Një 50-vjeçar është arrestuar në Lushnjë, pasi akuzohet për dhunë në familje.

Policia bën me dije se Niko Qori dyshohet se ka ushtruar dhunë ndaj babait të tij.

“Specialistët për Hetimin e Krimeve të Komisariatit të Policisë Lushnjë:

arrestuan në flagrancë shtetasin N. Q., 50 vjeç, banues në Lushnjë, pasi dyshohet se ka ushtruar dhunë ndaj babait të tij”, thuhet në njoftimin e policisë.

Materialet procedurale iu referuan Prokurorisë së Fierit, për veprime të mëtejshme.

Një edukatore e një çerdheje në Pejë është arrestuar nën dyshimin se ka keqtrajtuar një fëmijë.

Sipas mediave në Kosovë, edukatorja është ndaluar për 48 orë, pasi u denoncua nga prindërit për dhunimi ne fëmijës së tyre.

Lajmi është konfirmuar edhe nga zëdhënësi i Prokurorisë në Pejë, Shkodran Nikçi.

Véronique Rabiot, mamaja e futbollistit Adrien Rabiot ka rezerva për të gjithë pas vendimit të Marsejës për të pezulluar dhe nxjerrë në shitje djalin e saj, për shkak të një sherri në dhomat e zhveshjes me shokun e skuadrës, Rowe.

Ngjarja ndodhi të premten e kaluar, pas humbjes me Rennes. Në dy intervista për RTL dhe gazetën La Provence, nëna e mesfushorit, e cila është dhe agjentja e tij sulmon presidentin Longoria, “që sillet si agjent” dhe drejtorin sportiv Benatia, “të papërshtatshëm për rolin e tyre”.

Pa harruar trajnerin De Zerbi, “atë që ulërin dhe leh gjithmonë në dhomën e zhveshjes”. Fillimisht, Véronique Rabiot nis përplasjen mediatike me drejtuesit që dolën publikisht për të justifikuar vendimin: “Presidenti dhe drejtori sportiv nuk janë në lartësinë e rolit që mbajnë. pushtohen nga emocionet, janë të konsumuar nga egoja e tyre. Dhe Longoria sillet si agjent, jo si president.”

Në qendër të gjithçkaje është sherri i famshëm i javës së kaluar. “Nuk isha në dhomën e zhveshjes, as Longoria. Adrien do të tregojë versionin e tij, por është e qartë që sa më shumë kalon koha, aq më i ekzagjeruar bëhet ai debat, që në futboll ndodh shpesh.

Drejtuesit flasin për dhunë të paparë, por nuk ka hundë të thyer, buzë të çara, as qepje, dhe askush nuk përfundoi në spital. As trajneri, as drejtori sportiv nuk ndërhynë. Nuk pati asnjë dhunë të tmerrshme, asnjë të plagosur”, tha mamaja e futbollistit.

Presidenti Longoria dhe drejtori sportiv Benatia justifikuan përjashtimin e Rabiot duke përmendur nevojën për respekt ndaj klubit.

“Për çfarë respekti flet një president që bërtiste ‘korrupsion, korrupsion’ për të kritikuar gjyqtarët? Ose një drejtor sportiv që u pezullua për muaj të tërë sepse kritikoi vendimet e arbitrave? Nuk janë ata që mund të japin shembull”, kundërshtoi Veronique.

Më pas, nëna e mesfushorit foli edhe për trajnerin De Zerbi: “Ai thotë se nuk kishte parë kurrë diçka të tillë, se ishte i shokuar, kur është gjithmonë ai që ulërin dhe leh në dhomën e zhveshjes. I dha një shans të dytë Greenwood-it, që rrahu gruan, mund t’ia jepte edhe Adrienit.”

“De Zerbi thotë se ndihet i tradhtuar nga mungesa e impenjimit që nga grumbullimi në Holandë. Por është Adrien ai që është tradhtuar. Në këtë situatë Adrien ndjen mosmirënjohje, tradhti dhe mungesë respekti”, tha ajo.

