Princ Leka dhe partnerja e tij, Blerta Celibashi kanë folur për herë të parë për lidhjen e tyre. Në një intervistë të sinqertë, Leka ka folur mbi divorcin e bujshëm me Elia Zaharinë, si edhe sherrin e dhunshëm mes tyre, e cila u zbulua nga një video e filmuar nga vetë ai. Sipas Lekës, ndarja e tij nga Elia erdhi në disa faza.

Sipas tij, fillimisht ka qenë faza emocionale, distancimi dhe më pas divorci. Siç tregon ai, ata jetonin në të njëjtën shtëpi, por të distancuar, madje edhe fotot familjare që publikonin, ishin fals.

“Kemi pasur një raport korrekt. Ndarja ka ardhur me fazë të ndryshme, ka qenë ajo faza emocionale, distancimi, kemi jetuar në një shtëpi, por të distancuar, kam qëndruar vetëm më vajzën, por nuk kishim kontakt, as fizik. Herë pas herë kemi qenë për mediat, foto, një kartolinë e bukur, por krejtësisht fals. Ka qenë faza ligjore”, – tha ai i ftuar në “Mirëmbrëma Yje”.

Ndër të tjera, ai zbuloi se mes tyre nuk ka pasur tradhti, pasi ai i ka treguar Elias për lidhjen që po niste me fotografen e familjes së tyre, Blerta Celibashi.

“Me të gjithë këto strese, edhe Blerta ka qenë viktime e të gjitha sulmeve, narrativeve që nuk ishin reale. Nuk ka pasur tradhti. Presion i parë që unë kam njoftuar për lidhjen time me Blertën, ka qenë pikërisht Elia. I kam thënë Elias para se të përqafohesha me Blertë, që jam takuar me Blertën”, – tha ai.

Sa i përket videos që u bë virale në media, ku Princ Leka konfliktohej me Elia Zaharinë dhe babain e saj, tha se u pendua që e dorëzoi në polici.

“E pranoj që gabova, nuk duhet të kisha dhënë asnjëherë videon, ta mbaja për gjyqin sepse ishte një goditje e drejtpërdrejtë. Ne kemi përjetuar një sulm. Ishte një sulm mediatik, një sulm ligjor… Pastaj si janë trajtuar filmimet dhe kanë dalë në publik, jam ndjerë i tradhtuar nga ata që kanë publikuar…”, – tha Princ Leka.

Federata Shqiptare reagoi ndaj ngjarjes së turpshme të ndodhur në 6 prill në Bosilegrad të Serbisë në sfidën mes Mladost dhe KF Tërnocit.

Atë ditë policia serbe ushtroi dhunë fizike ndaj futbollistit Veton Zeqiri, ndërkohe që përdori fyerje e kërcënime për të shkuar më pas e bastisur dhomën e zhveshjes së lojtarëve duke kontrolluar sendet personale të tyre.

Qeveria e futbollit në vendin tonë dërgoi një letër zyrtare në drejtim të Federatës Serbe të futbollit duke shprehur shqetësimin për të gjithë këtë incident shumë të rëndë

“Ndajmë shqetësimin tonë në lidhje me një incident të ndodhur së fundmi me ekipin KF Tërnoci gjatë ndeshjes së zhvilluar më 6 prill në Luginën e Preshevës-lexohet ndër të tjerat në letrën e Federatës Shqiptare të futbollit-Ky incident ka shkaktuar shqetësim të konsiderueshëm dhe ngre pikëpyetje serioze mbi kushtet në të cilat ekipet dhe lojtarët marrin pjesë në veprimtaritë futbollistike.

Situata të tilla jo vetëm që rrezikojnë mirëqenien e të përfshirëve, por mund të ndikojnë edhe në frymën e lojës së ndershme dhe respektit të ndërsjelltë — elemente thelbësore për sportin tonë, sidomos në kuadër të përgatitjeve tona të përbashkëta për UEFA Euro U21 2027”, thuhet në deklaratë.

Federata shqiptare e Futbollit e mbyll reagimin e saj duke deklaruar se do të ndjekë me vëmendje zhvillimet në vijim dhe mbetet e përkushtuar në mbrojtjen e të drejtave dhe dinjitetit të të gjithë aktorëve të futbollit shqiptar, brenda dhe jashtë kufijve të vendit.

Menjëherë pas përfundimit të spektaklit, konkurrenti Jozi e sulmoi fizikisht Gjestin me grushta, në një incident që eskaloi situatën dhe tronditi publikun.

Pamjet dhe raportimet për këtë ngjarje kanë bërë xhiron e rrjeteve sociale, duke nxitur reagime të shumta nga ndjekësit e emisionit. Përdorues të shumtë kanë dënuar veprimin e Jozit, ndërsa ky i fundit është shoqëruar nga policia për procedura të mëtejshme.

