Presidenti amerikan Donald Trump është nominuar për Çmimin Nobel për Paqen, pas ndërmjetësimit të tij në arritjen e një armëpushimi midis Izraelit dhe Iranit, një ngjarje që erdhi pas një konflikti 12-ditor.

Nominimi është dorëzuar zyrtarisht nga përfaqësuesi republikan Buddy Carter, i cili në një letër drejtuar Komitetit të Nobelit vlerëson “rolin historik dhe të jashtëzakonshëm” të Trump në arritjen e marrëveshjes së paqes, duke theksuar se veprimet e tij ndihmuan në ndalimin e përshkallëzimit të mëtejshëm dhe frenimin e ambicieve bërthamore të Iranit.

“Presidenti Trump ndërmori veprime të guximshme dhe vendimtare për të ndaluar ambiciet bërthamore të Iranit dhe për të parandaluar një luftë të madhe në rajon. Ai u përfshi në një marrëveshje që shumë e konsideronin të pamundur,” – shkruhet në letrën e Carter.

Vetë Trump deklaroi se “Lufta 12-ditore” mbaroi të hënënpas mesante me një armëpushim që hyri në fuqi.

“Ndikimi i Presidentit Trump ishte thelbësor në arritjen e një marrëveshjeje të shpejtë që shumë e konsideronin të pamundur. Presidenti Trump ndërmori gjithashtu veprime të guximshme dhe vendimtare për të ndaluar ambiciet bërthamore të Iranit dhe për të siguruar që shteti më i madh sponsor i terrorizmit në botë të mbetet i paaftë për të siguruar një armë bërthamore.

Lidershipi i Trump gjatë krizës “shëmbullon pikërisht idealet që Çmimi Nobel për Paqen kërkon të njohë: ndjekjen e paqes, parandalimin e luftës dhe avancimin e harmonisë ndërkombëtare. Në një rajon të pllakosur nga armiqësia historike dhe paqëndrueshmëria politike, një përparim i tillë kërkon si guxim ashtu edhe qartësi”.

Një plagosje e dyfishtë ka ndodhur paraditen e sotme në Rrogozhinë.

Ndërkohë mësohet se Shpëtim Osma që qëlloi me armë zjarri mbi fqinjin e tij Sami Disha dhe gruan e tij Nadire Disha, për arsye që ende nuk dihen është vetë dorëzuar në policinë e shtetit.

Mësohet se ai ka shkuar vetë në stacionin e policisë në Rrogozhinë.

\Nga të shtënat me armë, Samiu ka mbetur i plagosur në këmbë, ndërkohë që Nadirja është plagosur në bark.

Fundi i seancës së “Shihemi në Gjyq” mes bashkëshortëve Mirela e Artan shkon drejt ndarjes së çiftit. Përgjatë gjithë rubrikës të së “Dielës Shqiptare” në Tv Klan, Mirela nuk ka marrë përsipër asnjë përgjegjësi për veprimet e saj apo të familjarëve që i kanë shkaktuar humbjen e 150 mijë eurove dhe një çështje gjyqësore. E vetmja përgjigje që ajo ka pasur ka qenë “Çfarë të bëj unë?”

Pavarësisht faktit që njëri vëlla i ka marrë pronën, tjetri i cili qëndroi për 15 vite në shtëpinë e tyre nuk i flet, ajo sërish përkrah familjarët. Duke moss i kërkuar as falje Artanit apo edhe t’ia njohë siç duhet të gjithë ndihmën, ajo vetëm kërkon të hyjë në shtëpi dhe mos të jetojë në garazh. I lodhur nga e gjithë situata dhe pyetja e pandalshme “çfarë të bëj”, Artani deklaron se martesa 30-vjeçare ka prekur fundin.

Mirela: Ky zotëria duhet të hapë derën!

Artan: Ka mbaruar ai muhabet! Duhet liruar garazhi se duhet futur makina!

Mirela: Jo, jo, jo! Ti duhet të hapësh derën sepse bëj 20 vjet që punoj!

Artan: Je tepër mirë atje, je tepër komode!

Mirela: Në fund të fundit, del burri nga shtëpia, jo gruaja!

Eni Çobani: Në fund të kësaj seance, ke ndonjë fjalë të mirë për burrin tënd?

Mirela: Për burrin tim të gjitha ato që u thanë janë të vërteta! Po unë tani çfarë faji kam?

Eni Çobani: Lëre çfarë u tha, ti çfarë thua? E do këtë burrë ti, të vjen keq për këtë?

