Një aksident rrugor është regjistruar pasditen e sotme pranë ish-fabrikës së letrës, në hyrje të qytetit të Lezhës.

Një automjet tip “Benz” është përplasur me një motor, dhe si pasojë ka mbetur i lënduar drejtuesi i motorit. I plagosuri është transportuar menjëherë në Spitalin Rajonal të Lezhës, ku po merr trajtim mjekësor.

Policia ndodhet në vendngjarje dhe ka nisur hetimet për të zbardhur shkaqet dhe rrethanat e plota të aksidentit.

Klos – Një ngjarje skandaloze ka ndodhur në aksin rrugor Klos-Burrel, ku një furgon ka dalë nga rruga dhe ka aksidentuar një të mitur. Sipas informacioneve paraprake, shtetasi L.D., 52 vjeç, ka humbur kontrollin mbi drejtimin e automjetit dhe ka shkaktuar përplasjen.

Për pasojë, i mituri ka marrë dëmtime të rënda dhe është transportuar menjëherë në spital për të marrë ndihmën e nevojshme mjekësore. Drejtuesi i automjetit, shtetasi L.D., është shoqëruar në Komisariatin e Policisë për veprime të mëtejshme.

Grupi hetimor ka nisur hetimet për të zbardhur shkaqet dhe rrethanat e këtij aksidenti tragjik, ndërsa autoritetet kërkojnë të sigurojnë drejtësinë dhe përgjegjësinë për këtë incident.

Policia rrugore ka ndaluar drejtuesin e mjetit tip furgon, i cili u përplas ditën e martë në aksin Këlcyrë-Dragot me një automjet tjetër, ku ngelën të lënduar pesë persona.

Sipas policisë lokale u arrestua në flagrancë shtetasi G. F., 45 vjeç, banues në Gjirokastër, pasi rezultoi se e drejtonte automjetin, në gjendje të dehur.

Përplasja mes dy makinave ka qenë diagonale çka ka shkaktuar dëmtim të mjeteve dhe plagosjen e 5 personave.

Të lënduarit e këtij aksidenti u transportuan për të marë ndihmën mjekësore në spitalin e Gjirokastrës dhe gjendja shëndetësore e tyre është jashtë rrezikut për jetën.

Një aksident ka ndodhur para pak minutash në Strum të Rroskovecit. Një person duke udhëtuar me motor ka dalë nga rruga duke mbetur i lënduar rëndë.

Drejt vendngjarjes është duke shkuar ambulanca për t’a transportuar menjëherë drejt spitalit.

Sipas informacioneve paraprake, drejtuesi i motorit ka qenë duke udhëtuar në segmentin e rrugës nacionale Roskovec – Kutalli, në Strum teksa ka humbur kontrollin e mjetit është goditur keq në kokën e motorit pasi ka dalë nga rruga.

Patrulla policore ka shkuar në vendngjarje por pritet shkuarja e ambulancës për ta dërguar në urgjencën e spitalit rajonal Fier për t’iu dhënë ndihma e parë mjekësore.

Burime nga vendi i ngjarjes pohojnë se drejtuesi i mjetit reagon por është në gjëndje të rëndë shëndetësore.