Në lidhje me këtë incident ka reaguar edhe Xheneta, ish e dashura e Gjestit gjatë qëndrimit të tyre në “BBVK”. Përmes një postimi në rrjetet sociale, ajo theksoi se dhuna nuk mund të justifikohet në asnjë rrethanë.

“Dhuna nuk është zgjidhje. Asnjë arsye nuk e justifikon dhunën – as në familje, as në rrugë, as në internet. Respekto. Dëgjo. Fol me mirësi. #StopDhunes #Respekt”, shkroi ajo.

Spektakli “BBVA” ka qenë shpesh në qendër të vëmendjes për debatet dhe konfliktet mes banorëve, por incidenti i fundit ka ngritur shqetësime të reja mbi sigurinë dhe mesazhet që përçohen përmes këtij formati.

Tre persona janë vënë në pranga ditën e sotme në Tiranë. Mësohet se arrestimi i tyre ka ardhur për vepra të ndryshme penale. Mes të arrestuarve është një 37-vjeçar i cili u vendos në pranga pasi ka përndjekur dhe ka ushtruar dhunë ndaj-ish të dashurës së tij.

Një tjetër është arrestuar pasi ishte shpallur në kërkim pasi ishte dënuar me burg për dhunë në familje.

Njoftimi i plotë:

Tiranë/Arrestohen 2 shtetas, për vepra të ndryshme penale. Specialistët për Hetimin e Krimeve të Komisariatit të Policisë Nr. 1 arrestuan shtetasin E. O., 37 vjeç, banues në Tiranë, pasi dyshohet se ka përndjekur dhe ka ushtruar dhunë ndaj-ish të dashurës së tij.

Specialistët për Hetimin e Krimeve të Komisariatit të Policisë Nr. 4 ekzekutuan vendimin penal për shtetasin në kërkim I. U., 38 vjeç, banues në Tiranë, pasi Gjykata e Shkallës së Parë e Juridiksionit të Përgjithshëm Tiranë i ka caktuar masën e sigurisë “Arrest në burg” për veprën penale “Dhuna në familje”.

Materialet i kaluan Prokurorisë.

Arrestohen pesë persona në Tiranë për vepra të ndryshme penale. Mësohet se 23-vjeçari F.S ka dhunuar të dashurën e tij, ndërkohë 53-vjeçari A.C ka dhunuar bashkëshorten.

Një 44-vjeçar është arrestuar pasi Gjykata e Tiranës e ka dënuar me burg për vjedhje me dhunë. Dy persona të tjerë janë arrestuar pasi drejtonin motomjetet e tyre pa leje drejtimi.

Njoftimi i Policisë:

Tiranë/Arrestohen 5 shtetas, për vepra të ndryshme penale.

Specialistët për Hetimin e Krimeve të Komisariatit të Policisë Nr. 2 arrestuan shtetasin F. S., 23 vjeç, banues në Tiranë, pasi dyshohet se ka ushtruar dhunë ndaj të dashurës së tij.

Specialistët për Hetimin e Krimeve të Komisariatit të Policisë Nr. 3 ekzekutuan vendimin penal për shtetasin D. Xh., 44 vjeç, banues në Tiranë, pasi Gjykata e Shkallës së Parë të Juridiksionit të Përgjithshëm Tiranë i ka caktuar masën e sigurisë “Arrest në burg”, për veprën penale “Vjedhja me dhunë” e kryer në bashkëpunim.

Specialistët për Hetimin e Krimeve të Komisariatit të Policisë Krujë arrestuan shtetasin A. C., 53 vjeç, banues në Fushë Krujë, pasi dyshohet se ka ushtruar dhunë ndaj bashkëshortes së tij.

Specialistët e Komisariatit të Policisë Rrugore Tiranë arrestuan shtetasit:

– F. C., 23 vjeç, banues në Kashar, si dhe referuan materialet në Prokurorinë pranë Gjykatës së Shkallës së Parë të Juridiksionit të Përgjithshëm Tiranë, për shtetasin E. M., 50 vjeç, banues në Tiranë, pasi shtetasi F. C., duke drejtuar pa leje drejtimi motomjetin, është përplasur me mjetin me drejtues shtetasin E. M., i cili dyshohet se ka kryer një manovër të gabuar. Si pasojë është dëmtuar shtetasi F. C., i cili ndodhet jashtë rrezikut për jetën;

– A. H., 19 vjeç, banues në Mëzes, pasi duke drejtuar pa leje drejtimi motomjetin dyshohet se ka humbur kontrollin mbi drejtimin e tij dhe është përplasur me një automjet të parkuar. Si pasojë është dëmtuar pasagjeri në motomjet, shtetasi F. M., i cili ndodhet në spital jashtë rrezikut për jetën.

