Bllokimi i pjesshëm i autostradrës Tiranë-Durrës ka detyruar mijëra automjete që të përdorin aksin perëndimor nga Ndroqi për të shkuar drejt qytetit bregdetar, duke sjellë një situatë të rënduar trafiku, thuajse në kolaps, përgjatë Rrugës së Kavajës, deri në dalje të Kombinatit.

Por, në këtë situatë shumë të ngarkuar, punonjësit e Policisë Rrugore të kryeqytetit janë detyruar të angazhohen në një masë të madhe për zbatimin e një urdhëri aspak urgjent të Ministres së Brendshme, Albana Koçiu dhe Drejtorit të Policisë, Ilir Proda.

Dhjetra efektivë të Rrugores kanë pasur detyrë të bllokojnë monopatinat, duke lënë qarkullimin në dorë të zgjedhjeve momentale të shoferëve. Në këto kushte, situata, natyrisht nuk ishte aspak normale.

Një automjet ka humbur kontrollin dhe ka aksidentuar një 63-vjeçar, që ecte ne biçikletë.

Shtetasi me inicialet Sh. Xh., ndodhet për mjekim në Spitalin e Traumës Tiranë, jashtë rrezikut për jetën.

“Specialistët e Qarkullimit Rrugor Durrës referuan materialet në Prokurori për shtetasin I. M., 19 vjeç, banues në Kavajë, sepse në Kavajë, në rrugën “Indrit Cara”, duke drejtuar automjetin e tij, ka humbur kontrollin dhe ka aksidentuar shtetasin Sh. Xh., 63 vjeç, me biçikletë, i cili ndodhet për mjekim në Spitalin e Traumës Tiranë, jashtë rrezikut për jetën”, shkruan policia.

TIRANË- Një 22-vjeçar është arrestuar ditën e sotme me kokainë. Mësohet se në pranga ka rënë i riu me emrin Behar Sorra, i cili u arrestua në autostradën Tiranë-Durrës.

Gjatë kontrollit, atij iu gjetën 564 gramë lëndë narkotike kokainë, e cila kishte synim të shitej e ndarë në doza në zonat e Yzberishtit, Kasharot dhe Ali Demit

Njoftimi i policisë:

Tiranë/Finalizohet operacioni policor antidrogë i koduar “Trekëndëshi”. U kap në flagrancë, në autostradën “Tiranë-Durrës”, duke transportuar pako me Kokainë, për ta shitur në doza në zonat Yzberisht, Kashar dhe “Ali Demi”, arrestohet 22-vjeçari. Sekuestrohen pakoja me 564 gramë lëndë narkotike Kokainë dhe automjeti tip “Benz” që drejtonte 22-vjeçari.

Si rezultat i administrimit të menjëhershëm të informacionit të siguruar në rrugë informative, për një shtetas që transportonte Kokainë, me automjet, në autostradën “Tiranë-Durrës”, specialistët e Seksionit për Hetimin e Narkotikëve, në bashkëpunim me shërbimet e Forcës së Posaçme Operacionale, finalizuan operacionin “Trekëndëshi”.

Shërbimet e Policisë lokalizuan dhe ndaluan automjetin e dyshuar tip “Benz”, në afërsi të Vorës, që drejtohej nga shtetasi B. S., 22 vjeç, banues në Tiranë. Nga kontrolli në këtë automjet, u gjet një pako me 564 gramë lëndë narkotike Kokainë, e cila dyshohet se do të ndahej në doza e do të shitej në zonat Yzberisht, Kashar dhe “Ali Demi”.

Në përfundim të veprimeve procedurale, u krye arrestimi në flagrancë i 22-vjeçarit, për veprën penale “Prodhimi dhe shitja e narkotikëve”. Vijojnë hetime për të identifikuar dhe për të nxjerrë përpara përgjegjësisë penale, shtetas të tjerë që mund të jenë implikuar në këtë veprimtari kriminale. Materialet procedurale iu Prokurorisë së Tiranës, për veprime të mëtejshme.

Durrës, 15 shtator 2025 – Në Stacionin e Policisë Plazh është paraqitur shtetasja A. P., 67 vjeçe, banuese në Çeki, e cila ka kallëzuar largimin e bashkëshortit të saj, shtetasit P. P., 68 vjeç, gjithashtu banues në Çeki. Sipas deklarimeve, ai është larguar nga hoteli ku çifti ishte akomoduar në zonën e plazhit.

Shërbimet e Policisë po punojnë për gjetjen e shtetasit në fjalë dhe sqarimin e rrethanave të ngjarjes.

