Grupi “Hamas” i ka shkruar një letër Presidentit të SHBA-së, Donald Trump, duke i kërkuar drejtpërdrejt atij të garantojë një armëpushim 60-ditor në Gaza, në këmbim të lirimit të gjysmës së pengjeve që mbahen atje.

Kjo u raportua ekskluzivisht nga “Fox News”, duke cituar një zyrtar të lartë të administratës amerikane dhe një burim të përfshirë në negociata.

Letra është aktualisht në duart e Katarit, që pritet t’ia dorëzojë udhëheqësit të Shtëpisë së Bardhë më vonë këtë javë.

Doha zyrtare ka pezulluar përpjekjet e ndërmjetësimit për të arritur një marrëveshje për një armëpushim në Rripin e Gazës dhe lirimin e 48 pengjeve, të kapur që nga sulmi i Izraelit ndaj udhëheqjes së “Hamasit” në kryeqytetin e Katarit dy javë më parë.

Kryeministri Edi Rama ka dhënë lajmin se presidenti i zgjedhur i SHBA-së, Donald Trump, i cili merr detyrën më 20 Janar 2025, do të vizitojë Shqipërinë.

Kreu i qeverisë u shpreh se Presidenti i SHBA-së do të mbërrjë në vendin tonë në vitin 2027, së bashku me udhëheqësit e aleancës euroatlantike për Samitin e NATO-së që do të zhvillohet në Shqipëri.

“Akoma më e pamendueshme deri disa vite më parë është mikpritja e samitit të NATO-s në vitin 2027, gjë për të cilën kemi filluar punën së bashku me NATO, një mision inspektimi kushteve të infrastrukturës dhe logjistikës në Tiranë, që do të ishin të pamundur në Tiranën e para se qeveria në aleancë me Bashkinë e Tiranës të ndërtonte gjithçka ka ndërtuar në këtë dekadë.

Ardhja e Presidentit të SHBA dhe udhëheqësve të NATO-s në Tiranë është një mesazh i qartë për të gjithë lidhur me Shqipërinë, me pozicionin tonë të ri politik në arenën ndërkombëtare.

Jemi një vend i vogël me peshë modeste, por ama ne sot trajtohemi si të barabartë, jo vetëm në aspektin formal, por me një respekt që se kemi pasur më parë në historinë tonë”, tha Rama.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin

‘Dronë, avionë apo UFO?’, duket se është pyetja që ka ngecur në mendjet e amerikanëve që prej raportimeve në media për objektet misterioze të shfaqur në disa shtete të SHBA gjatë natës.

Objektet e çuditshme u panë në qiejt e New York, New Jersey, Connecticut, Pennsylvania e Maryland, duke nxitur teori të shumta konspiracioni të mbikqyrje të inteligjencës, spiunazh apo ushtrime të fshehta ushtarake.

FBI ka thënë se “nuk e di çfarë janë” objektet misterioze dhe zyrtarët kanë kërkuar shpjegime nga mediat që po i transmetojnë vazhdimisht.

Diçka të tillë ka kërkuar dhe presidenti zgjedhur i SHBA, Donald Trump duke deklaruar pak pas raportimeve se “qeveria di më shumë sa kërkon të tregojë mbi ngjarjen”.

“Tregojini publikut së çfarë janë, ose rrëzojini me armë”, shkruante Trump në rrjetet sociale, ku teori nga më të pamendueshmet shpërndaheshin nga skeptikët dhe rrjetet anti-qeveritare.

Disa prej tyre thonin se ishin pjesë e anijeje hapësinore iraniane, shërbimet e inteligjencës së SHBA që siguronin pronat e Trump, apo anije kineze”.

Në një video shiheshin objektet e bardha në qiellin e natës, teksa komentuesit kërkonin që dronët e satelitët të qëlloheshin për t’u rrëzuar.

William Austin, i universitetit Warren County Community College, tha se kishte studiuar imazhet dhe besonet se ishin identifikuar gabim.

Për këtë ai citonte efektin optik të quajtur parallax, që tregon objektin me formë të ndryshme kur shuhet nga këndvështime të ndryshme.

