Tre infermiere janë sulmuar fizikisht nga një pacient në një spital në Foggia të Italisë. Ngjarja ka ndodhur mbrëmjen e së dielës, ku tre infermieret u goditën nga një pacient që shkoi në urgjencë për shkak të ankthit.

Burri është denoncuar nga policia e cila ka ndërhyrë. Episodi vjen pas sulmit të disa ditëve më parë nga personeli shëndetësor i të njëjtit spital, në repartin e kirurgjisë torakale, nga disa familjarë të një vajze që humbi jetën gjatë një operacioni. Mjekët dhe infermierët ishin detyruar të barrikadoheshin në një dhomë për t’i shpëtuar zemërimit të të afërmve të së resë.

Një shqiptar është shpallur në kërkim nga autoritetet greke. Mësohet se shqiptarinë orët e mëngjesit të së shtunës në tregun e perimeve të Larisës ka dhunuar pronarin e një biznesi. Më tej bëhet me dije se shqiptari ishte punonjës në biznesin e 45-vjeçarit. Sherri ka ndodhur mes dy burrave ku për pasojë është plagosur pronari.

Siç raporton onlarissa.gr, ende nuk dihet se pse ka ndodhur sherri mes punonjësit dhe pronari e cila çoi në përplasje fizike mes tyre. Për pasojë, 45-vjeçari ka mbetur i plagosur dhe është dërguar në Spitalin Universitar të Larisës. Ngjarja u raportua në polici e cila është në kërkim të autorit me origjinë shqiptare.

Reperi i njohur Noizy raportohet se është përfshirë në një sherr me personazhin e TikTok, Medi Iseni.

Sipas medias së Kosovës, Sinjali, reperi dhe 7 shokë të tij kanë dhunuar me doreza hekuri Medi Isenin dhe Bekim Hardergjonaj brenda një klub nate në Pejë.

Ngjarja mësohet se ka ndodhur rreth orës 03:00 të mëngjesit të sotëm, ndërsa ende nuk dihet arsyeja pse dy grupet janë përfshirë në sherr në klubin e natës.

Personazhi i TikTok dhe shoku i tij, Bekim Hardergjonaj raportohet se janë dërguar në spital ku po marrin ndihmë mjekësore, por nuk dihet gjendja e tyre.

Zëdhënësi i policisë në Pejë, Shkodra Nikçi ka deklaruar se Prokuroria ka nisur hetimet lidhur me rastin.

“Është inicuar rast për këtë çështje. Policia është ne fazën e grumbullimit te provave. Jemi në pritje për të gjeturat e Policisë. Prokurori i shtetit pasi ti marre te gjeturat e Policisë do veprojë komfor dispozitave ligjore”, tha Nikçi për median e Kosovës.

Noizy dhe Medi Iseni janë përfshirë në konflikt edhe rreth dy vite më parë. Ngjarja ndodhi gjatë një koncerit të reperit,ku fansat e tij dhunuan duke qëlluar me grushte Medi Isenin.

“Më rrahën dhe më nxorën nga klubi, çfarë të bëj tani”, tha ai, ndërsa pamjet e momentit u bënë virale.

Medi Iseni është shoku i Kozakut dhe ka pasur përplasje e ofendime me reperin Noizy.

Një lajm i rëndë ka tronditur qytetin e Pordenones  në Itali, ku një 47-vjeçar me origjinë shqiptare është arrestuar sot, pasi akuzohet për përndjekje dhe tentativë vrasjeje ndaj ish-bashkëshortes.

Sipas mediave vendase, 47-vjeçari priti ish-gruan e tij para shtëpisë së saj dhe sapo ajo kishte dalë jashtë, e ka sulmuar me grushte si dhe ka përdorur edhe një çelës makine për ta goditur, duke i shkaktuar kështu dëmtime të rënda fizike në trup.

Pas sulmit të dhunshëm, gruaja ka thirrur menjëherë ndihmë, ndërsa fqinjët e saj i kanë dhënë autoriteteve informacionin e nevojshëm.

Hetimet kanë nisur menjëherë dhe kanë çuar në identifikimin e të dyshuarit, e në këtë mënyrë oficerët kanë vijuar arrestimin. Nga ana tjetër, gruas iu dha urdhër mbrojtjeje.

Një 40-vjeçar është arrestuar nga policia e Tiranës për veprën “Plagosja e rëndë me dashje”. Zamir Gjuzi, duke qenë nën efektin e alkoolit, është konfliktuar me 18-vjeçarin Akil Hebeja.

