Futbollisti i njohur portugez, Diogo Jota dhe vëllai i tij, Andre Silva, humbën jetën më 3 korrik në një aksident tragjik automobilistik

Futbollisti i njohur portugez, Diogo Jota dhe vëllai i tij, Andre Silva, humbën jetën më 3 korrik në një aksident tragjik automobilistik në Spanjën veriore, vetëm disa ditë pas martesës së Jotës me partneren e tij të fëmijërisë, Rute Cardoso.

Ngjarja e rëndë tronditi opinionin publik dhe botën e futbollit, ndërsa la pas një familje të shkatërruar. Diogo Jota kishte pak kohë që ishte martuar me partneren e tij, Rute Cardoso. Ai ishte baba i tre fëmijëve të vegjël: dy djemve, Denis dhe Duarte, dhe një vajze të lindur në nëntor të vitit 2024, emri i së cilës nuk është bërë ende publik.

Në fushë, Jota ishte një nga yjet kryesorë të Liverpoolit dhe kontribuoi në fitimin e titullit të Premier League në sezonin 2024–2025, duke shënuar kështu trofeun e katërt me “The Reds”. Vetëm dy muaj pas këtij suksesi, ai humbi jetën tragjikisht.

Sipas burimeve si “Celebrity Net Worth” dhe “Capology”, pasuria neto e Jotës në momentin e vdekjes vlerësohej në rreth 15.3 milionë euro.

Ai përfitonte një pagë vjetore prej 5.9 milionë eurosh dhe kishte bonuse të mundshme deri në 1.65 milionë euro, ndërsa të ardhurat nga sponsorët si Nike dhe EA Sports arrinin rreth 1.18 milionë euro. Ishte gjithashtu i përfshirë në sportet elektronike, ku kishte gjeneruar mbi 2.3 milionë euro përmes investimeve dhe pjesëmarrjes aktive.

Futbollisti portugez zotëronte një vilë luksoze në Lisbonë me vlerë rreth 2.35 milionë euro dhe disa automjete të klasit të lartë.

Sipas raportimeve nga mediat spanjolle, aksidenti ndodhi pasi një gomë e automjetit Lamborghini Huracan shpërtheu gjatë një parakalimi në rrugë me shpejtësi të lartë, duke bërë që makina të përmbysej dhe të shpërthente në flakë.

Autoritetet kanë konfirmuar se goma nuk ishte shkaku i vetëm i aksidentit dhe hetimet për rrethanat e plota vijojnë.

Humbja e Diogo Jotas është përjetuar me dhimbje të thellë si nga familjarët, ashtu edhe nga bota e futbollit, ndërsa Liverpooli ka premtuar mbështetje të vazhdueshme për familjen e tij në këto momente të vështira.

SPANJE – Mediat spanjole kanë publikuar pamjet nga vendi ku ndodhi aksidenti tragjik, që i mori jetën yllit të Liverpool-it, Diogo Jota së bashku me villain e tij Andre Silva, pasi Lamborghini i tij doli nga rruga në veri të Spanjës.

Sipas raportimeve paraprake, dyshohet se një nga gomat e Lamborghinit ka shpërthyer gjatë një parakalimi në autostradën A-52 pranë qytetit Cernadilla, afër Zamorës, në veriperëndim të Spanjës, pranë kufirit me Portugalinë.

Makina superluksoze doli nga rruga, u përmbys dhe shpërtheu në flakë pak pas orës 00:30 të mëngjesit të së enjtes. Shërbimet e emergjencës u thirrën menjëherë, por nuk arritën të shpëtonin dy vëllezërit.

Pamje tronditëse tregojnë mbetjet e djegura të supermakinës, e përmbysur në anë të rrugës kryesore, ndërsa ekipet e emergjencës shihen duke hetuar në vendngjarje.

Një video e siguruar nga mediat spanjole tregon trajektoren e makinës deri në momentin që ajo del nga rruga dhe përplaset duke shpërthyer në flakë. Gjurmët e gomave tregojnë vendin ku Lamborghini doli nga rruga, ndërsa copa të barrierës qendrore janë të shpërndara në t