Ndryshe nga çdo ditë tjetër, ku Luizi zgjohej me Kiarën, i dhuronte asaj puthjen e mëngjesit dhe gjithë kohën shoqëroheshin bashkë, e sotmja nisi ndryshe.

Ai, Qetsori dhe Gerti dolën në oborr për të marrë rreze dielli dhe biseduan me njëri-tjetrin.

Luizi u shpreh se i duket e çuditshme shtëpia pa Kiarën, duke treguar se po e ndjen që tani mungesën e saj.

Teksa djemtë po bisedonin, në oborr doli Olta. Kjo e fundit duke qeshur, i tha Luizit ta shijojë ditën e beqarisë.

Ky i fundit nuk reagoi fare, ndërsa Qetsori i tha Oltës se Luizi nuk i ka qejf fare këto komente.

Pasi Jori mbaroi “misionin” si lidere e shtëpisë, banorët do votojnë për të përzgjedhur një lider tjetër.

Qetsori i tha Oltës se ai do votojë për Luizin, sepse sipas tij, ia kërkoi votën dhe se të njëjtën gjë do bënte për çdo banor.

Duke folur nga skaji tjetër i pishinës, Olta tha se Qetsori po bën aleancë me Luizin. Kjo e fundit, madje i kërkoi votën Qetsorit, duke i thënë se e do ajo pozicionin e lideres këtë javë.

Olta madje i tha Luizit se ajo ka për qëllim që ta marrë Qetsorin në finale. Ajo shtoi se janë dy vende bosh për në finale, pasi njërin vend e ka “zënë” Olta dhe tjetrin Luizi.