Modelja e njohur kosovare, Ziza Pajaziti, është në qendër të diskutimeve pas lajmeve se ka vizituar në burg Laert Haxhiun, i dënuar me burgim të përjetshëm për një sërë krimesh të rënda, përfshirë vrasje me motive mafioze dhe drejtimin e një grupi të strukturuar kriminal.

Vizita, e zhvilluar në Burgun e Sigurisë së Lartë në Drenovë, mësohet të ketë zgjatur rreth një orë. Mediat e kanë përshkruar si një takim “i veçantë”, duke shkaktuar një valë reagimesh dhe interpretimesh në rrjete sociale.

Pajaziti nuk ka reaguar drejtpërdrejt për ngjarjen, por duket se ka zgjedhur një mënyrë të tërthortë për të dhënë një mesazh.

Në një postim në Instagram Story, ajo publikoi një kolazh me tri foto nga seriali “Who Killed Griselda?”, një prodhim i Netflix-it që trajton jetën e një gruaje të përfshirë në botën e krimit.

Ky veprim është interpretuar nga ndjekësit si një sinjal simbolik, ndërsa vetë modelja nuk ka komentuar më tej për raportet që e lidhin me Haxhiun.

Një incident ka ndodhur pasditen e sotme në burgun e Drenovës, ku një i burgosur ka tentuar të djegë qelinë.

I burgosuri fillimisht ka tentuar t’i vendosë zjarrin dyshekut gjë që ka alarmuar të tjerët.

Menjëherë kanë ndërhyrë punonjësit e policisë së burgut të cilët i larguan menjëherë nga duart çakmakun që përdorte për të ndezur cigaret.

Bëhet me dije se i burgosuri e ka bërë dhe herë të tjera këtë veprim pasi vuan nga probleme të shëndetit mendor.

Raportohet se aktualisht i burgosuri po mbahet nën vëzhgim.

Fatjon Fasho është emëruar drejtor i burgut të Drenovës.

Ka qenë drejtoria e komanduar e burgjeve që ka bërë prezantimin e drejtorit të ri të këtij institucioni.

Sipas informacioneve Fatjon Fasho ka kryer funksione të ndryshme në burgun e Drenovës dhe ka qenë gjithashtu edhe në pozicionin e zv.drejtorit.

Një 56-vjeçar denoncoi në policinë e Korçës zhdukjen e vajzës së tij 15-vjeçare më fshatin Drenovë, e cila ishte larguar nga banesa një ditë më parë. about:blank

Pas kallëzimit, policia nis menjëherë punën për gjetjen e saj.  Mësohet se pasditen e sotme, e mitura është gjetur nga autoritet. Ajo ka deklaruar se është larguar me dëshirën e saj  nga banesa.

NJOFTIMI I POLICISË:

Më datë 25.12.2023, në Komisariatin e Policisë Korçë, është paraqitur shtetasi M. T., 56 vjeç, banues në fshatin Drenovë, Korçë, i cili kallëzoi se që prej datës 24.12.2023, është larguar nga banesa, vajza e tij 15-vjeçare. Po punohet për gjetjen e saj.

Në vijim të informacionit të mësipërm, i cili bën fjalë për largimin nga banesa të një 15-vjeçareje nga fshati Drenovë, Korçë, ju informojmë se kjo shtetase është gjetur dhe ka deklaruar se është larguar me dëshirën e saj nga banesa.

Para disa ditëve, I.J që është duke ekzekutuar dënimin me burg në burgun e Drenovës i është drejtuar Komitetit Shqiptar të Helsinkit (KShH) me ankesën si vijon:

Ndaj meje është marrë një masë e padrejtë. Është vendosur masa e mbikëqyrjes së veçantë për tre muaj.

Më kanë lidhur në krevat me pranga dhe zinxhirë 6 ditë. I kam të shënuara dhe oraret.

KShH për verifikimin e kësaj ankese, më datë 19.10.2023 ngarkoi një grup vëzhguesish, në përbërjen e të cilit edhe një mjek.

Sipas raportit të incidentit datë 31.08.2023, i dënuari I. J ka goditur me grusht një të dënuar tjetër. Për këtë shkak, ai u çua në dhomën e izolimit. Pas ndjekjes së procedurave përkatëse, me vendimin datë 13.09.2023, Komisioni i Vlerësimit të të dënuarve pranë Drejtorisë së Përgjithshme të Burgjeve, në bazë të nenit 68/1 gërma “a” të ligjit nr. 81/2020 vendosi: “Kalimin e të dënuarit I.V në regjimin e mbikëqyrjes së veçantë, për një periudhë 3 mujore që fillon nga data 31.08.2023 ora 12:30”about:blank

Në nenin 68 pika 1 shkronja “a” të ligjit 81/2020 thuhet: “I burgosuri mund të vendoset nën regjimin e mbikëqyrjes të veçantë për një periudhë jo më të gjatë se tre muaj, kur rrezikon sigurimin e personelit të institucionit, ose kur ka rrezik të dëmtojnë veten ose të tjerët”. Në fakt, në Raportin e incidentit që përmendëm më lart, nuk behet fjalë as për rrezikun e sigurisë së personelit të institucionit dhe as për rrezikun e dëmtimit të vetes, apo të tjerëve.

Prandaj vendimi i marrë kundër I.J është i kundër ligjshëm dhe arbitrar. Ndaj tij mund të merrej një masë tjetër disiplinore dhe  e përshtatshme aq më tepër kur, sipas kartelës mjekësore ai vuan nga “çrregullime të personalitetit kufitar” dhe mjekohet me ilaçe qetësues dhe antidepresivë. Madje para marrjes së kësaj mase dhe gjatë ekzekutimi të saj, ai duhej t’i nënshtrohej vizitës mjekësore për të konstatuar gjendjen e tij shëndetësorë dhe nëse ai e përballonte ose jo një masë të tillë.