Véronique Rabiot madje bën një krahasim duke kujtuar sezonin e fundit me PSG-në, kur djali i saj u përjashtua për pjesën më të madhe të vitit sepse nuk donte të rinovonte, aq sa çështja përfundoi në gjykatë dhe klubi i emirit u dënua për mobing: “Ne mendonim se e kishim kaluar më të keqen me PSG-në, por isha gabuar. Në Marsejë është edhe më keq.”

“Gjithë kjo që po ndodh është një inskenim, e vërteta është diku tjetër. Nëse episodi do të kishte qenë kaq i rëndë, Adrien do të ishte pushuar nga puna. Është thjesht një pretekst për ta nxjerrë në shitje një vit para përfundimit të kontratës dhe për të përfituar para. Në futboll të gjithë gënjejnë dhe të gjithë e dinë që të gjithë gënjejnë. Kur nuk kupton çfarë po ndodh, do të thotë që pas kësaj fshihen paratë”, përfundoi nëna e mesfushorit të kombëtares franceze.

Devoll, 9 gusht 2025 – Ndërhyrja e menjëhershme e Policisë së Devollit parandaloi përshkallëzimin e një ngjarjeje kriminale në familje, pasi një 24-vjeçar kishte dhunuar bashkëshorten e tij 19-vjeçare në banesën e tyre në fshatin Tren. Autori, i identifikuar si F.H., u kap në flagrancë dhe u arrestua nga forcat policore.

Gjatë kontrollit në banesë, policia gjeti dhe sekuestroi një armë gjahu të mbajtur pa leje dhe një gjerdan me disa fishekë të saj. Sendet u sekuestruan në cilësinë e provës materiale.

Materialet procedurale i janë referuar Prokurorisë së Korçës, ku 24-vjeçari do të përballet me akuzat për “Dhuna në familje” dhe “Prodhimi dhe mbajtja pa leje e armëve të gjuetisë dhe sportive”.

olicia ka dhënë detaje të reja sa i përket ngjarjes së ndodhur në një bar në zonën e Skelës në Vlorë. Ish shefi i Rrugores së Vlorës, aktualisht oficer i Policisë Kufitare Dibër, Ardian Isufi, dhunoi së bashku me një person me precedent kriminalë një 18-vjeccar, kamerier në lokal, për shkak se porosia e ardhur kishte një shishe ujë më tepër.

Në njoftimin ku bëhet me dije se Isufi është pezulluar nga detyra, policia njofton gjithashtu se ish-shefi i Rrugores momentalisht ndodhet në spital. Kjo pasi pronari i barit, kur ka parë skenën dhe faktin që kamerieri i tij është dhunuar, ka ndërhyrë duke e rrahur.

“Pas përfshirjes jashtë orarit të shërbimit në një konflikt fizik, në ambientet e një lokali në lagjen “Pavarësia 2”, Vlorë, Drejtori i Përgjithshëm i Policisë së Shtetit, Drejtues Madhor Ilir Proda, ka urdhëruar pezullimin e menjëhershëm nga detyra, deri në sqarimin e plotë të rrethanave, të oficerit të Policisë Kufitare Dibër.

Ndërkohë, Drejtoria e Standardeve Profesionale në Policinë e Shtetit ka nisur ndaj Nënkomisar A. I., me detyrë Oficer Policie në Komisariatin e Policisë Kufitare Dibër, procedurën disiplinore të rëndë, bazuar në Ligjin nr. 82/2024 “Për Policinë e Shtetit”, që parashikon masa për:

-raste të sjelljeve që diskreditojnë imazhin dhe dëmtojnë besimin e publikut tek Policia e Shtetit, të kryera jashtë ushtrimit të detyrës;

-kryerjen e veprimeve që cenojnë rëndë figurën e punonjësit të policisë, institucionit apo shërbimit policor në tërësi.

