Sot, pasdite është përfshirë nga një zjarr i madh një objekt për riciklimin e mbeturinave nga plastika në afërsi të Lipjanit.

Lajmin e ka konfirmuar zëdhënësja e Policisë së Kosovës për Rajonin e Prishtinës, Flora Ahmeti, e cila bënë të ditur se bazuar në të dhënat fillestare raportohet vetëm për dëme materiale

Ajo tha se sot rreth orës 16:30, kanë pranuar informatën për një incident zjarri në një objekt në rrugën “Ibrahim Rugova” në Lipjan.

“Menjëherë në vendin e ngjarjes kanë dalë policia dhe zjarrfikësit të cilët po merren me rastin. Bazuar në të dhënat fillestare raportohet vetëm për dëme materiale”, thotë ajo në një përgjigje me shkrim për KosovaPress.

Një 30-vjeçar në Vlorë është shpallur në kërkim pasi ditën e djeshme, gjatë një konflikti, dyshohet se ka plagosur me thikë një 21-vjeçar.

Mësohet se fatmirësisht 21-vjeçari i plagosur ndodhet jashtë rrezikut për jetën, duke marrë ndihmë në Spitalin e Vlorës.

shpallën në kërkim shtetasin Xh. Q., 30 vjeç, banues në Vlorë, pasi më datë 28.06.2025, gjatë një konflikti për motive të dobëta, ka goditur me mjet prerës shtetasin Xh. S., 21 vjeç, banues në fshatin Babicë e Madhe, i cili ndodhet i shtruar në Spitalin Rajonal Vlorë, jashtë rrezikut për jetën.

Materialet iu referuan Prokurorisë, për veprime të mëtejshme”, njofton policia.

Policia e Tiranës ka arrestuar një 34-vjeçar, identifikuar si L. R. (P.), banues në kryeqytet, pasi mori me forcë në automjet një 40-vjeçar dhe e dhunoi fizikisht.

Sapo u mor informacioni për ngjarjen, shërbimet e Komisariatit të Policisë Nr. 3 ndërhynë menjëherë dhe bënë të mundur ndalimin e autorit të dyshuar. Ngjarja dyshohet të ketë ndodhur për motive të dobëta, ndërsa automjeti i përdorur u sekuestrua si provë materiale.

Materialet procedurale i janë referuar Prokurorisë së Tiranës për vijimin e hetimeve.

Njoftimi i policisë:

Mori me forcë në automjet dhe dhunoi një shtetas, për motive të dobëta, arrestohet 34-vjeçari.

Sekuestrohet automjeti.

Sapo janë njoftuar se një shtetas ishte marrë me forcë, me automjet, shërbimet e Komisariatit të Policisë Nr. 3 kanë organizuar menjëherë punën për të identifikuar autorin/ët dhe sqaruar rrethanat e rastit.
Si rezultat i veprimeve të shpejta dhe profesionale operacionale, është identifikuar, kapur dhe arrestuar autori i dyshuar i rastit, shtetasi L. R.(P.), 34 vjeç, banues në Tiranë.

Nga këto veprime dyshohet se ky shtetas, për motive të dobëta, ka marrë me forcë në automjetin e tij, një 40-vjeçar, të cilin e ka goditur me grushte.

Materialet procedurale iu referuan Prokurorisë së Tiranës, për veprime të mëtejshme.

Një 40-vjeçar është gjetur i pajetë në Tiranë

40-vjeçari, është gjetur në zonën e Qafë-Mollës, i vetëvarur në një pemë.

Grupi hetimor po punon për sqarimin e rrethanave të rastit.

Kamëz- Detaje të reja janë zbardhu në lidhje me plagosjen në Kamëz. Mësohet se dy persoant janë konfliktuar për një vend parkimi, i cili përfundoi me të shtëna armësh.

Si pasojë e konfliktit për vendin e parkimit njëri prej tyre ka nxjerrë armën dhe ka plagosur në këmbë shtetsain Mikel Xhetani, 25-vjeç. Gjithashtu 25-vjeçari ndodhet në spital nën kujdesin e mjekëve.

Ndërkohë policia ka mbërritur në vendngjarje dhe po bëjnë krehjen e zonës me qëllimin identifikimin dhe kapjen e autorit. Grupi hetimor po punon për sqarimin e rrethanave të ngjarjes dhe dokumentimin e plotë të saj.

Të shtëna me armë zjarri janë regjistruar mesditën e sotme në fshatin Shënkoll të Lezhës. Sipas burimeve, një person ka qëlluar me pistoletë ndaj një automjeti, por fatmirësisht nuk ka pasur të lënduar.

Menjëherë pas ngjarjes, autori është shoqëruar nga policia së bashku me armën e zjarrit. Dyshohet se incidenti ka ndodhur pas një konflikti të çastit mes dy të rinjve.

Ndërkohë, Policia e Lezhës po vijon punën për kapjen dhe shoqërimin e personit tjetër të përfshirë në konflikt, si dhe për zbardhjen e plotë të rrethanave të ngjarjes.

Një 26 vjeçar është plagosur me thikë pak më parë në qytetin e Korçës.

Sipas informacioneve i riu ka marrë plage në qafë dhe është paraqitur vetë në spital, dhe ndodhet në reanimacion në kujdesin e mjekëve.

Nuk dihet se kush e ka plagosur të riun, por paraprakisht policia dhe grupi hetimor po punon për sqarimin e ngjarjes.

Një 21-vjeçare është paraqitur në spital për ndihmë mjekësore ditën e djeshme.

Policia njofton se e reja pretendon se është goditur me sende të forta nga një person, ngjarje e ndodhur në rrugën Gjon Buzuku në Tiranë.

Blutë bëjnë me dije se ky person është identifikuar por po punohet për zbardhjen e plotë të ngjarjes.

Informacion paraprak

Më datë 27.12.2024, rreth orës 23:40, është paraqitur në spital për ndihmë mjekësore shtetasja K.Ç, 21 vjeçe, e cila deklaron se tek rruga Gjon Buzuku, është goditur me sende të forta nga një shtetas i identifikuar si K.K.

Grupi hetimor po punon për zbardhjen e plotë të rrethanave të ngjarjes dhe dokumentimin e plotë të saj.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.

Të shtëna me armë zjarri janë regjistruar pasditen e sotme, në një lokal në lagjen nr. 15, në zonën e ish-Kënetës në Durrës.

Burime nga vendngjarja bëjnë të ditur se pas një sherri banal brenda lokalit midis dy personave, ka nisur një përplasje fizike dhe njëri prej tyre ka qëlluar në ajër me armë, për të neutralizuar situatën e përplasjes.

Arma mendohet të ketë qenë e llojit “Shotgun”. Sherri dyshohet se ka ardhur për motive banale dhe dy personat e konfliktuar kanë qenë duke pirë në lokal së bashku dhe debati denigroi në përplasje fizike.
Gazetari Aldo Mustafa, informon se për fat të mirë nuk ka të lënduar. Policia ka mbërritur menjëherë në vendngjarje dhe po punon për zbardhjen e saj.

Një vjedhje e rëndë ka ndodhur pasditen e së shtunës në fshatin Ramjan të Vitisë.

Dyshohet se disa persona të panjohur kanë kryer vjedhje brenda një xhamie.

Siç njofton policia, ata kishin depërtuar me forcë brenda objektit fetar dhe aty kanë dëmtuar kasafortën dhe kanë vjedhur para, transmeton Klankosova.tv

Lidhur me rastin është njoftuar prokurori.

Rasti nën hetime.