DURRËS- Dy punonjës sigurie në portin e Durrësit janë vënë në pranga nga Policia, pasi dyshohet se kanë vjedhur një motomjet brenda ambienteve të portit. Sipas bluve motomjeti, i cili kishte ardhur nga Zvicra dhe kishte vlerën rreth 2500 euro, ishte në pronësi të një qytetari me inicialet K.K.

Dy punonjësit e sigurisë dyshohet se e kanë shfrytëzuar këtë pozitë për të kryer vjedhjen, duke bashkëpunuar me njëri-tjetrin. Gjithashtu policia sekuestroi motomjetin dhe i referoi materialet në Prokurori për veprime të mëtejshme.

Njoftimi i policisë:

Vodhën një motomjet në port, me vlerë 2500 euro; kapen dhe vihen në pranga dy autorët e dyshuar. Dy të arrestuarit ishin me detyrë për ruajtjen dhe sigurimin e objektit të portit. Sekuestrohet motomjeti i importuar nga Zvicra.

Shërbimet e Komisariatit të Policisë Durrës, në vijim të punës për kapjen e personave që shpallen në kërkim dhe për goditjen e veprimtarive kriminale në fushën e vjedhjeve, bazuar në informacionet e siguruara në rrugë operative, lokalizuan, kapën dhe vunë në pranga shtetasit:

I. F., 45 vjeç, dhe G. D., 47 vjeç, të dy banues në Durrës. Këta shtetas, në bashkëpunim me njëri-tjetrin, dyshohet se kanë vjedhur një motomjet të importuar nga Zvicra, me vlerë rreth 2500 euro, në pronësi të shtetasit K. K.

Motomjeti është vjedhur brenda ambienteve të portit të Durrësit, ndërkohë që të dy këta shtetas ishin me detyrë funksionale për ruajtjen dhe sigurimin e objektit të portit. Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme procedurale, për veprën penale “Vjedhja e kryer në bashkëpunim, duke shpërdoruar detyrën.

Disa persona janë arrestuar pasditen e sotme gjatë një operacioni të Policisë së Shtetit.

Aktualisht raportohet se në Shkozet ka një prani të madhe të policisë, ndërsa operacioni është duke vijuar.

Për momentin nuk dihet se kush ka qenë në shënjestër të bluve, ndërsa priten detaje të reja.

Një ngjarje e pazakontë ka ndodhur në qytetin bregdetar të Durrësit dy ditë më parë.

Policia e qytetit njoftoi sot se pas një përleshjeje mes tre personave me lidhje familjare mes tyre, kanë mbetur të plagosur dhe po mjekohen në spital dy prej tyre, të cilët janë babë e bir.

Por ajo që bie në sy është se konflikti fizik dhe i përgjakshëm ka ndodhur në varrezat e qytetit të Durrësit.

“Specialistët e Sektorit për Hetimin e Krimeve Durës arrestuan në flagrancë shtetasin A. V., 37 vjeç, pasi dje (17 prill), në varrezat e qytetit, dyshohet se ka goditur me send të fortë, për motive të dobëta, shtetasit R. Ç., 76 vjeç dhe O. Ç., 41 vjeç (babë e bir), familjarë të tij. Shtetasit e dëmtuar u dërguan në spital, për mjekim”, bëri me dije policia vendore.

Por për momentin nuk jepen detaje për dinamikën dhe shkaqet konkrete të këtij sherri, nëse konflikti ka ndodhur pas vizitës së varrit të ndonjë të afërmi apo për çështje që lidhen me ndonjë pronësi.

Në pamje është anija e peshkimit e mbytur si pasojë e kushteve të këqija të motit në portin e Durrësit.

Deti me dallgë ka bërë që paralizohet aktiviteti në port dhe tragetet të ndalin udhëtimet.

Ndërkohë dy tragete u ‘fërkuan’ mes tyre por pa shkaktuar dëme në udhëtarë.

Autoriteti portual i Durrësit ka njoftuar se si pasojë e kushteve të përkeqësuara të motit ka patur vonesa në mbërritje dhe proceset e bregëzimit të trageteve. Bëhet e ditur se është pezulluar nisja e tragetit të parashikuar për lundrim mesditën e sotme nga Durrësi drejt Barit.

Në terminalin e kontenierëve proceset operacionale vijojnë normalisht dhe pa ndërpreje. Ndërkohë që është pezulluar përkohësisht puna në terminalin e mallrave gjenerale.