Materialet i kaluan Prokurorisë.

Presidenti i Partisë së Lirisë, në një konferencë për mediat, ndër të tjera është pyetur nga gazetarët e pranishëm edhe për sulmin e dy ditëve ndaj avokatit të ish-kryeministrit, Sali Berisha, Sokol Mëngjesi.

Meta e cilësoi si një akt kriminal dhe të qëllimshëm. Ai shtoi se trimërimi i këtyre horrave, vjen nga fakti se shteti është kapur nga një kryehorr.

“Një akt kriminal, akt i qëllimshëm. Nuk ka asnjë justifikim, dihet nga vjen trimërimi i këtyre horrave, nga fakti që shteti është kapur nga një kryehorr”, tha Meta.

Kujtojmë që Mëngjesi ndodhet në gjendje të rëndë shëndësore dhe sipas mjekëve të spitalit të Traumës, 72 orët e ardhshme do të jenë vendimtare.

Një person është arrestuar në Cërrik dhe disa të tjerë janë vënë në hetim.

Policia ka arreestuar në flagrancë një 43-vjeçar, pasi dyshohet se ka ushtruar dhunë ndaj bashkëshortes së tij, e cila u pajis me urdhër mbrojtjeje.

Ndërkaq u vunë nën hetim 3 persona, pasi gjatë një konflikti për motive të dobëta, kanë goditur njëri-tjetrin, me grushte dhe me sende të forta.

Kush shqiptar nuk e mban mend datën 14 tetor 2014? Si sot 9 vite më parë Shqipëria zhvilloi një nga ndeshjet më dramatike në historinë e saj, e cila as nuk përfundoi. Bëhet fjalë për duelin me Serbinë në Beograd.about:blank

Në minutat e fundit të pjesës së parë tifozët serbë filluan të hedhim flakadantë në fushë dhe arbitri u dëtyrua të ndërpresë sfidën. Një sjellje e paprecedentë nga ana e serbëve.

Protagonist në atë sfidë padyshim ishte edhe Ismail Morina, i njohur si Ballist Morina që ngriti dronin me flamurin e hartës së Shqipërisë etnike me portretet e Ismail Qemalit dhe Isa Boletinit.

Në atë moment futbollistët serbë ndërhynë duke e kapur flamurin, por futbollistët e Kombëtares Andi Lila dhe Taulant Xhaka morën flamurin për ta mbrojtur nga serbët.  Më pas hynë edhe tifozët në fushë dhe së bashku me futbollistët dhunuan lojtarët e Kombëtares dhe stafin.

Shqipëria e fitoi duelin në Kas për atë ndeshje duke mundur edhe UEFA-n që i dha të drejtë Serbisë fillimisht.

Policia e Tiranës ka shpallur në kërkim Rexhep Rrajën, djalin e deputetit të PS, Rrahman Rraja, pas dhunës barbare ndaj dy kushërinjve Maja në Krujë një ditë më parë.

Policia bën me dije se pas hetimeve, është identifikuar edhe Rexhep Rraja si i përfshirë në ngjarjen e rëndë dhe tashmë materialet janë dërguar pranë Prokurorisë së Gjykatës së Shkallës së Parë të Juridiksionit të Përgjithshëm Tiranë.

Jashar dhe Bilbil Maja u dhunuan me sende të forta nga anëtarë të fisit Rraja teksa ishin duke pirë kafe në një lokal.

Dy kushërinjtë ishin ankuar se gurorja në pronësi të kushëririt të deputetit Rrahman Rraja po u dëmtonte banesat.

Ministri Bledi Çuçi ka reaguar për ngjarjen në Krujë, ku dy persona u dhunuan nga fisi Rraja. Ministri Çuçi thekson se pamjet e dhunës në Krujë janë të papranueshme dhe se askush nuk është mbi ligjin, duke shtuar se autorët nuk do t’i shpëtojnë përgjegjësive.

Ndër të tjera shprehet se Policia e Shtetit ka kryer kontrolle në banesat e të dyshuarve, 4 persona janë arrestuar dhe po punohet për kapjen e 3 të tjerëve të përfshirë në ngjarje.

REAGIMI:

Të rënda e të papranueshme pamjet e dhunës në Krujë. Askush nuk është mbi ligjin dhe s’mund t’u shpëtojë përgjegjësive në asnjë rrethanë. Policia e Shtetit ka ushtruar kontroll të imtësishëm në banesat e të dyshuarve, ka arrestuar 4 persona sot herët në mëngjes dhe po punon për kapjen sa më parë të 3 të tjerëve të përfshirë në ngjarje. Çdo insinuatë tjetër s’ka