Gjykata penale e Hasselt në Belgjikë dënoi një 29-vjeçar shqiptar me 24 muaj burg dhe 8000 euro gjobë. Ai shpërndante kokainë brenda dhe përreth Hasselt për një muaj.

Një patrullë policie kapi në flagrancë shqiptarin më 30 mars kur tentoi të shiste një dozë kokaine. Gjatë ndërhyrjes, tregtari ka tentuar të ikë duke e shtyrë në gjoks njërin prej efektivëve. Shqiptari u arrestua dhe gjatë kontrollit rezultoi se ai kishte njëmbëdhjetë doza me nga 0.6 gram kokainë dhe 100 euro para cash.

Gjatë marrjes në pyetje nga policia dhe gjyqtari hetues, shqiptari ka pranuar se drogën e ka shitur për llogari të një personi tjetër. Në telefonin e tij u gjetën disa adresa dhe imazhe me vendndodhje ku ai duhej të dorëzonte kokainën.

Në bazë të atyre mesazheve dhe pamjeve, prokurori publik ka llogaritur se ai kishte fituar 1250 euro nga tregëtia e drogës. Kjo shumë i është konfiskuar bashkë me celularin.

Posedonte një sasi cannabisi, e gatshme për t’u ndarë në doza, me qëllim shitjen në qytet

Një 24-vjeçar ka rënë në prangat e policisë, pasi u kap me sasi kanabisi. Burime zyrtare nga policia bënë me dije se bëhet fjalë për Xhuljan Muçën.

NJOFTIMI I POLICISE

Procedohet penalisht drejtuesi i automjetit ku ishte pasagjer i arrestuari, pasi posedonte një fenelinë si të Policisë. Sekuestrohen lënda narkotike, automjeti tip “Volkswagen”dhe fenelina.

Në vijim të patrullimeve që kryhen 24/7, në të gjithë territorin e qarkut, me objektiva parandalimin dhe goditjen e paligjshmërive, shërbimet e Forcës së Posaçme “Shqiponja” dhe ato të Patrullës së Rendit të Policisë së Lezhës kanë ndaluar për kontrolle, automjetin me drejtues shtetasin E. Gj. dhe ku ishte pasagjer shtetasi Xh. M..

Nga kontrollet, shtetasit Xh. M. iu gjet një sasi lënde narkotike cannabis sativa, e gatshme për t’u ndarë në doza, me qëllim shitjen në lagje të ndryshme të qytetit, ndërsa në automjet u gjet një fenelinë si e Policisë, e cila mbahej ilegalisht nga drejtuesi i automjetit. Në përfundim të veprimeve procedurale, në kuadër të megaoperacionit “Tempulli 2”, u arrestua shtetasi Xh. M., 24 vjeç, banues në Elbasan, për veprën penale “Prodhimi dhe shitja e narkotikëve”. Gjithashtu, u referuan materialet në Prokurori, ku nisi procedimi në gjendje të lirë për shtetasin E. Gj., 25 vjeç, banues në Lezhë, për veprën penale “Mbajtja pa të drejtë e uniformës”. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme.