuan ndryshimin e masës së sigurisë nga “arrest në burg” në “arrest shtëpie”, por trupa gjyqësore e Apelit e konsideroi të bazuar vendimin e Gjykatës së Shkallës së Parë për mbajtjen e tij në qeli.

Sipas dosjes hetimore, Gentian Ndreca dyshohet se ishte pjesë e një grupi që kishte organizuar kultivimin e kanabisit në disa zona të qarkut të Lezhës. Hetimet kanë zbuluar prova që përfshijnë edhe përgjime telefonike, ku Ndreca rezulton të ketë pasur rol të rëndësishëm në organizimin e aktivitetit kriminal.

Ndërkohë, deputeti Eduard Ndreca nuk ka komentuar mbi çështjen penale të vëllait të tij. Megjithatë, burime nga Partia Socialiste bëjnë me dije se ai po përpiqet të distancohet nga veprimet e Gentian Ndrecës, duke i cilësuar si “veprime personale që nuk lidhen me politikën”.

Dosja e SPAK për këtë grup kriminal është ende në fazë hetimi, dhe pritet që të ketë zhvillime të tjera në lidhje me këtë rast.

Gazetarja Anduena Llabani iu drejtua ish-deputetit Klevis Balliu në “Now me Erla Mëhillin” duke i thënë se ka një listë të re me non grata që do të vijë nga ambasada britanike dhe aty është i përfshirë dhe ai.about:blank

Ky i fundit mori lajmin me sportivitet duke i buzëqeshur gazetares e cila e bindur tha që shumë shpejt lista do të bëhet publike.

“I vetmi presion i SPAK-ut është faktori ndërkombëtar. Ti sot në SPAK ke struktura të reja që janë ngritur me vendet partnere europiane, bashkëpunim, shkëmbim informacioni, janë ngritur grupe të reja, s’ka qenë më parë kjo gjë. Ti ke ambasadën amerikane që ka koordinatorët e saj pranë SPAK dhe kërkon informacion për të gjitha çështjet që kanë lidhje me personat që janë shpallur në listën e zezë. Meqë ra fjala, ka fjalë që jeni dhe ju zoti Klevis në një listë të re që do të vijë shumë shpejt nga ambasada britanike. Ka një listë të re që pritet të vijë nga ambasada britanike, ku flitet që ka emra biznesmenësh, politikanësh dhe tani u kujtova zoti Balliu që aty dëgjova dhe mbiemrin tuaj,” – u shpreh Llabani.

Policia e Tiranës ka shpallur në kërkim Rexhep Rrajën, djalin e deputetit të PS, Rrahman Rraja, pas dhunës barbare ndaj dy kushërinjve Maja në Krujë një ditë më parë.

Policia bën me dije se pas hetimeve, është identifikuar edhe Rexhep Rraja si i përfshirë në ngjarjen e rëndë dhe tashmë materialet janë dërguar pranë Prokurorisë së Gjykatës së Shkallës së Parë të Juridiksionit të Përgjithshëm Tiranë.

Jashar dhe Bilbil Maja u dhunuan me sende të forta nga anëtarë të fisit Rraja teksa ishin duke pirë kafe në një lokal.

Dy kushërinjtë ishin ankuar se gurorja në pronësi të kushëririt të deputetit Rrahman Rraja po u dëmtonte banesat.