Partia Socialiste zhvillon sot mbledhjen e grupit, ndërsa takimit i është bashkuar edhe kryesocialsiti Edi Rama.

Hera e fundit që Rama ishte në mbledhjen e grupit ishte 7 maji, kur para ministrave dhe deputetëve njoftoi krijimin e një komisioni të posaçëm anti-korrupsion dhe një draft-rezolutë për thellimin e reformave për mirëqeverisjen, sundimin e ligjit dhe luftën kundër korrupsionit.

Rikthimi i tij në këtë tryezë vjen kur propozimi i tij ka kaluar çdo hallkë në  parlament, dhe Komisioni Antikorrupsion i drejtuar nga Fatmir Xhafaj ka nisur tashmë punën.

Puna e këtij komisioni qe po vazhdon pa praninë e përfaqësueseve të opozitës, pritet të jetë në foks të mbledhjes.

Këtë të mërkurë, Kuvendi i Shqipërisë do të zhvillojë seancën plenare të radhës.

Seanca plenare do të nisë në orën 10:00.

Në rend dite janë raporti i veprimtarisë vjetore të Komisionerit për Mbikëqyrjen e Shërbimit Civil, projektligji për Konventën e Aviacionit Civil Ndërkombëtar, si dhe projektligji për organizimin dhe funksionimin e Gjykatës Kushtetuese.

Kjo seancë e së mërkurës është e para pas vendimin të Gjykatës së Apelit për vulën e PD-së.

Gjykata e Apelit njohu ish-kryeministrin Sali Berisha si kreun e PD-së, duke lënë në fuqi vendimin e gjyqtarit Agron Zhukri.