Drejtori i ARRSH-së, Gentian Gjyli është sërish ditën e sotme paraqitur në Prokurorinë e Posaçme (SPAK).

Nuk dihet akoma se për çfarë është thirrur Gjyli në SAPK, por duket se ka të bëjë me hetimet lidhur me ish-kreun e ARRSH-së, Evis Berberi.

Kujtojmë se Gjyli është thirrur edhe në janar të vitit 2024 në SPAK për këtë çështje ku ka qëndruar aty për rreth dy orë. Ai dëshmoi mbi procedurat e ndjekura në tenderët e rrugëve, gjatë kohës që ai ishte numri 2 i ARRSH-së dhe drejtor Evis Berberi, në hetim nga SPAK nën masën e sigurisë ‘arrest me burg’.

Gentian Gjyli u emërua drejtor i ARRSH-së, më 28 mars 2024, një javë pas arrestimit nga SPAK të ish-drejtorit,  Evis Berberi njeriu i ngushë i Zv/Kryeministres Belinda Balluku

Gjyli ishte një emërim i brendshëm në radhët e ARRSH. Më parë ai ka mbajtur postin e shefit të sektorit të projekteve dhe së fundmi atë të zv drejtorit të përgjithshëm të ARRSH.

Evis Berberi, u arrestua me 14 mars 2024 me urdhër të SPAK pasi akuzohet për korrupsion pasiv dhe pastrim parash. SPAK zbuloi skemën si Berberi gjatë kohës që ka qenë në krye të Agjencisë për Efiçencën e Energjisë, por dhe së fundmi në krye të ARRSH-së kishte dhënë 6 tendera kompanisë së ortakut të tij Valter Begaj dhe më pas fitimet i kalonin kompanisë që ai zotëronte në mënyrë indirekte.

Tiranë, 7 mars 2025 – Drejtori i Policisë së Tiranës, Elton Alushi, është paraqitur në Prokurorinë e Posaçme (SPAK) ditën e sotme.

Aktualisht, ende nuk dihen arsyet e thirrjes së tij nga SPAK. Hetimet janë në vazhdim dhe më shumë detaje priten të dalin në orët në vijim.

Qeveria në mbledhjen e sotme, ka vendosur lirimin nga detyra të Drejtorit të Cirkut Kombëtar, Laid Ymeri.
Në lidhje me këtë vendim, ngarkohet Ministria e Ekonomisë, Kulturës dhe Ekonomisë.

Vendimi i plotë:
LIRIMIN NGA DETYRA TË DREJTORIT TË CIRKUT KOMBËTAR

Në mbështetje të nenit 100 të Kushtetutës dhe të pikës 4, të nenit 9, të ligjit nr.10352, datë 18.11.2010, “Për artin dhe kulturën”, të ndryshuar, me propozimin e ministrit të Ekonomisë, Kulturës dhe Inovacionit, Këshilli i Ministrave
V E N D O S I:
1. Z. Laid Ymeri, drejtor i Cirkut Kombëtar, lirohet nga kjo detyrë.
2. Ngarkohet Ministria e Ekonomisë, Kulturës dhe Ekonomisë për zbatimin e këtij vendimi.
Ky vendim hyn në fuqi menjëherë dhe botohet në “Fletoren zyrtare”.