Mirela: Unë e dua, ai s’më do!

Artan: Nuk e dua unë! Nuk dua të bie më në një grackë të tillë, nuk e dua unë!

Mirela: Unë nuk të kam ndarë tyore!

Artan: Nuk i besoj asnjë qenieje tjetër njerëzore dy herë! Një herë jetoj unë!

Mirela: Nga unë nuk shpëton! Nuk të kam ndarë unë ty, jo më ke ndarë ti!

Policia italiane ka arrestuar një 50 vjeçar shqiptar, shofer kamioni, në lidhje me vrasjen e 52 vjeçarit Artan Kaja në Capannori.

Ka qenë vetë 50 vjeçari që ka shkuar në polici bashkë me avokatin e tij, duke deklaruar se ka kryer vrasjen.

Ai ka deklaruar se është ngjitur në një mur që rrethonte kompaninë, ka pritur derisa ka mbërritur 52 vjeçari dhe më pas e ka qëlluar.

Sipas raportimeve, disa javë më parë ata kishin pasur një debat të ashpër për çështjet e punës.

Data 1 janar po afron, bashkë me të edhe mundësitë e mëdha për lojtarët me kontrata që përfundojnë, të cilët mund të fillojnë të negociojnë me klube të interesuara. Këto të fundit janë të prirur  për t’i marrë pa pagesa transferimi në qershor.

Mes yjeve të vlerësuar, që mund të largohet pa kosto kartoni, është padyshim Alphonso Davies i Bayern Munich. Lojtari kanadez nuk mungon në listën e dëshirave të klubeve elitare. Nuk janë vetëm Liverpool-i dhe disa nga klubet kryesore të Premier League, të interesuara për mbrojtësin kanadez.

Sipas raportimeve nga “Marca”, Real Madridi nuk ka hequr ende dorë nga përpjekjet për të nënshkruar me të, duke e konsideruar si zgjedhjen më të mirë të mundshme për krahun e majtë të skuadrës së Carlo Ancelottit. Nga ana e tij, Bayern Munich vazhdon ta presionojë Davies, duke i ofruar disa mundësi për të arritur një marrëveshje që do ta mbante atë në Gjermani.

Real Madridi mbetet në pritje, duke shpresuar se Davies do të qëndrojë i hapur për një transferim, që ata besojnë se do të jetë zgjidhja më e mirë për krahun e majtë. Gjithashtu, skuadra si Manchester United dhe Barcelona përmenden si pretendente të tjera të mundshme për të.

Me vetëm pak ditë që ndajnë periudhën aktuale nga ajo e negociatave të hapura, situata do të zhvillohet shpejt. Megjithatë, Bayern Munich ka ende mundësi që ta bindë lojtarin dhe përfaqësuesit e tij t’i refuzojnë ofertat nga klubet e ndryshme në Europë.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Kur kanë kaluar 24 orë nga ngjaje e rëndë në Ndroq, ku u vra me armë zjarri Alfred Dedja, policia thotë se është vetëdorëzuar në polici autori i dyshuar.

Njoftimi:

Në vijim të veprimeve për ngjarjen e ndodhur më datë 01.12.2024, ku rreth orës 15:30, në një lokal në Ndroq, mbeti i vrarë me armë zjarri shtetasi A. D., rreth 50 vjeç, ju informojmë se:

Falë veprimeve të shpejta dhe të koordinuara të Policisë së DVP Tiranë në bashkëpunim me Drejtorinë Vendore të Policisë Durrës, kontrolleve të shumta të ushtruara bazuar në inteligjencës policore, gjetjen dhe bllokimin e automjetit të dyshuar që kishte përdorur autori, si dhe bllokimit të rrugëkalimeve dhe pamundësisë për të qëndruar i fshehur, autori i dyshuari u dorëzua në Polici.

Në vijim të veprimeve Specialistët për hetimin Krimeve të Rënda në Drejtorinë Vendore të Policisë Tiranë bënë ndalimin e autorit të dyshuar, shtetasit J. Gj., 26 vjeç, banues në Shijak.

Për zbardhjen dhe dokumentimin ligjor të ngjarjes, për sigurimin dhe sekuestrimin e provave dhe kapjen e ndalimin e autorit, Strukturat e Hetimit të Krimit në DVP Tiranë, kanë punuar me profesionalizëm në bashkëpunim të ngushtë me Prokurorinë dhe strukturat e tjetra të Policisë së Shtetit.

