TikTokeri i njohur Diamanti Blu është sulmuar fizikisht gjatë një transmetimi live, pasi kishte ofenduar publikisht një tjetër emër të njohur të TikTok-ut – Aronin, transmeton lajmi.net

Pamjet e incidentit janë përhapur me shpejtësi në rrjete sociale, duke shkaktuar reagime të shumta nga ndjekësit dhe përdoruesit e platformës. Sipas informacioneve fillestare, disa persona të paidentifikuar e kanë sulmuar Diamantin gjatë live-it, për shkak të deklaratave të tij ndaj Aronin, me të cilin ka pasur përplasje virtuale prej javësh, transmeton jil.al

Ky nuk është rasti i parë që konfliktet virtuale në TikTok përfundojnë në dhunë fizike. Në vitet e fundit, rrahjet dhe përplasjet mes TikTokerëve në Shqipëri dhe Kosovë janë shtuar ndjeshëm, duke ngritur shqetësime për ndikimin negativ të përmbajtjes toksike dhe mungesën e kontrollit në rrjetet sociale.

Deri tani, nuk ka ende një reagim zyrtar nga vetë Diamanti Blu apo nga autoritetet për incidentin./lajmi.net/

VIDIO

Diamanti i dytë më i madh i gjetur ndonjëherë, një gur përafërsisht 2,492 karatësh, është zbuluar në Botsvana në një minierë në pronësi të firmës kanadeze Lucara Diamond.

Është gjetja më e madhe që nga diamanti Cullinan 3,106 karatësh, i gjetur në Afrikën e Jugut në vitin 1905 dhe i prerë në nëntë gurë të veçantë.

Diamanti u gjet në minierën Karowe, rreth 500 km në veri të kryeqytetit të Botsvanës, Gaborone.

Qeveria e Botsvanës tha se ishte diamanti më i madh i zbuluar ndonjëherë në shtetin e Afrikës jugore.

Zbulimi i mëparshëm më i madh në Botsvana ishte një gur 1,758 karatësh i gjetur në të njëjtën minierë në vitin 2019.

Botsvana është një nga prodhuesit më të mëdhenj në botë të diamanteve, duke zënë rreth 20% të prodhimit global.

Në një deklaratë, Lucara tha se guri ishte “një nga diamantet më të mëdhenj të zbuluar ndonjëherë”.

“Ne jemi të entuziazmuar për rikuperimin e këtij diamanti të jashtëzakonshëm 2,492 karat,” tha kreu i Lucara, William Lamb.

Firma nuk dha detaje për cilësinë e gurit apo vlerën e tij