Himarë- Shefi i komisariatit të Himarës, Neritan Buzi ka dhënë dorëheqjen.

Ende nuk dihen arsyet se pse Buzi dha dorëheqjen nga drejtimi i komisariatit të Himarës.

Bëhet e ditur se Neritan Buzi pas dorëheqjes është transferuar në policinë e Qafë Botës.

Tiranë- Kryetari i Partisë Demokratike, Sali Berisha, i konsideron farsë elektorale zgjedhjet parlamentare të 11 Majit, ku Partia Socialiste fitoi mandatin e katërt qeverisës.

Në një konferencë për shtyp nga selia e PD-së, Berisha kërkoi largimin e Edi Ramës, krijimin e një qeverie teknike dhe përsëritjen e zgjedhjeve parlamentare.

Sali Berisha hodhi akuza drejt Edi Ramës, duke thënë se po paguan shuma parash për të ndryshuar raportin ndërkombëtar për zgjedhjet në Shqipëri.

“Sikundër shpreh bindjen dhe besimin tim se raporti i komunitetit ndërkombëtar, kundër të cilit Edi Rama po paguan shuma të jashtëzakonshme për ta ndryshuar, telefonata të pafundme, por nuk do t’ia arrijë.

Raporti do të jetë pasqyra më e vërtetë e kësaj farse, për të cilën edhe njëherë, fjalën do e kenë shqiptarët.

Ka vetëm një rrugë, largimin e Edi Ramës, qeveri teknike dhe përsëritjen e zgjedhjeve. Asnjë alternativë tjetër nuk shpëton shqiptarët nga farsa elektorale e instaluar në Shqipëri”, u shpreh Berisha.

I pyetur nga gazetarët nëse do ta japë dorëheqjen nga drejtimi i PD-së për t’i hapur rrugën një drejtuesi të ri, Berisha tha se nuk mund ta japë dorëheqjen, pasi sipas tij nuk ka humbur, por se zgjedhjet e 11 majiy ishin farsë.

Ai tha se e ka dhënë dorëheqjen kur humbi e zgjedhjet e vitit e 2013, ndërsa ka treguar dhe pse mbështeti Lulzim Bashën në atë kohë si kryetar të PD-së.

“Unë kam menduar dhe e kam bërë realitet atë. Unë e kam bërë realitet. Kjo pyetje nuk më shtrohet mua dot, se unë kur humba një palë zgjedhje që nuk ishin farsë, unë dhashë dorëheqjen.

Dhe një i ri erdhi pas meje. Nuk e zgjodha unë atë, atë e zgjodhi anëtarësia e PD. Pasi u zgjodh, unë e mbështeta sepse unë isha thjesht një anëtar partie luajal i forcës time politike. Por nuk mund të mos thuash se nuk ishte i ri.

Ishte i ri. Është tjetër problem se çfarë përfaqësimi bëri ai për gjeneratën e vet. Nuk ishte përgjegjësia ime ajo. Të tjerë ka me mijëra sepse unë kurrë nuk besoj në të pazëvendësueshëm.

Por pyetja që më bëtë, unë jam njeriu që e kam provuar dhe e kam faktuar. Dhe kam vepruar shumë drejt.

Unë nuk udhëhiqem nga paragjykimi. Mendova se një gjeneratë e re do ishte një shans i madh për forcën politike”, tha Berisha.

Kryeministri i Kanadasë, Justin Trudeau, ka vendosur të japë dorëheqjen nga posti i tij dhe gjithashtu edhe si kryetari i partisë së tij.

Trudeau tha se vendimi i tij erdhi pas diskutimeve të gjata me familjen e tij.

Në një konferencë për shtyp ai tha se “Kanadaja meriton të ketë një zgjedhje të vërtetë” për zgjedhjet e ardhshme.

“Është e qartë se nëse mua më duhet të luftoj beteja të brendshme, nuk mund të jem zgjedhja më e mirë për kanadezët”, u shpreh Trudeau.

Më tej, Justin Trudeau tha se Kanadaja është një vend më i mirë sot nga sa ishte kur ai u bë kryeministër në vitin 2015: “Qeveria jonë bëri që ekonomia të rritej për të gjithë dhe jo vetëm për disa. Ulëm varfërinë dhe përfshimë më shumë njerëz në forcën punëtore të vendit”.

