Detaje të reja dalin në dritë lidhur me ngjarjen e ndodhur më 30 janar në Portëz të Fierit, ku 20-vjeçari Andrea Thimjo, dyshohej se ka djegur me lëndë djegëse automjetin tip” Benz” në pronësi të shtetasit Robert Elmazaj.

Burime policore bëjnë me dije se autori i cilia është arrestuar, e ka djalë halle të dëmtuarin dhe dy kushërinjtë nuk kanë shkuarje me njëri- tjetrin ndaj kanë pasur konflikte të vazhdueshme, madje i dëmtuari e bullizonte autorin 20-vjeçar.

Andrea Thimjo ka shkuar natën te banesa e djalit të hallës, Robert Elmazaj, ka djegur automjetin me lëndë djegëse, benzinë, dhe më pas është larguar nga vendi i ngjarjes.

Policia ka bërë të mundur dokumentimin e ngjarjes me prova ligjore dhe ka arrestuar shtetasin Andrea Thimjo.

Një 36-vjeçar ka përfunduar në pranga nga policia, pasi dogji automjetin e një 34-vjeçari në Vlorë.

Sipas njoftimit zyrtar, të dy personat kanë pasur konflikte të mëparshme me njëri-tjetrin.

“Menjëherë pas njoftimit se rreth orës 00:30, në lagjen “28 Nëntori”, ishte djegur automjeti tip “Volvo” në përdorim të shtetasit K. D., 34 vjeç, Komisariati i Policisë Vlorë dhe Forca e Posaçme “Shqiponja” e DVP Vlorë organizuan punën për të nxjerrë përpara përgjegjësisë penale autorin/ët dhe për të zbardhur rrethanat e rastit.

Si rezultat, në kuadër të operacionit “Flames 4”, u identifikua dhe u vu në pranga, autori i dyshuar i rastit, shtetasi A. M., 36 vjeç, banues në Vlorë, i cili nga hetimet dyshohet se e ka kryer këtë krim, për shkak të një konflikti të mëparshëm, për motive të dobëta, me shtetasin K. D.”, thuhet në njoftim.

Një i moshuar rreth 78 vjeç është proceduar në Elbasan për shkak se ndezi zjarr në tokën e tij dhe si pasojë e përhapjes së flakëve, zjarri dogji sipërfaqe me pemë dhe ullinj.

“Specialistët për Hetimin e Krimeve të Komisariatit të Policisë Elbasan, si rezultat i hetimeve të kryera për rastet e zjarrvënieve, identifikuan autorin e dyshuar të një rasti, shtetasin 78 vjeç, banues në fshatin Valas, për të cilin u referuan materialet në Prokurori dhe nisi procedimi në gjendje të lirë, për shkak të moshës. Nga hetimet e kryera dyshohet se ky shtetas ka ndezur zjarr në tokën e tij, për të shkrirë dy tuba plastike që i përdorte për vaditje, dhe si pasojë e përhapjes së flakëve është djegur një sipërfaqe e madhe toke me pemë frutore dhe ullinj.”, thuhet në njoftimin e policisë.

Materialet procedurale i kaluan Prokurorisë pranë Gjykatës së Shkallës së Parë e Juridiksionit të Përgjithshëm Elbasan, për veprime të mëtejshme.

Arrestohet një person dhe procedohet penalisht një tjetër në Korçë. Mësohet se është arrestuar 36-vjeçari K.H me probleme të shëndetit mendor, pasi i ka vënë zjarrin kontenierit ku banonte. Për pasojë janë shkaktuar vetëm dëme materiale.