Ka filluar seanca e radhës në Gjykatën e Elbasanit, ku Dritan Dajti kërkon verifikimin e përfundimit të dënimit me 25 vite burg.

Vihet re mungesa e përfaqësueses së IEVP Peqin e cila do të duhej të sillte një informacion mbi vitet e dënimit që kishte kryer Dajti.

Dritan Dajti, i dënuar për vrasjen e katër efektiveve të policisë dhe duhej të lirohej në 4 Korrik të këtij viti, por një vendim i Gjykatës së Lartë i marrë në 11 qershor 2024, vendosi të prishë dënimin me 25 vite burg ndaj tij dhe ta dënojë atë me burgim të përjetshëm.

Dhjetëra forca policie dhe RENEA kanë shoqëruar Dritan Dajtin në varrimin e nënës se tij, e cila ndërroi jetë një ditë më parë.

Ceremonia e varrimit u krye në Tufinë. Më pas, Dajti u kthye në ambientet e burgut të Peqinit ku vuan dënimin, një dënim ende i diskutueshëm dhe në proces gjyqësor, pasi dënimi me 25 vite burg ka përfunduar, ndërkohë që i Dajti e cilëson të paligjshëm vendimin për burgim të përjetshëm.