Nga veprimet e para hetimore ka rezultuar se Nënkomisar Ardian Isufi, jashtë shërbimit dhe në shoqërinë e shtetasit L. B., 57 vjeç, banues në lagjen “Pavarësia”, Vlorë, është konfliktuar fillimisht fizikisht me shtetasin A. B., 18 vjeç. Pas përshkallëzimit të konfliktit, janë përfshirë edhe shtetasit V. B., 53 vjeç, pronar i një hoteli në lagjen “Pavarësia 2”, dhe E. M.

Aktualisht, Nënkomisar A. I. ndodhet i shtruar në Spitalin Rajonal Vlorë. Për këtë rast vijojnë veprimet procedurale nga oficerët e Policisë Gjyqësore pranë Prokurorisë, në bashkëpunim me Agjencinë e Mbikëqyrjes Policore. Policia e Shtetit mbetet e vendosur të reagojë me vendosmëri ndaj çdo rasti që cenon besimin e qytetarëve. Ajo fton qytetarët të denoncojnë çdo veprim të paligjshëm apo sjellje të papërshtatshme nga punonjësit e saj, duke garantuar trajtim të paanshëm dhe konform ligjit”, njofton policia.

Policia e Tiranës ka arrestuar një 34-vjeçar, identifikuar si L. R. (P.), banues në kryeqytet, pasi mori me forcë në automjet një 40-vjeçar dhe e dhunoi fizikisht.

Sapo u mor informacioni për ngjarjen, shërbimet e Komisariatit të Policisë Nr. 3 ndërhynë menjëherë dhe bënë të mundur ndalimin e autorit të dyshuar. Ngjarja dyshohet të ketë ndodhur për motive të dobëta, ndërsa automjeti i përdorur u sekuestrua si provë materiale.

Materialet procedurale i janë referuar Prokurorisë së Tiranës për vijimin e hetimeve.

Njoftimi i policisë:

Mori me forcë në automjet dhe dhunoi një shtetas, për motive të dobëta, arrestohet 34-vjeçari.

Sekuestrohet automjeti.

Sapo janë njoftuar se një shtetas ishte marrë me forcë, me automjet, shërbimet e Komisariatit të Policisë Nr. 3 kanë organizuar menjëherë punën për të identifikuar autorin/ët dhe sqaruar rrethanat e rastit.
Si rezultat i veprimeve të shpejta dhe profesionale operacionale, është identifikuar, kapur dhe arrestuar autori i dyshuar i rastit, shtetasi L. R.(P.), 34 vjeç, banues në Tiranë.

Nga këto veprime dyshohet se ky shtetas, për motive të dobëta, ka marrë me forcë në automjetin e tij, një 40-vjeçar, të cilin e ka goditur me grushte.

Materialet procedurale iu referuan Prokurorisë së Tiranës, për veprime të mëtejshme.

Prokuroria ka lënë të lirë 37-vjeçarin D. M., autor i dyshuar i palgosjes së biznesmenit dhe kryetarin e Shoqatës së Operatorëve Turistikë, Arben Çipa. Ngjarja ka ndodhur dy ditë më parë në Lukovë.

37-vjeçari akuzohet për “Plagosje e rëndë me dashje”, kryer në bashkëpunim. Ndaj D. M. gjykata ka caktuar masën e sigurisë “Arrest në shtëpi”.

Kujtojmë që në një video të publikuar ditën e djeshme në media, biznesmeni Arben Çipa ka rrëfyer i gjakosur se si u dhunua nga dy persona. Në videon e publikuar, Çipa thotë se administratori i një firme dhe një person që e shoqëronte i kanë prerë rrugën.

Biznesmeni thotë se kanë diskutuar për një çështje për një projekt të tijin, të dy personat kanë filluar ta fyejnë.

Çipa vijon duke treguar se më pas të dy personat i janë futur në makinë dhe e kanë sulmuar me grushta dhe gurë, duke e sjellë në gjendjen që shfaqet në video, me fytyrën e mbuluar nga gjaku.