Në mes të muajit dhjetor, Chrystia Freeland, aleatja e vjetër e kryeministrit, dha dorëheqjen papritur duke rritur presionin mbi lidershipin e Trudeau.

“Shpresoja shumë që të vazhdonte në detyrën e si si ministre e Financave dhe zëvendëskryeministre, por vendosi që të largohej”, tha Trudeau.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Presidenti francez, Emmanuel Macron, u zotua se do të qëndrojë në detyrë deri në maj 2027, në kohën  që i mbaron mandati, duke përjashtuar mundësinë për të dhënë dorëheqjen pas parashikimeve për një  humbje të mundshme në zgjedhjet parlamentare përballë të djathtës ekstreme.

“Mund të më besoni se do të jem në detyrë deri në maj 2027 si presidenti juaj, mbrojtësi në çdo moment të republikës sonë, vlerat tona, duke respektuar pluralizmin dhe zgjedhjet tuaja, në shërbimin tuaj dhe të kombit”, tha Macron në një deklaratë për mediat franceze.

Sondazhet sugjerojnë se Tubimi Kombëtar i ekstremit të djathtë do të dalë në krye të votimit të parakohshëm, raundi i parë i të cilit është caktuar për 30 qershor.

Marine Le Pen , kryetarja e partisë, ka thënë se dorëheqja e Macron mund të jetë zgjidhja e vetme për të shmangur një parlament të varur për tre vitet e mbetura të mandatit të tij.

Macron ndërkohë këmbënguli se votimi i ardhshëm, me një raund të dytë më 7 korrik, nuk ishte “as zgjedhje presidenciale, as një votë besimi ndaj presidentit të republikës”, por një përgjigje për “një pyetje të vetme, se kush duhet të qeverisë Francën”.

Sondazhet e opinionit sugjerojnë se RN është e vendosur të arrijë rezultatin e saj më të mirë ndonjëherë në votimin legjislativ, duke i dhënë potencialisht një mundësi për të emëruar një kryeministër, me gjasë Jordan Bardella.

Ky zhvillim vjen në një moment kur në parlament debatohet rreth mocionit të mosbesimit ndaj qeverisë që kanë dorëzuar 4 parti opozitare me nismën e socialistëve.

Dy zyrtarët e lartë që dhanë dorëheqjen thuhet se kanë marrë pjesë në banketin e festës së manjatit grek Evangjelos Marinakis, nën pronësinë e të cilit është edhe gazeta To Vima.

Kujtojmë se kjo gazetë publikoi artikullin që zbuloi se është redaktuar dhe shpërndarë e cunguar biseda e përgjegjësit të stacionit me një prej makinistëve të trenit që u përplas në aksidentin tragjik të Tembit ku humbën jetën 57 vetë.

Artikulli ka sjellë reagimin e Pasokut që ka dorëzuar mocionin e mosbesimit ndaj qeverisë me akuzën e manipulimit të provave të aksidentit. Diskutimi në parlament vazhdon.

Një punonjëse e Departamentit të Shtetit të SHBA-ve dha dorëheqjen për shkak të mbështetjes së vazhdueshme të qeverisë amerikane për luftën e Izraelit në Gaza.

Annelle Sheline, 38 vjeç dha dorëheqjen pas një viti si oficere e marrëdhënieve të jashtme në Byronë e Demokracisë, të Drejtave të Njeriut dhe Punës, raporton Washington Post. Sheline tha ajo ngriti vazhdimisht shqetësime, por arriti në përfundimin se ishte e pakuptimtë për sa kohë që SHBA vazhdon të dërgojë një rrymë të qëndrueshme armësh në Izrael.

Ndërsa në tetor, Josh Paul dha dorëheqjen nga Departamenti i Shtetit në shenjë proteste kundër mbështetjes amerikane për sulmin e Izraelit.

Prokuroria e Posacme SPAK, ka nisur procedin e verifikimit te pasterite te punonjesve qe ka ne organike duke kryer keshtu ndaj tyre nje proces te ngjashem me vetingun.

84 punonjës të administratës së Prokurorisë së Posaçme, SPAK të cilët kryejnë funksione hetimore ose mbështesin drejtpërsëdrejti hetimin, i janë nënshtruar një procesi të brendshëm vettingu.

Një komision i përbërë nga një prokuror, një gjyqtar dhe një anëtar i Byrosë Kombëtare të Hetimit, është duke kontrolluar nëse administrate justifikon pasurinë, ka aftësi profesionale dhe nëse kanë një figurë të përshtatshme për të kryer detyrën pranë SPAK.

