SHBA- Personi i radhës që dëshmoi në gjyqin kundër reperit të famshëm, Diddy, ishte Bryana Bongolan.

Kjo e fundit rrëfeu se reperi e kishte varur nga ballkoni i një apartamenti në katin e 17-të dhe se kishte hedhur një thikë drejt shoqes së saj, këngëtares Casandra Ventura (e njohur si Cassie).

Sipas dëshmisë së Bongolan, një natë të shtatorit të vitit 2016, ndërsa po flinte në divan me të dashurën e saj në apartamentin e Cassie-s, dëgjoi trokitje të forta në derë.

Ajo tha se fshehu të dashurën në tualet dhe vetë doli në ballkon. Më pas, Combs hyri në banesë dhe, sipas saj, e kapi, e ngriti dhe e vari jashtë ballkonit.

Prokurorët paraqitën foto të plagëve në këmbën e Bongolan, përfshirë një mavijosje dhe një shenjë shpimi, së bashku me të dhëna që konfirmonin datën se kur i kishte pësuar të tilla dëmtime.

Ajo dëshmoi gjithashtu se kishte parë makthe asaj nate.

Një tjetër incident me thikë

Në një tjetër rast, Bongolan përshkroi se Combs kishte hyrë në apartamentin e Cassie-s dhe kishte hedhur një thikë drejt saj. Cassie, sipas dëshmisë, e kishte marrë thikën dhe ia kishte hedhur mbrapsht, por asnjëra prej tyre nuk ishte lënduar.

Po ashtu, ajo tha se gjatë një seti fotosh në Malibu, Combs iu afrua dhe i tha: “Unë jam djalli dhe mund të të vras”.

“Kam qenë e tmerruar”, tha Bongolan.

Combs përballet me akuza të rënda për pjesëmarrje në grup të strukturuar kriminal, dhunë fizike, abuzim seksual dhe trafikim qeniesh njerëzore me qëllim prostitucionin.

Xhuljano Miaj i cili masakroi me thikë Xhimi Bakaj, të dashurin e ish-gruas së tij mbrëmjen e djeshme, ka dëshmuar para hetuesve se ish-bashkëshorja, e cila mësohet se u largua nga shtëpia së bashku me fëmijët për të jetuar me viktimën, “më telefononte e më thoshte që po kënaqej me të dashurin”.

Gjithashtu ka pretenduar se gruaja i kërkonte para për fëmijët, ndërsa 23-vjeçari Xhimi Bakaj i bënte karshillëk tek puna.

“Gruaja më merrte në telefon dhe më thoshte se po kënaqej me të dashurin e ri, më kërkonte para për fëmijët. Edhe Xhimi më vinte te puna dhe më bënte karshillëk”, është shprehur autori i dyshuar.

39-vjeçari, i cili punonte në një lavazh, ka deklaruar se biçaku ka qenë i viktimës dhe se thjesht është mbrojtur gjatë përplasjes fizike mes tyre.

Është zbardhur dëshmia e dhënë për grupin hetimor e Ajete Mërnicës, nënës së 23-vjeçarit Azgan Mërnica, i cili ditën e djeshme ekzekutoi me armë zjarri efektivin e forcave “Shqiponja”, Novruz Cenaliaj, 28 vjeç në fshatin Baltëz të Fierit.

Ajete Mërnica ka qenë bashkë me të birin në automjet në momentin kur ka ndodhur krimi, teksa dëshmia e saj ka ndihmuar dhe policinë në rindërtimin e dinamikës së ngjarjes, ku krimi dyshohet se ka ndodhur pas një konlikti të çastit.

Ajo ka dëshmuar se arsyeja e nisjes së konfliktit ka qenë për kalimin në një rrugë të ngushtë në hyrje të fshatit. Sipas saj, ajo ka tentuar ta ndalojë djalin e saj, por nuk ia ka mundur dot.

“Gjithçka ndodhi shumë shpejt dhe për një kalim në një rrugë të ngushtë në hyrje të fshatit. Tentova ta ndaloj djalin duke e kapur nga krahu, por nuk munda. Ai zbriti nga makina dhe më pas dëgjova një të shtënë arme”.

Pas këtij momenti 23-vjeçari dhe nëna e tij janë fiksuar nga kamerat teksa largohen me automjetin e tyre. Ky i fundit u sekuestrua rreth 4 kilometra nga vendi i ngjarjes, afër banesës së dajës së autorit.

Aty Azgan Mërnica ka braktisur makinën dhe është larguar në këmbë. Për kapjen e tij policia prej së hënës ka nisur kontrolle të shumta në të gjithë Qarkun e Fierit, por deri tani pa rezultat. Gjithashtu, është vënë dhe një shpërblim prej 30 mijë eurosh për këdo që jep informacion për kapjen e tij.

Njeriu që ka porosituar dhe paguar dhomën nr.201 në hotelin “Fjortes” në Vlorë, ku për 40 minuta u përdhunua nga tre meshkuj vajza 26-vjeçare me inicialet D.M, është Albi Ceno.

