Kolegji i Posaçëm i Apelimit vendosi sot shkarkimin nga detyra të gjyqtares së Vlorës, Mirela Mishgjoni, e cila ishte konfirmuar më parë nga Komisioni i Pavarur i Kualifikimit.

Drejtuesi i SPAK Altin Dumani që ka zëvendësuar në procesin e vetingut Komisionerin Publik, pas mbarimit të mandatit të këtij të fundit, i kishte kërkuar Kolegjit ndryshimin e vendimit të KPK-së dhe shkarkimin e vendimit të gjyqtares Mishgjoni, për shkak të problemeve me pasurinë.

Sipas tij, gjyqtarja ishte në pamundësi të vërtetimit të ligjshmërisë së të ardhurave të bashkëshortit të subjektit nga shitja e aktivitetit në Itali, nga shitja e një fabrike vaji në Shqipëri në vitin 1997, si dhe ato të përfituara po prej bashkëshortit nga puna si shef kuzhine në Vlorë, pasi nuk ishin paguar detyrimet tatimore.

Për të ardhurat nga shitja e fabrikës në ’97-ën, u konstatua se ato as nuk ishin deklaruar si burime në vite, as në deklaratën veting. Në vendimin e sotëm, KPA vlerësoi se Mishgjoni ishte e pabesueshme për kriterin e vlerësimit të pasurisë, gjendej e papërshtatshme për të vijuar detyrën dhe e shkarkoi atë duke votuar unanimisht.

‘Trupi gjykues i Kolegjit të Posaçëm të Apelimit, i përbërë nga Natasha Mulaj kryesuese, Albana Shtylla relatore, Mimoza Tasi, Rezarta Schuetz, Sokol Çomo anëtarë, shpalli vendimin për çështjen nr. 27/2024, datë 18.07.2024, që i përket ankimit të Komisionerit Publik kundër vendimit të Komisionit të Pavarur të Kualifikimit nr. 754, datë 05.04.2024, që lidhet me subjektin e rivlerësimit Mirela Mishgjoni.

Në përfundim të gjykimit, trupi gjykues, bazuar në nenin 66, pika 1, shkronja “b” e ligjit nr. 84/2016, “Për rivlerësimin kalimtar të gjyqtarëve dhe prokurorëve në Republikën e Shqipërisë”, në mënyrë unanime, vendosi: Ndryshimin e vendimit të Komisionit të Pavarur të Kualifikimit nr. 754, datë 05.04.2024 dhe shkarkimin nga detyra të subjektit të rivlerësimit Mirela Mishgjoni’, thuhet në vendim.

Prokurori i Tiranës, Lazër Çardaku u shkarkua nga detyra prej Komisionit të Pavarur të Kualifikimit, KPK më 8 nëntor 2024 për probleme në kriterin e pasurisë, që në vlerësimin tërësor u konsideruan se e vendosnin në kushtet e cenimit të besimit të publikut tek drejtësia.

Ndërkohë, Çardaku u vlerësua i besueshëm në kriterin e pasurisë dhe se kishte arritur nivelin minimal kualifikues për profesionalizmin.

Komisioni konstaton se Çardaku ka kryer deklarim të rremë në deklaratën veting lidhur me çmimin e blerjes së një apartamenti me sipërfaqe 73 m2 në Shkodër dhe një shtese bashkëngjitur, si dhe se ka qenë në pamundësi financiare. Si burim krijimi të kësaj pasurie subjekti ka deklaruar kursimet prej të ardhurave nga paga për vitet 1982 – 1992, si specialist në kooperativë bujqësore; si hetues e më pas prokuror në Pukë, nga viti 1992 deri në vitin 1999; si dhe nga kursimet e pagës së bashkëshortes si mësuese.
ILDKPKI ka konstatuar deklarim të pasaktë lidhur me vlerën e blerjes së këtij apartamenti në ’99-ën, pasi në deklaratën e pasurisë veting është shënuar vlera 200 mijë lekë sa figuron dhe në aktin e shitblerjes, kurse në deklaratën e interesave privatë ndër vite është deklaruar vlera 2.4 milionë lekë dhe 2 milionë lekë. ILDKPKI është shprehur se vlera 200 mijë lekë gjykohet si e ulët për blerjen e këtij apartamenti në vitin 1999.

Sekretari i Këshillit të Sigurimit të Ukrainës Oleksiy Danilov u lirua nga detyra dhe u zëvendësua nga kreu i shërbimit të huaj të inteligjencës Oleksandr Litvinenko me një dekret të publikuar sot në faqen e internetit të presidencës.

Nuk u dha asnjë shpjegim për arsyet e ndryshimit.

Danilov e mbante këtë post që nga tetori i vitit 2019 , disa muaj pasi presidenti Volodymyr Zelensky mori detyrën.

Këshilli Kombëtar i Ukrainës dhe Këshilli i Mbrojtjes kanë një rol koordinues në çështjet e sigurisë kombëtare dhe mbrojtjes nën mbikëqyrjen e presidentit.

Anëtarët e tyre janë lidershipi i lartë i vendit në fushën e politikës, sigurisë dhe mbrojtjes.

Zelensky ka zëvendësuar sistematikisht zyrtarë të lartë të sigurisë dhe mbrojtjes që kur Rusia nisi pushtimin e saj në shkurt 2022 . Largimi i shefit suprem ushtarak të Ukrainës në shkurt çoi në një spastrim më të gjerë midis oficerëve të lartë të ushtrisë.

Sipas faqes faqes zyrtare të presidencës ukrainase, Oleh Ivashchenko do të jetë kreu i ri i shërbimit të inteligjencës së jashtme.

Dalin pamjet e sherrit të ndodhur në një lokal në ish-Bllok, në Tiranë ku ishte i përshirë edhe një punonjës policie në Komisariatin nr.1,. Një grup të rinjsh janë konfliktuar me sende të forta

Sherri ka nisur për motive të dobëta, ndërsa u raportua se polici i ka goditur me sende të forta duke i shkaktuar lëndime disa personave. Ngjarja ndodhi rreth orës 02:00 të së shtunës.

Agjencia e Mbikëqyrjes Policore dhe Drejtoria e Përgjithshme e Policisë së Shtetit njoftoi se kanë filluar hetimin https://www.jetoilumtur.al/wp-content/uploads/2010/08/triforce-wallpaper.jpgistrativ për “Shkelje të rëndë” të Rregullores së Disiplinës së Policisë së Shtetit për punonjësin e policisë, N/Komisar D.N. dhe është bërë pezullimi nga detyra i këtij punonjësi.