Helikopteri Cougar dhe rreth 30 efektivë të Forcave të Armatosura janë riangazhuar mëngjesin e sotëm (9 korrik) në operacionin për shuarjen e zjarrit intensiv në fshatrat e bashkisë Dropull. Zjarri po ashtu ka krijuar problematikë edhe në fshatrat Pecë dhe Kardhikaq të bashkisë Finiq.

Policia ka identifikuar dhe arrestuar autorin e zjarrvënies në pyjet e fshatit Frashtan. Në pranga ka rënë M. K, 39 vjeç banor fshatit Frashtan të Dropullit.

Prej mesditës së djeshme, shërbimet e Policisë kanë mbajtur në kontroll perimetrin ku janë përhapur flakët.

Gjithashtu, shërbimet e Policisë së Gjirokastrës, në bashkëpunim me shërbimet zjarrfikëse, të asistuar nga një helikopter i Ministrisë së Mbrojtjes, vijojnë punën për shuarjen e zjarrit.

Materialet procedurale i kaluan Prokurorisë së Gjirokastrës, për veprime të mëtejshme, për veprën penale “Shkatërrimi me zjarr i pyjeve dhe i mjedisit pyjor”

Një zjarr i madh ka rënë në disa fshatra në Bashkinë e Dropullit.

Flakët janë përhapur me shpejtësi.

Në vendngjarje kanë mbërritur zjarrëfikëset edhe një helikopter.

Sipas informacioneve paraprake, rrezikohen disa banesa, por zjarrfikëset thonë se janë vënë nën kontroll.

Akoma nuk dihet se cili është shkaku i zjarrit.

Një ngjarje e rëndë është regjistruar në Dropull mbrëmjen e kësaj të premte, ku një 90-vjeçare ka humbur jetën në mënyrë tragjike. E moshuara jetonte e vetme dhe dyshohet se është rrëzuar aksidentalisht dhe ka rënë në një gropë betoni pa ujë që shërbente si ujëmbledhës (ster), që ndodhet në oborr të banesës.

Trupi i pajetë i 90-vjeçares është gjetur nga fqinjët e saj.

“Dropull/Informacion paraprak. Në fshatin Bodrishtë, Dropull, shtetasja M.B., 90 vjeçe, është gjetur e pajetë nga komshinjtë e saj.

Shtetasja M.B., jetonte e vetme dhe dyshohet se është rrëzuar aksidentalisht dhe ka rënë në një gropë betoni pa ujë që shërbente si ujëmbledhës (ster), që ndodhet në oborr të banesës.

 Grupi hetimor po punon për sqarimin e rrethanave të ngjarjes”, njofton Policia.

Që prej pasdites së djeshme hetimi për krimin i është larguar pistës së krimit në familje dhe gjithashtu versionit të grabitjes së dhunshme dhe ka ngritur një pistë të re, atë të vrasjes së çiftit të moshuar nga një person i tretë me të cilin mund të kenë pasur ndonjë konflikt.

Deri tani të shoqëruarit janë banorë që jetonin në afërsi të banesës së çiftit, persona me të cilët mund të kenë pasur debate për kufijtë e pronës si dhe bariu që nuk është banor i fshatit, por që mendohet se mund të ketë qenë në rrugën para banesës në momentin e krimit e që dyshohet se ka dijeni për të.

Policia gjithashtu ka gjetur një levë hekuri në pjesë e pasme të banesës objekt që është marrë në konsideratë në cilësinë e provës pasi dyshohet se të moshuarit kanë marrë goditje nga i njëjti objekt, burri në pjesën anësore të kokës dhe gruaja në pjesën e shpinës. Goditjet sipas ekspertëve kanë qenë vdekjeprurrëse sepse janë shkaktuar nga një mjet i fortë.

Hetuesit janë duke pritur analizat e ADN- së për të hedhur më shumë dritë mbi ngjarjen dhe identifikimin e autorit të këtij krimi.

Kosta dhe Kleoniqi 84 dhe 88 vjeç u përcollën në varrezat e fshatit në orën 11 nga i gjithë fshati ndërsa bashkia e Dropullit morri përsipër mbulimin e shpenzimeve. Të afërm të çiftit Ilia rrëfyen se ata nuk kanë pasur fëmijë biologjikë por kishin një vajzë të birësuar të cilën nuk e kishin takuar prej 10 vitesh. Ajo ishte sot mes pjesëmarrësve në varrimin e të moshuarve.

DROPULL- Një çift të moshuarish janë gjendur të vdekur ditën e sotme në fshatin Bodrishtë në Bashkinë Dropull. Mësohet se çifti i të moshuarve është gjendur me shenja të shumta dhune në trupat e tyre.

Të moshuarit e vdekur janë Kosta Ilia 84 vjeç dhe Kleoniqi Ilia 88 vjeçe. Dyshohet se të moshuarit mund të jenë dhunuar për vdekje, ndërkohë që autorët dhe shkaqet ende nuk dihen. Në vendngjarje ka shkuar policia dhe grupi hetimor për të zbardhur ngjarjen e rëndë.

Policia vendore informon se ‘Rreth orës 08:00, janë gjetur nga fqinjët, të pajetë, në banesën e tyre në fshatin Bodrisht, shtetasit K. I., 84 vjeç dhe K. I., 88 vjeçe (bashkëshortë). Nga këqyrjet paraprake të trupave të 2 shtetasve, janë konstatuar shenja dhune, dyshohet të shkaktuara me mjete të forta rrethanore.

Gjithashtu, nga këqyrja paraprake e vendit të ngjarjes, nuk janë konstatuar thyerje të dyerve apo dritareve, si dhe në brendësi të banesës nuk janë konstatuar çrregullime të orendive.

Menjëherë pas njoftimit, shërbimet e Policisë kanë shkuar në vendngjarje dhe së bashku me grupin e posaçëm hetimor të ngritur për këtë rast, në drejtimin e Prokurorisë, po vijojnë hetimet intensive për sqarimin e rrethanave të ngjarjes’.

Një ngjarje e rëndë ka ndodhur në fshatin Vrahogoranxi, të Drupoulli.about:blank

Policia njofton se është gjetur i pajetë në shkallët e jashtme të banesës së tij,  shtetasi Dh. V., 51 vjeç. Ky i fundit jetonte i vetëm.

Nga veprimet e para hetimore dyshohet se 51- vjeçari vuante nga probleme të shëndetit mendor dhe ka humbur jetën pasi është rrezuar nga shkallët.