Departamenti i Administratës Publike (DAP) miratoi sot tre dokumente të reja për etikën, që do të shërbejnë për orientimin e nëpunësve të administratës publike, në kryerjen e detyrave funksionale me përgjegjësi dhe në përputhje me normat etike.

Konkretisht, DAP ka miratuar manualin praktik të rregullave të etikës për nëpunësit e administratës publike; udhëzimin për “Rolin e njësive të burimeve njerëzore në zbatimin e legjislacionit për etikën dhe përcaktimin e procedurave të mbikëqyrjes nga DAP”, si dhe udhëzimin e ri për “Organet disiplinore dhe procedurën e shqyrtimit të shkeljeve disiplinore”.

Këto dokumente janë hartuar me mbështetjen e ekspertëve të kontraktuar nga Instituti për Demokraci dhe Ndërmjetësim (IDM), në kuadër të projektit “Forcimi i integritetit për përmirësimin e shërbimeve publike”, financuar nga Ambasada e Suedisë në Tiranë.

Në vijim DAP do të ndërmarrë trajnimin e stafit të burimeve njerëzore në institucionet publike, me qëllim rritjen e kapaciteteve dhe njohurive për zbatimin e këtyre rregullave në praktikë.

Gazment Bardhi, kreu i Grupit Parlamentar të PD-së, iu përgjigj përmes rrjeteve sociale, Kryeministrit Edi Rama, madje duke publikuar për herë të parë përgjigjen e kreut të SPAK, Altin Dumanit, që konfirmon që çështja e Xibrakës është rihapur për shkak të kallëzimit të Gazment Bardhit.

Reagimi i Bardhit dhe publikimi i përgjigjes së Dumanit erdhën pasi më parë Edi Rama shprehej se nuk ka pasur fare kallëzim në Prokurorinë e Posaçme dhe për gishtin e akuzave, Bardhi do duhet të përgjigjet para ligjit.
Reagimi i Bardhit

Vëllai i Olsit vazhdon me gënjeshtrat ditore, duke përhumbur në nocione juridike që as i kupton dhe as nuk mund ti kuptojë. Po morë budalla po kallëzim kam bërë! Lexo përgjigjen e drejtuesit të prokurorisë së Posaçme z. Altin Dumani!

Unë nuk do bëjë kallëzimin në formën që don ti dhe yt vëlla, me qëllim rivarrosjen e çështjes që ekziston nga Prokuroria e Hanoverit.

Unë kam bërë kallëzim siç e kërkon ligji në këtë fazë ku ndodhet çështja penale, dhe që ka risjell ekzaktësisht atë që unë kam kërkuar: “Rihapjen e dosjes penale 335/1-2016 që prokurori yt personal e kishte varrosur në 2018”.

Tani mban nr. 88-2024, që do të shenjojë gjatë gjithë jetës dhe duhet ta mbash mend mirë! Deri atëherë, ndrysho strategji, të fala Olsit dhe kujdes narkoautomjetit me targa AA 653 DM!

Policia e Vlorës ka arrestuar një 43-vjeçar, i dënuar me burg për falsifikim të disa dokumenteve të pronësisë. Uniformat blu bëjnë me dije se në pranga ka rënë shtetasi me iniciale E.M., banues në Dhërmi.

Njoftimi i policisë:

Specialistët për Hetimin e Krimeve Ekonomike dhe Financiare, në bashkëpunim me shërbimet e Forcës së Posaçme Operacionale të DVP Vlorë dhe të Komisariatit të Policisë Himarë, bënë të mundur kapjen dhe ndalimin e shtetasit E. M., 43 vjeç, banues në Dhërmi, të cilit Gjykata e Shkallës së Parë e Juridiksionit të Përgjithshëm Vlorë i ka caktuar masën e sigurisë “Arrest në burg”, për veprat penale “Pastrimi i produkteve të veprës penale”, “Falsifikimi i dokumenteve” dhe “Falsifikimi i vulave, i stampave ose i formularëve”. Ky shtetas dyshohet se ka falsifikuar dokumentet e pronësinë të një sipërfaqeje toke, në Dhërmi.

Specialistët për Hetimin e Krimeve të Komisariatit të Policisë Vlorë arrestuan në flagrancë shtetasin N. Xh., 40 vjeç, banues në fshatin Velçë, pasi dyshohet se ka ushtruar dhunë fizike ndaj babait të tij.

Specialistët për Hetimin e Krimeve të Komisariatit të Policisë Sarandë arrestuan në flagrancë shtetasin L. C., 31 vjeç, banues në Sarandë, pasi dyshohet se ka ngacmuar seksualisht, në rrugë, një shtetase të huaj 34 vjeçe.about:blank

Matarialet procedurale iu referuan Prokurorisë, për veprime të mëtejshme.