Një ngjarje e rëndë aksidentale është regjistruar në fshatin Pirg të bashkisë Maliq, ku një 59 -vjeçar është dëmtuar rëndë duke prerë dru.

59-vjeçari ka shkuar bashkë me djalin e tij, ndërsa gjatë prerjes së pemëve, prej sharrë i është kthyer mbrapsht një dru dhe e ka goditur në pjesën e barkut duke i shkaktuar hemorragji të brendshme.

I dëmtuari ndodhet në reanimacionin e Spitalit të Korçës, në gjendje të rëndë shëndetësore duke iu nënshtruar operacioneve nga bluzat e bardha. Policia po heton më tej për rrethanat e kësaj ngjarje.

Një ngjarje e rëndë është regjistruar në Deçan, ku bashkëshorti pas një mosmarrëveshje, ka sulmuar fizikisht me një shkop druri bashkëshorten e tij.

Mësohet burri ka rënë në prangat e policisë kosovare, ku pas marrjes në pyetje, po mbahet nën arrest.

Njoftimi i policisë:

Deçan / Është arrestuar i dyshuari mashkull kosovar pasi që i njëjti pas një mosmarrëveshje kishte sulmuar fizikisht me një shkop druri bashkëshorten e tij viktimën femër kosovare. Viktima ka pranuar tretman mjekësor, ndërsa i dyshuari pas intervistimit me vendim të prokurorit është dërguar në mbajtje.