Një 34-vjeçar është shpallur në kërkim nga policia e Sarandës. Mësohet se 34-vjeçari me iniciale Xh.M ka goditur me shkopinj dhe leva hekuri, 42-vjeçarin me iniciale L.M duke i shkaktuar dëmtime trupore. Gjithashtu policia thotë se 34-vjeçari akuzohet për veprën penale “Plagosja e rëndë me dashje”, e kryer në bashkëpunim”. Po ashtu sipas hetimeve dyshohet se ngjarja ka ndodhur si pasojë e një konflikti të mëparshëm gjatë ditës.

Njoftmi i Policisë: 

Specialistët për Hetimin e Krimeve në Komisariatin e Policisë Sarandë shpallën në kërkim shtetasin Xh. M., 34 vjeç, për veprën penale “Plagosja e rëndë me dashje”, e kryer në bashkëpunim, pasi dyshohet se rreth orës 20:30, në lagjen nr. 2, së bashku me dy shtetas të tjerë ende të paidentifikuar, ka goditur me sende të forta, shkopinj dhe leva hekuri, shtetasin L. M., 42 vjeç, duke i shkaktuar dëmtime trupore.

Nga hetimet dyshohet se ngjarja ka ndodhur si pasojë e një konflikti të mëparshëm gjatë ditës, në rrugën “Lefter Talo”, mes shtetasve L. M. dhe F. M., 46 vjeç (xhaxhai i shtetasit Xh. M.), ndaj të cilëve nisi gjithashtu procedimi penal për veprën penale “Dëmtime të tjera me dashje”. Vijon puna për kapjen e shtetasve të dyshuar të përfshirë në këtë ngjarje.

Një 35-vjeçar është arrestuar nga policia e Fierit pasi ishte shpallur në kërkim për “dhunë në familje” dhe “Goditja për shkak të detyrës”.

Blutë njoftojnë se Daniel Shkrela ishte shpallur në kërkim pasi ka ushtruar dhunë ndaj ish-bashkëshortes së tij si edhe ka goditur me sende të forta një 50-vjeçar, me detyrë avokat.

Njoftimi:

Fier/Në zbatim të planit të masave për kontrollin e territorit, me qëllim goditjen e veprimtarive kriminale dhe kapjen e shtetasve në kërkim, u finalizua operacioni policor i koduar “Waiting”.

Si rezultat, u kap dhe u vu në pranga 1 shtetas (me precedent kriminal në fushën e krimeve kundër personit) i shpallur në kërkim për veprat penale “Dhuna në familje” dhe “Goditja për shkak të detyrës”.

Specialistët për Hetimin e Krimeve të Komisariatit të Policisë Fier, në bashkëpunim me Forcën e Posaçme “Shqiponja”, kanë kapur dhe ndaluar shtetasin Daniel Shkrela, 35 vjeç, banues në Fier, i cili ishte shpallur në kërkim pasi Gjykata e Shkallës së Parë të Juridiksionit të Përgjithshëm Fier, me vendimet e datave 23.09.2024 dhe 23.12.2024 ka caktuar masën e sigurisë “Arrest me burg”, për veprat penale“Dhuna në familje” dhe “Goditja për shkak të detyrës”.

Ky shtetas ka ushtruar dhunë ndaj ish-bashkëshortes së tij, shtetases N. Sh., si edhe ka goditur me sende të forta shtetasin E. S., 50 vjeç, me detyrë avokat.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.

Një 32-vjeçar nga Delvina është arrestuar ditën e sotme nën akuzën e dhunës në familje.

Efektivët e Komisariatit të Policisë Delvinë, pas denoncimit nga babai i tij i moshuar, se 32-vjeçari Shaban Ramaj kishte ushtruar dhunë fizike ndaj tij, menjëherë kanë kryer shoqërimin dhe më pas arrestimin e të dyshuarit.

Mësohet se ky është rast i përsëritur dhune, ndërkohë që 32-vjeçari Ramaj ka precedentë edhe për vepra të tjera penale.

32 vjeçari tashmë i arrestuar ka qenë person i proceduar në gjendje të lirë për kanosjen me thikë të një personi dhe dëmtimin e motorit të tij në muajin maj të këtij viti.