“Kjo është gjithashtu përfaqësimi i Shteteve të Bashkuara në 2024,’ tha Austin mbi teoritë e ndryshme, duke shtuar: “Kemi humbur besimin te institucionet tona, në kohën kur kemi më shumë nevojë”, shkruan rrjeti Metro.

Billie Eilish mbajti një monolog emocional, duke përplasur Donald Trump në mes të koncertit, disa ditë pas fitores së tij në zgjedhjet presidenciale në SHBA.

Duke performuar në Nashville, Billie ndërpreu koncertin e saj për të adresuar rezultatin e zgjedhjeve dhe pothuajse u përlot ndërsa fliste për rastet e sulmeve seksuale të Trump.

Billie Eilish ka qenë një kritike e zëshme e Trump – këngëtarja tha se ‘nuk mund ta kuptonte’ të bënte një shfaqje në një ditë si kjo, duke thënë se ishte e zhgënjyer nga kthimi i Trump në Shtëpinë e Bardhë.

Në një video të kapur nga fansat e shpërndarë në TikTok, duke iu drejtuar grave në audiencë në shfaqje, Billie shtoi, “Dua që ju të dini se jeni të sigurt me mua dhe jeni të mbrojtur këtu dhe se jeni të sigurt në këtë koncert. Dhe kënga që do të këndoj është për abuzimin që ekziston në këtë botë ndaj grave dhe shumë përvoja që kam kaluar dhe njerëzit që njoh kanë kaluar. T’ju them të vërtetën, nuk kam takuar kurrë një grua të vetme që të mos ketë një histori abuzimi. Asnjë.”

Donald Trump do të jetë presidenti i 47-të i Shteve të Bashkuara të Amerikës, pas një fitoreje të thellë përballë kandidates demokrate Kamala Harris.

Por cili do të jetë vendimi i parë që do ta marrë Trump pas betimit në janar të vitit të ardhshëm?

Zëdhënësja e Donald Trump, Karoline Levitt ka thënë për mediat amerikane se vendimi i parë që do të marrë Presidenti i ri do të jetë “dëbimi masiv i emigrantëve të paligjshëm”.

Kujtojmë që një nga premtimet kryesore që dominuan fushatën e Trump ishte lufta ndaj emigracionit të paligjshëm.

Madje këtë premtim Trump e përsëriti edhe në fjalimin e tij të parë pas rezultateve që e nxirrnin atë fitues, ku deklaroi se në SHBA nuk do të lejohen emigratë të paligjshëm, duke shtuar se Amerika është e hapur vetëm për ata që hyjnë ligjërisht.

Një burrë që, sipas autoriteteve, kaloi 12 orë jashtë fushës së golfit të ish-presidentit amerikan, Donald Trump, përpara se Shërbimi Sekret ta pikaste, u deklarua i pafajshëm ndaj akuzave federale, që përfshijnë akuzën për tentim vrasjeje.

I akuzuari Ryan Wesley Routh u paraqit në gjykatën federale në West Palm Beach disa ditë pasi u paraqit aktakuza me pesë pika, që lidhej me përpjekjen e dytë për të vrarë Trumpin që nga korriku.

Routh hyri në sallën e gjyqit i prangosur dhe i përshëndeti gazetarët e mbledhur për ta ndjekur procesin. Avokatët e tij refuzuan të komentojnë pas seancës.

Përpjekja e pretenduar për vrasje u pengua kur një anëtar i Shërbimit Sekret vuri re tytën e pushkës e Routh që dilte përtej gardhit të fushës së golfit, ku po luante Trump, sipas autoriteteve. Një agjent qëlloi në drejtim të Routhit, i cili u largua me shpejtësi dhe pastaj u arrestua pranë vendit të ngjarjes.

Zyrtarët kanë thënë se Routh nuk qëlloi asnjë plumb dhe nuk e kishte Trump në rrezen e shikimit të tij. Ai la pas një kamerë digjitale, një çantë shpine, një pushkë dhe një qese plastike me ushqime.

