KROACI – Në kuadër të raundit të tetë të elitës kroate në futboll, Dinamo Zagreb po shfaq një performancë të shkëlqyer duke udhëhequr me 2-0 ndaj Slaven Belupos, ku shqiptari Arbër Hoxha ishte ‘ylli’ i pjesës së parë.

Në minutën e 41-të, Dinamo arriti të thyente mbrojtjen kundërshtare. Hoxha mori topin në krahun e majtë, u zhvendos në qendër dhe, pas një kombinimi të shkëlqyer me Ljubicic-in, gjeti pozicionin ideal për të gjuajtur brenda zonës së penalltisë, duke shënuar për 1-0. Sulmuesi shqiptar nuk e festoi golin, pasi përballë kishte ish-klubin e tij, ku kishte luajtur për disa vite.

Vetëm pak minuta më vonë, në kohën shtesë të pjesës së parë, Dinamo shënoi golin e dytë. Kulenovic përfitoi nga një pasim i gabuar i mbrojtësit Crepuljan, ndërsa Hoxha i dha asistin perfekt për golin e dytë, duke vulosur epërsinë 2-0.

Me këtë paraqitje, Arbër Hoxha doli qartë si protagonist i 45 minutave të para, duke regjistruar një gol dhe një asist, dhe duke demonstruar nivel të lartë dhe ndikim të madh në skuadër.

Tirana vuan por arrin që të marrë maksimumin në derbin me Dinamon, duke fituar 3-2.

Skuadra e Erbim Fagut edhe pse e mbylli pjesën e parë në epërsinë e dy golave, u ndëshkua në pak minuta dy herë në pjesën e dytë nga “ish”- i tyre, Klevi Qefalija, e u desh një “perlë” e Fjoart Jonuzit, për të marrë fitoren që e rikthen në rrugën e duhur drejt “Final4”. Dinamo regjistron ndeshjen e tretë radhazi pa fitore e lëshon vendin e pesë të renditjes dhe mbetet 4 pikë prapa Skënderbeut të vendit të katërt.

Ndeshja nisi mirë për badheblutë që arritën që të shënonin që në minutën e shtatë me anë të Nikqit, i cili arriti të devijonte saktë një top të harkuar nga e djathta. 11 minuta më vonë, Tirana fitoi të drejtën e një 11-metërshi të fituar nga Latifi i cili u ndal në mënyrë të parregullt nga Qefalija. Nga pika e bardhë Liridon Latifi u tregua i saktë duke dyfishuar rezulatin. Dinamo u zgjua dhe nisi të reagojë, por në pjesën e parë nuk arriti që të shënonte. Edhe fraksioni idytë nisi më mirë për “nëndetësen blu”, të cilës iu desh të priste deri në minutën e 76-të për të shënuar, me Qefalinë i cili u ndihmua dhe nga një devijim për të ngushtuar diferencën e golave.

Shtatë minuta më vonë, Dinamo arriti që të barazojë shifrat. Marku shërbeu për Qefalinë, i cili devijoi bukur drejt portës dhe realizoi sërisht. Në festë Dinamo që arriti të ngrejë krye e të rikuperojë dy gola. Megjithatë, Tirana reflektoi dhe nisi të kërkonte më shumë e u desh një gol spektakolar i Fjoart Jonuzit për të marrë maksimumin. Goli i parë në kampionat për kuksianin me fanellën e Tiranës, teksa i jep kënaqësinë e suksesit të parë në pankinën e bardhebluve dhe Fagut, i cili tani nis të besojë te “final 4”, pasi Skënderbeu është vetëm 1 pikë larg.