Grupi i posaçëm hetimor, në drejtimin e Prokurorisë, po vijon punën për zbardhjen e plotë të rrethanave të ngjarjes dhe dokumentimin e saj ligjor

Granit Elshani, i akuzuar për një vrasje në vitin 2010 në një diskotekë në Pejë, është dorëzuar në Policinë e Kosovës.

Avokatja e tij, Kosovare Kelmendi tha se Elshani është pritur sot nga zyrtarët policor në Aeroportin e Prishtinës dhe më pas është dërguar në Qendrën e Paraburgimit.

“Graniti i është përgjigjur vullnetarisht vendimit të Gjykatës për caktimin e paraburgimit dhe i njëjti përmes meje ka njoftuar organet policore se do të kthehet dhe paraqitet sot. I njëjti është pritur nga zyrtarët policor në aeroportin e Prishtinës dhe është dërguar drejtë në Qendër të Paraburgimit”, tha ajo.

Në shtator të 2024, Gjykata e Apelit shpalli fajtor Granit Elshanin. Ai ishte i dënuar me 24 vite burgim.

Reperi i njohur Arkimed Lushaj – Stresi, është dorëzuar sot në stacionin policor të Pejës, i kërkuar nga autoritetet e Kosovës për sherrin e bujshëm në një klub nate në Pejë.

Lajmin e ka konfirmuar zëdhënësi i policisë për rajonin e Pejës, Driton Rugova, cili deklaroi se ai u dorëzua mëngjesin e sotëm bashkë me avokatin e tij.

“Po, rreth orës 9:00, personi i kërkuar Arkimed Lushaj është vetëdorëzuar në polici së bashku me avokatin e tij. I njëjti ishte shpallur në kërkim nga policia para disa javësh”, konfirmoi Rugova.

Stresi, dyshohet se ishte përfshirë në një incident në një klub nate në Pejë, disa muaj më parë.

Në këtë incident dyshohet se ishin të përfshirë po ashtu edhe reperi Noizy dhe DJ i këtij të fundit,  të cilët po ashtu ishin arrestuar dhe liruar me vendim të autoriteteve kosovare.

Ministri i Brendshëm, Taulant Balla i ka bërë thirrje autorit të vrasjes së policit në Fier, Novruz Cenalia që të dorëzohet.

Në një prononcim për mediat, ministri tha se është e papranueshme që të ngrihet dorë mbi një efektiv policie.

Ndërkohë ai nxiti autoritetet dhe policinë e shtetit që të bëjnë gjithçka për të vënë në pranga, autorin e dyshuar, shtetasin, Azgan Mërnica.

Adoleshenti i arrestuar në Itali, si autori i vrasjes së shqiptarit Bledar Dedja ka pranuar se e ka kryer krimin.

“Po, unë e vrava”- ka qenë deklarata e tij para karabinierëve, të cilët e arrestuan.

Ndërkohë, motivi i krimit mbetet ende mister, pasi i mituri nuk ka rrëfyer asnjë detaj tjetër për ngjarjen.

Policia ra në gjurmët e 17-vjeçarit pasi kamerat e sigurisë pranë vendit ku shqiptari punonte, kishin kapur momentin kur djali hipte në makinë ne 39-vjeçarit, pak para orës së vrasjes, duke vërtetuar se ai ka qenë i fundit që ka pasur kontakt me të. Por gjithashtu, në makinën e shqiptarit u gjetën shenjat e gishtave të të miturit.

Nga ana tjetër, djali kishte disa plagë të shkaktuara me thikë në duar, që dëhsmonin përplasjen fizike të tij me Dedjana, para se ta qëllonte plot 20 herë dhe t’i merrte jetën.

Deri më tani, dyshohet se Dedja, i martuar me dy fëmijë të vegjël, takonte gra dhe të rinj për të kryer marrëdhënie seksuale. Në celularin e dytë të viktimës, hetuesit gjetën prova të kontaktit mes Bledar Dedjas dhe të dyshuarit. Në biseda është zbuluar se të dy kishin rënë dakord të takoheshin pikërisht në ditën e vrasjes.

Takimi i parë mes 17-vjeçarit dhe shqiptarit është zhvilluar rreth një vit më parë në ambientet e punës së Bledarit. Në atë periudhë, 39-vjeçari dyshohet se e bindi adoleshentin të fillonte një marrëdhënie seksuale në këmbim të parave. Një nga hipotezat mbi të cilat po punon prokuroria është se 17-vjeçari ka dashur të ndërpresë lidhjen, por Bledari nuk pranoi dhe gjithashtu e shantazhoi.