Durrës, 13 shtator 2025 – Një sasi lënde plasëse është gjetur pranë një hoteli në lagjen nr.1, afër shkollës “Gjergj Kastrioti”, duke alarmuar autoritetet dhe banorët e zonës.

Policia ndërhyri menjëherë dhe me anë të një shpërthimi të kontrolluar, forcat xheniere neutralizuan materialin e rrezikshëm, duke shmangur një ngjarje të mundshme tragjike.

Hetimet vijojnë për të zbardhur rrethanat dhe për të identifikuar autorët e vendosjes së lëndës plasëse, ndërsa siguria në zonë është rritur në mënyrë të menjëhershme.

Ka ndërruar jetë krejt papritur në moshën 57 vjeçare Ajet Avdullaj, njeriu i modës në Durrës.

Ajet Avdullaj ishte ndër të parët stilistë që ngritën pasarelat e para në vendin tonë dhe veshi hijshëm modelet dhe miset tona.

Ishte ai që qepi veshjet për sfilatë të Hygerta Sakos qëkurse ajo ishte gjimnaziste, stiloi për Valbona Çobon e të tjera mise.]

Ateljeja e tij u vizitua nga politikanë të rangut të Fatos Nanos e të tjerë të cilët veshën kostumet e modeluara dhe qepur nga Ajeti. Gjithashtu biznesmenë të mëdhenj si Shefqet Kastrati u veshën nga duart e Ajet Avdullajt.

Ajeti ishte një novator i modës, një artist i vërtetë. Ai ishte jo vetëm një artist por edhe qytetar me virtyte të larta njerëzore.

Por krejt papritur një atak kardiak i mori jetën duke lënë në pikëllim familjen, shokët, miqtë si dhe botën e modelingut.

DURRËS- Dy persona kanë mbetur të plagosur meditën e sotme pas një konflikti në Durrës. Mësohet se në konflikt janë përfshirë dy familje të cilat banojnë pranë njëra-tjetrës. Konkretisht ngjarja ka ndodhur mesditën e kësaj të diele në lagjen 15 të qytetit bregdetar.

Dy të plagosurit janë transportuar në urgjencën e spitalit të Durrësit, ku njëri rezulton i plagosur me thikë ndërsa tjetri me sende të forta. Megjithashtë ende nuk dihet shkaku i kësaj ngjarjeje, ndërsa po punohet për kapjen e autorit, i cili është larguar menjëherë nga vendi i ngjarjes.

Shërbimet e Komisariatit të Policisë Durrës kanë arrestuar një 31-vjeçar, i cili dyshohet se mori me dhunë automjetin e një shtetasi 24-vjeçar në rrugën e Sektor Rina, Fllakë.

Pas njoftimit, policia organizoi menjëherë veprimet hetimore dhe arriti të identifikojë dhe kapë autorin, shtetasin E. A., banues në fshatin Fallkë, Durrës. Ai u vu në pranga për veprën penale “Vjedhja me dhunë”.

Durrës – 25-vjeçari arrestohet pas plagosjes së rëndë me sende të forta

Një konflikt i çastit ka përfunduar me dhunë në lagjen nr. 14, Durrës, ku një 25-vjeçar ka goditur rëndë me sende të forta një shtetas tjetër.

Policia njofton se, pas marrjes së informacionit, shërbimet e Komisariatit të Policisë Durrës organizuan punën dhe arritën të identifikojnë, kapin dhe shoqërojnë autorin e dyshuar.

Në përfundim të veprimeve hetimore, u arrestua në flagrancë Kristo Domi, 25 vjeç, banues në Durrës, i cili ishte konfliktuar për motive të dobëta me shtetasin Gëzim Muka.

Ky i fundit ka marrë dëmtime në kokë dhe, pas trajtimit fillestar në Spitalin Rajonal Durrës, është transportuar në Spitalin e Traumës, Tiranë, për mjekim të specializuar.

Materialet procedurale do t’i referohen Prokurorisë së Durrësit, për veprën penale “Plagosje e rëndë me dashje”. /noa.al

DURRËS- Një tjetër sherr është regjistruar pasditen e sotme. Sherri i radhës ka ndodhur në Durrës. Disa pushues mësohet se janë konfliktuar me një punonjës çadrash në plazhin e Kavalishencës në Durrës.

Sipas raportimeve punonjësi u ka kërkuar të rinjve që të mos luajnë më top pranë pushuesve të tjerë pasi ata kanë shprehur shqetësimin e tyre. Kjo nuk është pritur aspak mirë nga të rinjtë dhe janë konfliktuar deri në përplasje fizike. Situata është vënë nën kontroll nga pushuesit e tjerë të cilët kanë ndërhyrë për të qetësuar konfliktin.