Romelu Lukaku tashmë i ka “ndezur motorët” dhe iu dërgon një mesazh tifozëve të Napolit. “Ju mund të shihni se tifozët jetojnë për ekipin dhe kjo iu jep stimuj të rëndësishëm lojtarëve, – shpjegoi sulmuesi i ri blu pas stërvitjes së tij të parë në “Castel Volturno”.

– Kur e shihni këtë te Napoli, keni detyrimin të jepni gjithmonë më të mirën tuaj, në fushë ose në palestër, për të qenë gati. Kam mundësinë shumë të bukur të jem në një ekip që dëshiron të ndërtojë diçka mjaft të rëndësishme”.

Lukaku mbërriti te Napoli me një “sponsor” të rëndësishëm, Antonio Conte. Sulmuesi belg ka një marrëdhënie të veçantë me trajnerin dhe nuk e fsheh: “Historia ime me Conte filloi shumë vite më parë. Ai më donte si djalë të madh në moshën 19-vjeçare.

Pati një mundësi disa vite më parë dhe më ngriti në nivel të lartë futbolli, edhe mendërisht. Kam një foto me të kur fituam titullin, për mua është gjëja më e bukur e rrugëtimit tonë. Kur feston ke shkruar historinë, siç thotë ai.

Për ardhjen te Napoli fola edhe me mikun tim të dashur, Mertens. Ai më njeh shumë, shumë mirë dhe më tha se Napoli është bërë për mua. Edhe unë jam gati ta meritoj këtë fanellë”.

Kryeministri grek Kyriakos Mitsotakis i ka dërguar një tjetër mesazh Mqedonisë së Veriut, lidhur me çështjen e emrit.

Mitsotakis deklaroi se ‘nëse udhëheqja e re e Shkupit këmbëngul në retorikën provokuese, atëherë rruga e tyre evropiane do të mbetet e mbyllur’.

“Jam i pakënaqur që fqinjët tanë veriorë kanë zgjedhur në këtë moment të kthehen në kohë dhe të vënë në dyshim emrin e vendit të tyre. Kur u votua marrëveshja e Prespës, ND-ja ishte kundër, por kishte thënë se nuk mund të prishim një marrëveshje ndërkombëtare me ligj dhe nen.

Unë dua të dërgoj një mesazh disa kilometra larg kufijve tanë, në Shkup: nëse ata këmbëngulin në sfidimin e thelbit të marrëveshjes për emrin e vendit, dijeni se rruga e tyre evropiane do të mbetet e mbyllur.”, tha kryeministri grek gjatë një tubimi.

Po ashtu ai vuri në dukje gjithashtu se reagimi i Komisionit ndaj deklaratave të papranueshme të Presidentit është bërë me nxitjen e Greqisë.

KOSOVË- Ministri i Mbrojtjes, Ejup Maqedonci ka thënë se Kosova do t’i ofrojë ndihmë ushtarake Ukrainës. Në një intervistë për agjencinë turke të lajmeve Anadoulu, Maqedonci deklaroi se janë gjithmonë të gatshëm të mbështesin luftën e drejtë për liri të Ukrainës.

Ai tha se ndihma, të cilën ai e quan modeste, është shumë e rëndësishme për Ukrainën në këtë fazë të vështirë të luftës së tyre.

“Qeveria e Kosovës ka vendosur të ofrojë dy pako mbështetëse për Ukrainën. Pakoja e parë do të dërgohet këtë javë për në Ukrainë dhe përbëhet nga kamionë taktikë, automjete taktike dhe autoblinda ushtarake. Kurse pakoja e dytë që përbëhet nga predha mortajash 120, 81 dhe 60-milimetërshe, do të dërgohet gjithashtu së shpejti në Ukrainë”, theksoi Maqedonci.

Që nga fillimi i agresionit rus, Kosova ka qenë në krah të Ukrainës, duke strehuar disa gazetarë ukrainasë e duke iu bashkangjitur sanksioneve të perëndimit ndaj Rusisë.