Prokurorët kanë thënë se Routh kishte shkruar për planet e tij për ta vrarë Trumpin në një shënim të shkruar me dorë disa muaj para arrestimit të tij më 15 shtator, ku e përshkruante veprimin e tij si një “përpjekje të dështuar për vrasjen e Donald Trump” dhe ofronte 150.000 dollarë për këdo që mund ta “mbaronte punën”.

Ky shënim ishte në një kuti që Routh raportohet se e kishte dorëzuar në shtëpinë e një dëshmitari të paidentifikuar disa muaj para arrestimit të tij.

Seanca e ardhshme në këtë rast do të mbikëqyren nga gjyqtarja federale Aileen Cannon, e cila u emërua në këtë post nga Trump dhe gjithashtu është caktuar të merrej me çështjen penale ku ish-presidenti akuzohet për mbajtjen e dokumenteve të klasifikuara në pronën e tij në Mar-a-Lago.

Cannon ka tërhequr vëmendje për mënyrën e saj të trajtimit të çështjes penale të Trumpit, të cilën e hodhi poshtë në korrik, vendim që tani po apelohet nga ekipi i këshilltarit special Jack Smith.

Arrestimi i Routhit ndodhi dy muaj pasi Trump u qëllua dhe u plagos në vesh gjatë një përpjekje për vrasje në një tubim fushate në Pensilvani. Shërbimi Sekret ka pranuar se ka pasur mangësi në sigurinë para atij sulmi, por ka thënë se masat e sigurisë funksionuan siç duhet për të parandaluar një sulm të mundshëm në Florida.

Fillimisht, Routh u akuzua vetëm për vepra penale që lidheshin me armët, përpara se prokurorët të ngrinin akuza të tjera më serioze. Prokurorët shpesh ngrenë fillimisht akuzat më të lehta për t’u provuar dhe më pas shtojnë akuza më të rënda gjatë zhvillimit të hetimit.

Akuzat e tjera përfshijnë posedimin e paligjshëm të armës, pavarësisht se ai kishte disa dënime penale, duke përfshirë dy akuza për posedim të mallrave të vjedhura në vitin 2002 në Karolinën e Veriut. Ai gjithashtu akuzohet për posedimin e një arme me numrin serik të fshirë, në kundërshtim me ligjin federal./REL

Kandidatura e Kamala Harris për presidencën e Shteteve të Bashkuara është një kërcënim për demokracinë, “çfarë i jep asaj të drejtën për të kandiduar për presidente?”. Ish-presidenti i Shteteve të Bashkuara dhe kandidati republikan, Donald Trump, e ka shkruar këtë në rrjetin e tij social, duke e cilësuar Harrisin si “kandidatin më të dobët presidencial në histori kur bëhet fjalë për krimin”. Trump më pas e akuzon atë se ka “lejuar miliona njerëz të kalojnë kufijtë tanë, shumë nga burgjet, institucionet psikiatrike dhe madje edhe terroristët, duke arritur nivele të papara më parë”.

Trump njoftoi gjithashtu se do të votojë kundër projektligjit për lirinë e abortit në Florida. Duke konfirmuar qëndrimin e tij se grave u duhet “më shumë kohë” se gjashtë javë për të vendosur nëse do të abortojnë, Trump tha në një intervistë me Fox News se “demokratët janë radikalë” dhe për këtë arsye nuk mund të mbështesë ndryshimin e Kushtetutës në lidhje me ndërprerjen e shtatzënisë. . Amendamenti i propozuar përmes referendumit do të parandalonte kufizimet e abortit para qëndrueshmërisë së fetusit, rreth javës së 24-të të shtatzënisë, duke siguruar përjashtime për të mbrojtur shëndetin e nënës.

Republikani Donald Trump rrezikon të humbasë në shtetin e Floridas në nëntor, sipas një sondazhi të ri.

Sondazhi i USA Today /Suffolk University/WSVN-TV i kryer midis 7 dhe 11 gushtit zbulon se Florida mund të mos jetë një fitore e lehtë për Trump. Ish-presidenti kryeson ndaj kundërshtarit të tij, kandidates demokrate Kamala Harris, me vetëm 5 pikë, 47 për qind me 42 për qind.