Autoriteti portual njofton se situata lundrimore pritet të normalizohet në orët në vijim.

Njoftimi:

NJOFTIM I RËNDËSISHËM Dt. 23.12.2024 Referuar parashikimeve të Kapitenerisë së Portit të Durrësit mbi situatën hidrometereologjike në Rajonin e Adriatikut, gjatë ditës së sotme si pasojë e kushteve të përkeqësuara të motit ka patur vonesa në mbërritje dhe proceset e bregëzimit të trageteve. Kompanitë e lundrimeve bëjnë të ditur se si pasojë e kushteve të paqendrueshme të motit trageti “AF Marina” i parashikuar për lundrim mesditën e sotme nga Porti i Durrësit drejt Barit, (Itali) ka pezulluar nisjen deri në normalizimin e situatës. Trageti “AF Franceska” do të kryejë lundrim pa pasagjerë si pasojë e kushteve të përkeqësuara metereologjike. Në terminalin e kontenierëve proceset operacionale vijojnë normalisht dhe pa ndërpreje. Ndërkohë që është pezulluar përkohësisht puna në terminalin e mallrave gjenerale dhe atë rifuzo si pasojë e erës së fortë dhe rreshjeve intensive. Do ju mbajmë të informuar për çdo zhvillim, ndërkohë që situata lundrimore pritet të normalizohet në orët në vijim… Për çdo sqarim të mëtejshëm, adresohuni pranë kompanive të lundrimeve ose në adresën tonë zyrtare në rubrikën “Pasagjerët”, www.durresport.al

Fluksi i lëvizjeve në portin e Durrësit ka pësuar rritje për shkak të festave të fundvitit, me emigrantët shqiptarë që janë rikthyer në atdhe për të kaluar Krishtlindjet dhe Vitin e Ri me familjarët. Mëngjesin e sotëm, 4536 pasagjerë mbërritën në portin e Durrësit me 3 tragete të linjës Bari – Durrës dhe Ankona – Durrës, ndërsa 1157 pasagjerë u larguan nga porti.

Deri në mbrëmje pritet mbërritja e dy trageteve të tjera nga Bari, kështu që shifrat e pasagjerëve nuk janë përfundimtare për këtë të diel. Duke nisur nga 19 dhjetori, tragetet kanë realizuar lundrime të dyfishta çdo ditë për të përballuar fluksin e udhëtarëve.

Për të menaxhuar fluksin, autoritetet portuale kanë vënë në dispozicion 30 sportele për përpunimin e shpejtë të pasagjerëve dhe mjeteve të tyre. Fluksi i pasagjerëve në këto ditë pritet të jetë rreth 10% më i lartë krahasuar me vitin e kaluar, por shumë më i ulët se në sezonin veror.

Në periudhën janar-nëntor të këtij viti, porti i Durrësit ka përpunuar 716,214 pasagjerë, nga të cilët 337,324 kanë qenë në hyrje dhe 378,890 në dalje.

DURRËS- Reperi Rigers Rajku është lënë i lirë ditën e sotme nga Gjykata e Durrësit, pasi ka dhënë garanci pasuroreprej 5 mijë euro, në vend që të ekstradohej në Kosovë. Me anë të një videolive në Instagram, Noizy ka falenderuar fansat e tij për mbështetjen, ndërkohë që sipas tij drejtësia do të mbizotërojë. Po ashtu ai ka deklaruar se të mërkurën më 21 gusht do të zhvillojë një koncert në stadiumin Selman Stermasi.

“Uroj që të jeni mirë, nuk di nga t’ja filloj dhe t’ja mbaroj. Doja të falënderoja familjen dhe miqtë e mi. Nuk u ndalën duke më suportuar dhe duke më dhënë mbështetje. Dua të falënderoj dhe kolegët që nuk patën frikë të më suportojnë jo mua, por të drejtën dhe të vërtetën. Siç e kam thënë përherë, e drejta dhe e vërteta do të fitojë. Kam besim tek drejtësia shqiptarë dhe drejtësia në Kosovë. Uroj që kjo çështje të zbardhet sa më shpejt. Jam mundura të jap pozitivitet, të jap mesazhe pozitive, por që ndodhin edhe kështu rastesh kur gjërat shkojnë jo ashtu siç i kishim planifikuar. Ju falënderoj nga zemra për suportin. Shumë më kanë suportuar. Kam një lajm të rëndësishëm. Të mërkurën meqë nuk i zhvilluam shumë koncerte këtë verë për shkak se isha i arrestuar kemi vendosur që këtë të mërkurë, në datën 21 në stadiumin Selman Stermasi do të mbajmë një super koncert për të gjithë ju fansat më të çmendur në botë. Edhe juve që ju zhgënjeva pak ato ditët e koncertit, ju kërkoj falje që nuk erdha dot. Ju pres në Tiranë më datë 21. Shumë shpejt do dalim edhe me posterin. Ju dua dhe ju përshëndes të gjithëve”, tha Noizy.

