Jobe Bellingham, pritet të vazhdojë karrierën në Gjermani. Ashtu si vëllai i tij, Jude Bellingham, në të kaluarën edhe Jobe mund të veshë fanellën e Borussia Dortmund.

Sipas asaj që raportohet nga Anglia, klubi gjerman ka arritur akordin personal me lojtarin, për një kontratë pesëvjeçare.

Gjithçka duket në rrugë të mbarë, ndërsa duhet arritur marrëveshja me Sunderland, klub që sezonin e ri do të luajë në Premier League.

Jobe Bellingham ishte lojtar i rëndësishëm te Sunderland në sezonin e fundit, ku si mesfushor, u aktivizua në 43 ndeshje dhe shënoi katër gola, ndërsa dhuroi edhe tre asiste.

E ardhmja e tij pritet të jetë në Bundesligë dhe ditët e ardhshme do të jenë vendimtare për lëvizjen që do të vijë nga Borussia Dortmund.

/tvklan.al

Barazim 1-1 në “Der Klassiker” mes Dortmund dhe Bayern, takim ky i Bundesligës i zhvilluar në “Signal Iduna Park”.

Në minutën e 26-të, talenti anglez, Jamie Gittens u shkëput mjaft mirë nga krahët, duke lënë mbrapa kundërshtarin dhe duke finalizuar në mënyrë perfekte aksionin personal, me një goditje me të majtën në brendësi të zonës.

Verdhezinjtë ruajtën me fanatizëm rezultatin në fraksionin e parë, teksa nuk lejuan hapësira.

Në pjesën e dytë, bavarezët e drejtuar nga Kompany shtuan presionin dhe u vendosën në kërkim të golit. Goli i barazimit erdhi në minutën e 85-të, kur Olise gjeti Musialën, me këtë të fundit që u koordinua mirë me kokë dhe mposhti portierin. Pavarësisht 5 minutave shtesë, rezultati mbeti i pandryshueshëm.

Bayern kryeson tabelën me 30 pikë, ndërsa Dortmund është në vendin e pestë me 20 pikë.