Kutalli, Dimal | 20 korrik 2025 — Një ngjarje tragjike është regjistruar këtë të shtunë në fshatin Kutalli të Dimalit, ku një 51-vjeçar ka humbur jetën si pasojë e rrëzimit të një muri rrethues në oborrin e shtëpisë së tij.

Viktima është identifikuar si Altin Hajdari, banor i zonës. Sipas informacioneve paraprake, Hajdari ndodhej duke punuar në prishjen e një pjese të murit rrethues, kur struktura ka humbur stabilitetin dhe është shembur mbi të.

Pavarësisht përpjekjeve për ta transportuar me urgjencë drejt spitalit, ai nuk mundi t’i mbijetojë plagëve dhe ndërroi jetë gjatë rrugës.

Policia ka mbërritur në vendngjarje dhe ka nisur hetimet për të përcaktuar shkaqet e sakta të incidentit dhe nëse janë respektuar kushtet e sigurisë gjatë punës.

Ngjarja ka tronditur komunitetin lokal, ndërsa familjarët dhe të afërmit e viktimës janë në gjendje shoku.

DIMAL- Një aksident gjatë orarit të punës është regjistruar ditën e sotme në një gurore, që operon në bashkinë Dimal. Raportohet se një 71-vjeçar teksa punonte një nga makineritë i ka kapur krahun dhe ia ka prerë.

Personi është identifikuar si Petraq Prifti, banues në Dimal. I plagosuri është transportuar me urgjencë drejt Spitalit të Traumës në Tiranë. Në vendngjarje ka shkuar grupi hetimor që po punon për zbardhjen e plotë të kësaj ngjarjeje aksidentale.

Një aksident ka ndodhur mesditën e sotme rreth orës 11:30, në fshatin e Dimalit. Një automjet tip Volkswagen i cili drejtohej nga E.H 30 vjeç ka përplasur këmbësorin 55-vjeçar P.D.
55-vjeçari u dërgua në spital për mjekim, ndërsa shoferi u shoqërua në komisariat.

Njoftimi i Policisë:
Rreth orës 11:30, në rrugën e fshatit Pobrat, Dimal, automjeti tip “Volkswagen”, me drejtues shtetasin E. H, 30 vjeç, ka aksidentuar shtetasin P. D., 55 vjeç, (këmbësor), i cili është transportuar në spital për ndihmë mjeksore.

Drejtuesi i automjetit, është shoqëruar menjëherë në komisariat, për veprime të mëtejshme procedurale.
Grupi hetimor ndodhet në vendngjarje dhe nën drejtimin e Prokurorisë po kryen veprimet e mëtejshme për sqarimin e rrethanave dhe përcaktimin e shkakut të aksidentit.

Riaktivizohet zjarri në fshatin Konisbaltë në Dimal. Dyshimet janë se edhe këtë herë zjarri ka qënë i qëllimshëm, ndërsa në ndihmë të zjarrëfikësve të Dimalit janë nisur 3 mjete zjarrëfikëse nga Berati dhe forca të ushtrisë.

Burime bëjnë me dije se zjarri është shkaktuar nga persona ende të paidentifikuar, ndërsa vatra ndodhet në zonën e Allaxhiasit, pak metra larg nga vatra e zjarrit e vendosur dy ditë më parë.
Zjarri po përparon drejt pyllit me pisha, i favorizuar nga era dhe temperaturat e larta.

Për shkak të terrenit të vështirë, në ndihmë të zjarrëfikësve të Dimalit janë nisur 3 mjete zjarrëfikëse nga Berati dhe forca të ushtrisë.

Terreni i vështirë e bën të pamundur futjen e mjeteve zjarrëfikëse drejt zonës së zjarrit dhe zjarrëfikësit dhe forcat e ushtrisë janë duke shuar flakët me pompa uji shpine dhe mjete rrethanore.
Ndërkohë që zjarrëfikësit janë duke luftuar me flakët për të neutralizuar zjarrin, policia po punon për identifikimin dhe kapjen e autorëve të zjarrit,që është vendosur qëllimisht për të dytën herë në të njëjtin vend.

Raportohet se një aksident i rëndë ka ndodhur pasditen e sotme rreth 100 metër larg hyrjes së Rotondos së Dimalit.

Tre mjetet: Renault me targa ‘AA 681 RY’, Volswagen me targa ‘AB 452 BK’ dhe ‘Audi AA 200 RU’ janë përplasur me njëra-tjetrën, duke qarkulluar në sense të kundërta.

Si pasojë e aksidentit janë plagosur lehtë dy nga drejtuesit e mjeteve dhe makinat janë dëmtuar, ndërkohë që është bllokuar qarkullimi i makinave në krahun e majtë të këtij aksi nacional.