Kryeministri Edi Rama ka ndarë sot në rrjetet sociale një video që dokumenton vijimin e aksionit për lirimin e hapësirave publike në qytetin e Durrësit.

Në postimin e tij, Rama thekson se ky proces është pjesë e projektit “Rilindja Urbane 2.0”, i cili synon të përmirësojë cilësinë e jetës komunitare dhe të rrisë përmasën e hapësirave të gjelbra në qytetet e mëdha të Shqipërisë.

“Edhe në Durrës vazhdon çlirimi i hapësirave publike, për t’i hapur rrugën Rilindjes Urbane 2.0 që do të rrisë cilësinë e jetës komunitare dhe përmasën e gjelbër të qyteteve tona të mëdha, ku do të rivendoset qartë kufiri mes lirisë publike për të lëvizur e marrë frymë lirisht dhe të drejtës për aktivitet ekonomik të subjekteve private, gjithnjë në respekt të komunitetit,” shkruan Rama në postimin e tij.

Ky aksion pritet të vazhdojë edhe në ditët në vijim, ndërsa autoritetet lokale theksojnë nevojën për një balancë të qartë mes interesave publike dhe private në mjediset urbane.

Kushtet e këqia atmosferike në gjirin e Durrësit dhe brigjet italiane sollën pezullimin e lundrimit të trageteve ditën e diel.

Për shkak të erës së fortë, kompanitë e lundrimit njoftuan se se si pasojë e kushteve të paqendrueshme të motit, lundrimet e linjës Durrës-Bari dhe anasjelltas të parashikuara për nisje më datë 23.03.2025, do të pezullohen.

Lundrimi i trageteve në të dy brigjet do të rinisë normalisht mbrëmjen e së hënës, në orën 22:00, pasi parashikimet atmosferike flasin për përmirësim të kushteve të motit. I vetmi që ka lundruar pa probleme përgjatë ditës së diel ka qenë trageti i linjës Ankona-Durrës-Ankona.

Mbrëmjen e së dielës nuk ka patur lundrime as nga Durrësi dhe as nga Bari, ndërkohë, procesi i përpunimit të anijeve ka rifilluar mëngjesin e sotëm, përkatësisht në Terminalin Perëndimor, Lindor dhe atë të Konteinerëve, sipas planizimit të Dispecerisë së Portit.

Nga ana tjetër, vijon të mbetet i pezulluar aktiviteti i flotës së peshkimit, pasi kushtet e motit në det të hapur nuk janë ende optimale për të lejuar lundrimin e peshkarexhave. 

Lundrimet në linjat Durrës-Bari dhe Bari-Durrës për ditën e diel më 12 janar 2025 janë pezulluar për shkak të kushteve të vështira atmosferike. Kapiteneria njofton anulimin e nisjeve të dy trageteve nga Durrësi dhe dy nga Bari, ndërsa linja Ankona-Durrës do të vazhdojë normalisht.

Era e fortë me drejtim Veri-Lindje dhe forcë 8 në Adriatikun Jugor ka detyruar autoritetet të ndërmarrin këto masa.

Në Gjirin e Vlorës situata do të përkeqësohet duke nisur nga ora 22:00 e datës 11 janar, me erë të fortë, shpejtësi deri në 20 m/s dhe lartësi dallgësh deri në 2 metra. Ndalohet nisja e mjeteve të vogla dhe të peshkimit, ndërsa përmirësimi i situatës pritet pas orës 20:00 të datës 12 janar. Lundrimet ndërkombëtare do të vazhdojnë normalisht. Autoritetet bëjnë thirrje për kujdes dhe marrjen e masave të nevojshme për të siguruar mjetet dhe për të shmangur situata të papritura.

Policia në Durrës ka arrestuar një 50-vjeçar, në tentativë për të vjedhur dy makina. Mësohet se burri edhe më herët ka qenë i dënuar për vjedhje.

Njoftimi i policisë:

Durrës/Finalizohet operacioni policor i koduar “Again”.

Ndërhyrja në kohë e shërbimeve të Policisë parandalon vjedhjen e 2 automjeteve.

U kap në flagrancë në tentativë për të vjedhur 2 automjete, pas mesnate, vihet në pranga 50-vjeçari, i dënuar më parë për vjedhje.

Dyshohet se pas bullizimeve të vazhdueshme në Tik Tok, gruaja i ka dhënë fund jetës duke pirë fotoksinë. Burime policore bëjnë me dije se 41-vjeçarja kishte denoncuar rreth një vit më parë në polici se persona të paidentifikuar i kishin hapur adrese falso me identitetin e saj dhe e përdornin për ta bullizuar. Sipas policisë, ajo ishte shumë e shqetësuar për këtë situatë në të cilën ndodhej. Ende nuk dihet nëse shkak për të ndërmarrë aktin ekstrem ka të bëjë me çështjen e Tik Tokut apo ka pasur probleme të tjera. Policia ka nisur hetimet. Mësohet se në daten 2 janar, Bedrie Loka nënë e tre fëmijëve i dha fund jetës duke pirë fostoksinë.about:blank

41-vjecarja nga Vadardha Sukth ishte punonjëse në një kompani fasonerie në zonën e Fllakës. Dyshohet se kanë qenë koleget e saja që kanë hapur adresën në rrjetet sociale për ta denigruar. Ndaj policia po mere ne pyetje të gjithë personelin me qëllim për të zbuluar personin apo personat që kane hapur adresën falso. Ndërkohë, policia bën me dije se materialet ne lidhje me veprën e dyshuar penale “shkaktim vetëvrasjeje” do t’i kalojnë Prokurorisë për hetime të metejshme.