Gjatë sherrit 40-vjecari e ka shtyrë adoleshentin, ku si pasojë ky i fundit ka rënë me kokë në trotuar duke marrë dëmtime të rënda në pjesën e kafkës.

Si pasojë Akil Hebeja ndodhet në spital, në kujdesin e mjekëve.

Policia në Lushnjë njofton se ka proceduar penalisht një 52-vjeçar, pasi dyshohet se ka ushtruar dhunë ndaj babait të tij.

Ngjarja ka ndodhur në fshatin Zhamë të Fierit. I ati është pajisur me urdhër mbrojtje.

“Komisariati i Policisë Lushnjë referoi materialet në Prokurori ku nisi procedimi në gjendje të lirë për shtetasin N. Zh., 52 vjeç, banues në fshatin Zhamë, pasi ka ushtruar dhunë ndaj babait të tij, i cili u pajis me urdhër mbrojtjeje”, njofton policia.

Ajo që po ndodh në vendin tonë është një këmbanë e fortë alarmi për autoritetet që duhet të vihen në veprim për sigurinë e çdo qytetari.

Një tjetër rast tronditës i dhunës në familje është zbuluar në Tiranë, këtë herë në Allias. Nga video shihet momenti kur një e moshuar dhunohet pa pikë mëshire nga djali i saj.

Rasti është denoncuar nga një banorët e lagjes, të cilët të shqetësuar pretendojnë se agresori sapo ka dalë nga burgu dhe dyshohet se vuan nga probleme të shëndetit mendor.

Në pamjet më poshtë, ai është filmuar duke kapur prej flokësh nënën e tij të pambrojtur dhe e shtyn fort, teksa i bërtet me të madhe.

Sipas raportimeve, kjo nuk ishte hera e parë që e moshuara dhunohet nga djali i saj.

“Në zonën e Alliasit është një nënë që jeton vetëm me djalin e saj; i cili para disa kohësh ka dalë nga burgu por ka probleme mendore. Tregohet shumë i dhunshëm me nënën e vet, dhe ajo është e sëmurë, ka 100 probleme shëndetësore, mezi ecen dhe dikur dhe thurte centro për të mbledhur para. Janë bërë denoncime por askush nuk bën gjë për këtë situatë dhe fqinjët nuk mund të bëjnë diçka gjithashtu.” – raporton qytetarja.

Ish-ministri i Ekonomisë së Kazakistanit, Kuandyk Bishimbayev ka dhunuar për vdekje bashkëshorten e tij Saltanat Nukenova. Pas dasmës, Bishimbayev filloi të shfaqej agresiv ndaj gruas së tij. Ai e ndaloi gruan të komunikonte me të afërmit dhe miqtë me telefon, ia kontrollonte mesazhet dhe lëvizjet ndërsa e ndaloi edhe të shkonte në punë.

Çifti u grindën në një restorant dhe Saltanat tha se donte të prishte lidhjen. I dehur Bishimbayev filloi ta rrihte brutalisht me duar dhe këmbë, si rezultat ajo vdiq. Ai e torturoi gruan e tij për disa orë. 

Në gjyq, Bishimbayev u deklarua i pafajshëm dhe avokatët e tij kërkuan riklasifikimin e akuzave nga Vrasje e kryer me mizori të veçantë dhe Torturë në Shkaktim i vdekjes nga pakujdesia. Tragjedia e ka rikthyer çështjen e dhunës në familje në diskutimin e shoqërisë kazakistaneze. Publiku shqetësohet se ish-ministri mund t’i shpëtojë përgjegjësisë dhe çështja e tij mund të riklasifikohet si më e butë. Ndryshe Bishimbayev përballet me 20 vjet burgim ose burgim të përjetshëm. 

Një rast i dhunës në familje raportohet të ketë ndodhur në Greqi,

25-vjeçari ka dhunuar për arsye ende të paqarta partneren e tij 35-vjeçare me origjinë nga Moldavia.

Kanë qënë fqinjët ata që kanë dëgjuar zëra dhe kanë lajmëruar policinë, e cila ka shkuar në vendngjarje.

E reja është dërguar në Spitalin e Përgjithshëm të Larisës, ndërsa 25-vjeçari pas ngjarjes u zhduk për t’u gjetur më vonë nga policia në zonën e Karditës.

Ndaj tij është ngritur akuza për lëndim të rrezikshëm trupor, pasi i ka shkaktuar partneres plagë të rënda në kokë.