Epërsia e tij aktuale është më e vogël se të gjitha sondazhet që kanë treguar që nga 10 korriku dhe është gjithashtu brenda kufirit të gabimit të sondazhit prej +/- 4.4 përqind.

Florida konsiderohej më parë një shtet i luhatshëm, por është bërë gjithnjë e më republikan vitet e fundit, duke shkuar te Trump në zgjedhjet e 2016 dhe 2020.

Guvernatori republikan Ron DeSantis u zgjodh gjithashtu me shumicë në vitin 2022, duke mposhtur demokratin Charlie Crist me 19 pikë dhe duke mbajtur 62 nga 67 qarqe.

Ekipi i fushatës së kandidatit republikan për President, Donald Trump njoftoi të shtunën për një sulm kibernetik në komunikimet e brendshme të fushatës dhe tha se përgjegjëse ishte qeveria e Iranit, duke cituar armiqësitë e së shkuarës mes zotit Trump dhe Iranit, pa dhënë prova direkte.

Deklarata u shpërnda pak kohë pasi faqja e lajmeve në internet “Politico” njoftoi se kishte marrë email-e në muajin korrik nga një burim anonim që ofronte dokumente origjinale për përdorim të brendshëm nga fushata zotit Trump, përfshirë një raport mbi “pikat e mundshme të dobëta” të kandidatit republikan për Nënpresident, JD Vance.

“Këto dukumente janë marrë në rrugë të jashtëligjshme nga element të huaj, armiqësorë me Shtetet e Bashkuara, që synojnë të ndërhyjnë në zgjedhjet e vitit 2024 dhe të nxisin kaos gjatë procesit tonë demokratik”, tha përmes një deklarate zëdhënësi i fushatës së zotit Trump, Steven Cheung.

Përmes një postimi në rrjetin e tij “Truth Social” të shtunën në mbrëmje, zoti Trump tha se kompania “Microsoft” i kishte informuar drejtuesit e fushatës së tij se Irani kishte hakeruar një nga faqet e internetit. Ai fajësoi Iranin duke shtuar se “hakerat kishin qenë në gjendje të siguronin vetëm informacione që janë publike”. Ai nuk dha më shumë hollësi për sulmin kibernetik.

Agjencia e lajmeve Reuters nuk ka arritur të verifikojë në mënyrë të pavarur identitetin e hakerave të dyshuar apo qëllimet e tyre.

Ekipi i fushatës së zotit Trump iu referua një raporti nga hulumtuesit e Microsofitit të premten. të cilët thanë se hakera të lidhur me qeverinë iraniane u përpoqën në qershor që të ndërhynin në llogarinë e një “zyrtari të lartë” të fushatës presidenciale amerikane.

Hakerat kishin arritur që të merrnin kontrollin e llogarisë së një ish këshilltari politik dhe më pas e përdorën atë për të kryer sulm kibernetit ndaj zyrtarit, thuhej në raport.

Raporti nuk dha më shumë detaje mbi identitetin e individëve të vënë në shënjestër nga hakerët.

Një zëdhënës i kompanisë Microsoft nuk pranoi të bënte publik emrat e zyrtarëve dhe të jepte më shumë detaje pas sulmit.

Misioni i përhershëm i Iranit në Kombet e Bashkuara në Nju Jork tha në një email se “qeveria e Iranit nuk ka synon ndërhyrjen në zgjedhjet presidenciale në Shtetet e Bashkuara”.

“Ne nuk u besojmë njoftimeve të tilla”, thuhej në reagim, në përgjigje të pretendimeve të ekipit të fushatës së zotit Trump.

Ish Presidenti pati marrëdhënie të tendosura me Iranin gjatë kohës që drejtonte Shtëpinë e Bardhë. Gjatë presidencës së tij, Shtetet e Bashkuara vranë komandatin ushtarak iranian Qassem Soleimani në vitin 2020 dhe u tërhoqën nga një marrëveshje bërthamore shumëpalëshe me Iranin.