Ky personazh që tashmë ndodhet i arrestuar është njeriu që ka paguar dhomën dhe më pas ka çuar vajzën në katin e dytë, ku ndodhej dhoma e hotelit.

Ndërsa nga dera e pasme e hotelit, ku nuk ka pasur kamera, kanë hyrë dy shtetas të tjerë në dhomë, që janë Gentjano Mehmeti dhe Oltjan Tahiri.

“Ora Neës” ka mësuar se futja e tyre brenda në dhomë është bërë pa dijeninë e sportelistit dhe vetë menaxherit të hotelit, i cili ka deklaruar në polici se Tahiri dhe Mehmeti, nuk janë regjistruar në rregjistrin e prenotimeve të vizitorëve në hotel.about:blank

Sipas menaxherit, ai nuk ka njohje me asnjë nga personat që vizituan hotelin e tij, po ashtu vajzën D.M ishte hera e parë që e shikonte në këtë hotel.

Për 40 minuta me rradhë 26-vjeçaria është përdhunuar nga tre personat, ndërsa në dëshminë e tij, dhënë në polici i arrestuari Albi Ceno, ka deklaruar se vajza i kishte ngacmuar vetë.

Ceno, tregon se edhe pse vajza D.M i ka ngacmuar sërish ajo nuk ka mundur të kryejë marëdhënie seksuale me tre djemtë, pasi nuk ishte në gjëndje fizike për shkak të situatës ku ndodhej.

Menaxheri

Në dëshminë e siguruar nga “Ora Neës”, Albi Ceno, djali i një biznesmeni të njohur në qytetin e Vlorës, ka treguar se në datën 21 Tetor 2023 rreth orës 02:00 ka shkuar tek lokal “Barakuda” në Zvërnec, pasi e kishte ftuar shoku i tij, Oltjan Tahiri për të pirë një gotë.

Albi tregon se kur ka shkuar aty ka gjetur Oltjanin, një vajzë dhe një djalë të cilët ai nuk i njihte. Ata kanë qenë të ulur të tre së bashku, në një tavolinë dhe po pinin alkool.

Albi thotë se ka qëndruar rreth gjysëm ore i ulur së bashku me ata, duke konsumuar alkool dhe një cigare hashash. Rreth orës 02:45, Albi është larguar së bashku me D, ndërsa të tjerët kanë qëndruar tek lokal “Barakuda”.

Ai thotë se në momentin që kanë shkuar në Vlorë, vajza D, ka vjellë në makinë dhe kanë takuar shokun e Albit, Gentjano Mehmeti, të cilin e ka marrë në makinë dhe kanë shkuar tek Hotel “Fjortes”.

Albi sqaron se ka marrë një dhomë tek hotel “Fjortes” dhe ka çuar vajzën, pasi gjendja e saj ishte e keqe. Në momentin që e ka çuar në dhomë, i ka blerë “Limon Soda” dhe “Schveps”, duke e ndihmuar për të bërë dush në banjo.

Vajza më vonë është shtrirë në krevat, dhe e ka ngacmuar me duar por D. ka ndaluar pasi nuk ka qenë në gjendje.

Albi shprehet se vajzën në dhomën e hotelit e ka çuar Gentjano, ndërsa ai ka blerë “Limon Sodën” dhe “Zhvepsin” tek bari i hotelit dhe më pas është ngjitur dhe ai në dhomë.

Ai deklaron se në dhomë ka qëndruar me vajzën dhe Gentjanon më vonë, aty ka ardhur edhe Oltjani.

Në atë moment, ai dhe Gentjani janë larguar në drejtim të banesës së tyre, ndërsa D. e kanë lënë me Oltjanin, pasi ishte e njohura e tij.

Albi tregon se kanë konsumuar hashash i cili gjendej mbi tavolinë, dhe nuk kishte dijeni se kujt i përkiste. Ai shprehet se D. ishte larguar me të për ta shoqëruar, duke shtuar se nuk e ka çuar në spital atë pasi ka menduar ta ndihmonte vetë në ambjentet e hotelit.

Në dhomën e hotelit D., sipas deklaruesit e ka çuar ai me Gentjanon, të cilët kanë qëndruar së bashku me vajzën rreth 30-40 minuta, dhe më pas ka vajtur Oltjani, dhe të katërt kanë qëndruar rreth 40 minuta.

Ky person tregon se D. i ka ngacmuar vetë dhe është përpjekur të kryente seks oral me atë, Gentjanon dhe Oltjanin, por nuk ka arritur të kryente pasi ka qenë në gjendje shumë të dehur.

Ndaj dy personave të arrestuar Albi Ceno dhe Oltjan Tahiri, gjykata e Vlorës vendosi caktimin e masës së sigurisë “arrest në burg”, të cilët akuzohen për veprën penalë të “Marëdhënie seksuale me dhunë me të rritura” dhe “Nxitja për përdorim të drogës”. Ndërsa në kërkim vijojnë të jenë dy protagonistët e tjerë shtetasit Gentjano Mehmeti dhe Vilion Kapaj.