InterI ka fituar me rezultatin 3 me 1 përballë Parmës. Zikaltërit nuk lanë vend për surpriza në javën e 15-të të Seria A. Golin e vetëm të pjesës së parë e shënoi Dimarko, teksa Parma rezistoi 40 minuta.

Në të dytën ishte Barela dhe Turam që i siguruan fitoren Inzagit. Autogoli i Darmian në minutën e 81-të pati vlerë vetëm për statistikë te Parma.

Inter mban aktualisht vendin e tretë me një pikë më pak se Napoli kryesues.

Një 51-vjeçar është vënë në prangat e policisë këtë të enjte, pasi në një nga urbanët në kryeqytet, ka tentuar të vjedhë një shtetase. Pasi është pikasur nga qytetarët në urban duke vjedhur, ai është arratisur nga dritarja e urbanit duke dhuruar spektakël.

Ngjarja ka ndodhur në rrugën “Panorama”, ndërsa i arrestuari është banues në Kashar.

“Në lidhje me një video të publikuar në rrjete sociale, në të cilën shfaqet një shtetas duke dalë nga dritarja e një autobusi, ju informojmë se:

Sot, rreth orës 10:30, është marrë njoftim se në një autobus që lëvizte në rrugën “Panorama”, një shtetas kishte tentuar të vidhte një shtetase. Shërbimet e Policisë kanë kaluar menjëherë në adresën e dhënë dhe kanë shoqëruar në Komisariat, shtetasin P. Zh., 51 vjeç, banues në Kashar, për veprime të mëtejshme.

Në lidhje me këtë rast, deri tani nuk ka asnjë kallëzues. Po punohet për dokumentimin e plotë ligjor të këtij rasti”, bëri me dije policia.