Të dhënat e siguruara nga Tv Klan tregojnë se ky proces ka shkarkuar nga detyra 1 punonjës deri më tani, i cili rezultoi i paparshtatshëm dhe janë konfirmuar 39 të tjerë.

9 të tjerë kanë dhënë dorëheqjen nga puna, duke u ndërprerë kontrolli, teksa vijojnë procedurat për 35 punonjës të tjerë të administratës.

Ligji për organizimin dhe funksionimin e institucioneve që do të duhet të luftojnë korrupsionin në vend parashikon që edhe administrata e tyre do të duhet të kalojë sitën e aftësive profesionale, figurës dhe pasurisë.

Kryetarja e Partisë Republikane Ronna McDaniel njoftoi ditën e sotme se do të largohet nga posti i udhëheqëses. Ndërsa SHBA-ja është nëntë muaj para zgjedhjeve presidenciale, shkruajnë mediat e huaja. Kjo dorëheqje vjen pas presionit nga Donald Trump i cili është kandidati kryesor i partisë për nominim në zgjedhjet presidenciale.

Zhvillimi pasqyron ndikimin e ish-presidentit në parti ndërsa përgatitet për një revansh të mundshëm me demokratin Joe Biden më 5 nëntor. Trump shkroi në mediat sociale se do të nxiste ndryshime në Komitetin Kombëtar Republikan (RNC) pas zgjedhjeve paraprake të Karolinës së Jugut, të cilat u mbajtën të shtunën. 

 “RNC historikisht ka qenë subjekt i ndryshimeve kur kemi pasur një kandidat dhe synimi im ka qenë gjithmonë ta nderoj atë traditë. Unë mbetem e përkushtuar ndaj qëllimit për të rifituar Shtëpinë e Bardhë dhe për të zgjedhur republikanët në zgjedhjet e nëntorit”, tha McDaniel në deklaratën e saj. 

Ajo falënderoi gjithashtu Trumpin dhe sqaroi se dorëheqja e saj do të hyjë në fuqi në takimin pranveror të RNC më 8 mars, tre ditë pas Super Martës, zgjedhjet paraprake në 15 shtete amerikane. Në të njëjtën kohë, bashkë-kryetari i saj i RNC-së, Drew McKissick do të largohet gjithashtu.

RNC luan një rol të rëndësishëm në mbledhjen e parave për kandidatin presidencial, promovimin e mesazhit të partisë, mbledhjen e burimeve të tjera dhe tërheqjen e votuesve. Kushdo që zëvendëson McDaniel-in do të marrë përsipër detyrën e vështirë të bashkimit të një partie të ndarë.

McDaniel u rizgjodh vitin e kaluar si kryetare e RNC për një mandat të 4 dy-vjeçar. Por disa republikanë e kritikuan atë, veçanërisht për performancën e partisë në zgjedhje. Trump u mund në zgjedhjet presidenciale të 2020 dhe partia rezultoi keq në zgjedhjet afatmesme të 2022. Zemërimi kundër saj u intensifikua këtë muaj kur u zbulua se RNC kishte vetëm 8 milionë dollarë para në fund të dhjetorit – niveli më i ulët për një dekadë – dhe se Komiteti Kombëtar Demokratik mblodhi më shumë burime sesa republikanët.

Ndërsa Trump përpiqet të konsolidojë drejtimin e tij në udhëheqjen e partisë, një anëtar i RNC ka paraqitur mocione që do ta ndalonin partinë të paguajë tarifat ligjore të ish-presidentit. Trump përballet me katër padi penale dhe dy padi civile që kanë rezultuar në gjoba dhe kthime prej rreth 540 milionë dollarësh. Lara Trump, e pyetur javën e kaluar nëse RNC duhet të paguajë gjobat e vjehrrit të saj, nuk e përjashtoi këtë.

Trump kishte miratuar McDaniel, mbesën e kritikut të tij të vendosur dhe ish-kandidatit presidencial (2012) Mitt Romney, për kryesimin e RNC pasi ajo ndihmoi të fitonte shtetin e saj të Miçiganit në zgjedhjet presidenciale të vitit 2016. Deri atëherë, McDaniel përdorte emrin e saj të plotë, Ronna Romney.