Dhunimi i Isenit bëri shumë bujë pasi ai vetë hodhi akuza dhe ka publikuar pamje nga ngjarja e rëndë ndërsa drejtësia në vend vendosi të lirojë personin i cili dyshohet se është përgjegjës. Noizy do të ekstradohej drej Kosovës pasi edhe në njoftimin e policisë së publikuar pas arrestimit të tij në Shëngjin bëhej me dije se ai u vendos në pranga që të merrej drejtësia në Kosovë në lidhje me rastin.

Ngjarja ndodhi më 2 gusht të këtij viti në një lokal në Pejë, dhe Medi Iseni akuzoi Noizyn dhe Stresin se ishin ata të cilët e dhunuan dhe e futën në kurth. Tiktokeri mohon të ketë pasur ndonjë problem personal me Noizyn. Më tej akuzat vijojnë për prerje në besë ndaj Stresit. Sipas të dhunuarit ka qenë Stresi ai i cili e kishte ftuar për ta takuar, por ndërkohë ishte një “kurth”, për ta vendosur në të njëjtin ambient me Noizyn dhe grupin e tij.

Dogana e Durrësit është përfshirë nga kaosi ditën e sotme. Mësohet se prej një ore është ndërprerë energjia elektrike në Doganë.

Për pasojë janë ndërprerë edhe punët duke krijuar kështu kaos dhe shqetësim. Nuk dihet ende shkaku i ndërprerjes së dritave.

Një tjetër pushues ka ndërruar jetë mesditën e sotme në bregdetin shqiptar.

Pas Durrësit, ku ndërroi jetë një 73-vjeçar, në Velipojë një 75-vjeçar nga Kosova ka humbur jetën. Sipas informacioneve të policisë, i moshuari ka qenë duke u larë dhe pësoi arrest kardiak.

“Rreth orës 13:00, shtetasi kosovar, 75 vjeç, duke u larë në det, dyshohet se ka pësuar arrest kardiak dhe si pasojë ka humbur jetën. Grupi hetimor vijon punën për sqarimin e plotë të rrethanave të rastit.”, thuhet në njoftimin e policisë.

Gjatë stinës së verës, dy bulevardet kryesore të qytetit të Durrësit, sheshi “Liria” dhe “Epidamn” do të kthehen në pedonale për qytetarët e turistët. Lëvizja e automjeteve do të devijohet nga ora 19 deri në 23 çdo mbrëmje deri më 15 Shtator.

Ervis Quku, Policia Bashkiake Durrës: Kjo masë është marrë për tu bërë një pedonale që do t’ju shërbejë turistëve që nga dita në ditë po vijnë në rritje në qytetin tonë. Ne presim një fluks të madh. Pedonalja do të jetë e shtrirë nga sheshi “Liria”, Prefektura në drejtim të Bashkisë dhe bulevardi “Epidamn”.

Për të përballuar fluksin e lëvizjeve gjatë verës Policia Bashkiake ka marrë të gjitha masat me synim reduktimin e trafikut në rrugë.

Ervis Quku, Policia Bashkiake Durrës: Kemi vendosur më shumë sinjalistika që edhe qytetarët të na mirëkuptojnë për këtë lloj mase që do t’i vijë në ndihmë qytetit tonë.

Durrësi është nJë nga qytetet e vendit ku trafiku është i rënduar gjatë muajve të pikut të fluksit të turistëve. Vizitorët e huaj pritet të jenë më të shumtë këtë sezon nisur edhe nga prenotimet e shtuara në njësitë akomoduese të qytetit bregdetar.

Klan News

Ish-kryetari i Bashkisë së Durrësit Vangjush Dako ka mbërritur në GJKKO.

Dako është aktualisht në masën e sigurisë “arrest shtëpie”, pasi është po gjykohet për shpërdorim detyre në dy raste.

Vangjush Dako u lirua, pasi qëndroi për 9 muaj në paraburgim, saktësisht më datë 27 shkurt 2024, pasi skaduan afatet e paraburgimit