Ish Presidenti Trump i shpëtoi një atentati për ta vrarë në korrik. Edhe pse nuk ka të dhëna se i dyshuari për ngjarjen ishte i lidhur me Iranin, rrjeti CNN raportoi muajin e kaluar se Shtetet e Bashkuara kishin marrë informacion për një komplot iranian kundër ish-Presidentit. Irani i ka hedhur poshtë akuzat./VOA

ÇIKAGO, SHBA – Donald Trump deklaroi sot nga Çikago se Kamala Harris ka mashtruar votuesit në lidhje me racën e saj. Akuza e rreme erdhi ndërsa ish-presidentja u shfaq para Shoqatës Kombëtare të Gazetarëve me ngjyrë në Çikago të mërkurën në një prononcim publik që u kthye shpejt në armiqësi.

Ish-presidenti republikan pretendoi se Harris, gruaja e parë me ngjyrë dhe aziatiko-amerikane që shërbeu si zëvendëspresidente, në të kaluarën kishte promovuar vetëm trashëgiminë e saj indiane.

“Nuk e dija që ajo ishte e zezë, deri disa vite më parë, kur ajo u bë e zezë dhe tani ajo dëshiron të njihet si e zezë. Pra, nuk e di, nëse ajo indiane apo është e zezë?” tha Trump ndërsa iu drejtua konventës vjetore të gazetarëve.

Kamala Harris është vajza e një babai xhamajkan dhe një nëne indiane, të dy emigrantë në SHBA Si studente universitare, Harris ndoqi Universitetin Howard, një nga kolegjet dhe universitetet më të shquara historikisht të zezakëve të vendit, ku ajo u zotua gjithashtu për grupin historikisht të zi Alpha Kappa Alpha.

Trump ka ngritur një gamë të gjerë kritikash ndaj Harris që kur ajo zëvendësoi Presidentin Joe Biden në krye të kandidaturës së mundshme demokrate javën e kaluar. Gjatë gjithë karrierës së tij politike, ish-presidenti ka vënë vazhdimisht në pikëpyetje prejardhjen e kundërshtarëve që janë minoritete racore. Kështu ai bëri dhe me Obamën kur e akuzoi se nuk ishte amerikan dhe as i lindur në SHBA.

Michael Tyler, drejtori i komunikimit për fushatën e Harris, tha në një deklaratë se “armiqësia që Donald Trump tregoi sot në publik është e njëjta armiqësi që ka treguar gjatë gjithë jetës së tij, gjatë mandatit të tij në detyrë dhe gjatë gjithë fushatës së tij për president dhe pi e bën sërish tani që kërkon të rimarrë pushtetin.”

“Trump bëri sulme personale dhe ofendime ndaj gazetarëve me ngjyrë, në të njëjtën mënyrë që bëri gjatë gjithë presidencës së tij”, tha Tyler. “Donald Trump tashmë ka dëshmuar se nuk mund ta bashkojë Amerikën, ndaj ai përpiqet të na ndajë.

Sekretarja e shtypit e Shtëpisë së Bardhë, Karine Jean-Pierre u pyet gjatë konferencës së saj me gazetarët të mërkurën në lidhje me komentet e Trump dhe u përgjigj me mosbesim, duke murmuritur fillimisht: “Uau”.

Jean-Pierre, i cili është me ngjyrë, e quajti atë që tha Trump “të neveritshme” dhe tha: “Është fyese dhe askush nuk ka të drejtë t’i tregojë dikujt se kush është dhe se si e identifikon”.

Trump ka sulmuar vazhdimisht kundërshtarët dhe kritikët e tij në bazë të racës. Ai u bë i njohur në politikën republikane duke propaganduar teori të rreme se Presidenti Barack Obama, presidenti i parë me ngjyrë i vendit, nuk ka lindur në Shtetet e Bashkuara. “Birtherizmi”, siç u bë i njohur, ishte vetëm fillimi i historisë së Trump për të vënë në dyshim kredencialet dhe kualifikimet e politikanëve me ngjyrë