Federata Shqiptare e Futbollit ka bëre një reagim në lidhje me ngjarje ne rëndë të ndodhur mesditën e sotme, ku sulmuesi i Egnatias Raphael Dwamena ndërroi jetë pasi pësoi një goditje në zemër, teksa ishte duke luajtur.about:blank

FSHF sqaron se pasi futbollisti ra pa ndjenja, është respektuar me rigorozitet rregullorja e garës. Në gatishmëri ka qenë një ambulancë e pajisur me defribilator dhe të gjitha aparaturat e nevojshme mjekësore si edhe dy doktorë. Futbollistit i është dhënë menjëherë ndihma e shpejtë në fushë dhe është dërguar me urgjencë në spital, ku janë ndjekur të gjitha protokollet mjekësore.

Nga ana tjetër, FSHF u bën thirrje disa mediave, disa individëve të caktuar dhe opinionit publik për këtë ngjarje të rëndë të mos bëjnë raportime të papërgjegjshme dhe të pabazuara në fakte për të shfrytëzuar këtë tragjedi.

Njoftimi i plotë:

Federata Shqiptare e Futbollit dëshiron të sqarojë opinion publik në lidhje me ngjarjen e rëndë të ndodhur në Rrogozhinë gjatë ndeshjes Egnatia-Partizani, ku futbollisti Raphael Dwamena ra pa ndjenja në fushën e lojës dhe më pas ndërroi jetë.

Në ndeshjen e luajtur në stadiumin e Rrogozhinës është respektuar me rigorozitet rregullorja e garës. Në gatishmëri ka qenë një ambulancë e pajisur me defribilator dhe të gjitha aparaturat e nevojshme mjekësore si edhe dy doktorë. Futbollistit i është dhënë menjëherë ndihma e shpejtë në fushë dhe është dërguar me urgjencë në spital, ku janë ndjekur të gjitha protokollet mjekësore.

Mjafton të sjellim në vëmendje disa raste të fundit për të dëshmuar se rregullorja zbatohet në përpikmëri në aspektin mjekësor në çdo rast. Në ndeshjen e dy javëve më parë, Skënderbeu-Egnatia, stafi mjekësor dhe ambulanca kanë ndërhyrë për t’i ardhur në ndihmë një tifozi që kishte probleme shëndetësore, duke i dhënë ndihmën e parë dhe duke e transportuar më pas në spital. Ndeshja është ndërprerë për 15 minuta dhe vetëm pas kthimit të ambulancës në stadium, delegati ka pranuar që loja të rifillojë.about:blank

Në ndeshjen Tirana-Laçi të kampionatit të moshave U17 të datës 10.11.2023 është ndërprerë loja në minutën e 25-të për 30 minuta pasi është dëmtuar një lojtar i Tiranës në kokë. Është dashur ndërhyrja e ambulancës për ta transportuar në spital dhe vetëm pas kthimit të ambulancës dhe stafit mjekësor ka vazhduar loja.

Në Kategorinë e Dytë, ndeshja Adriatiku-KKS Albanët e datës 28.10.2023 nuk është zhvilluar, pasi ekipi KKS Albanët nuk kishte mjek.about:blank

Në Kategorinë e Parë, ndeshja e datës 6 nëntor mes Tomorrit dhe Burrelit është ndërprerë pasi është dërguar në spital një lojtar i Burrelit pas dëmtimit në kokë dhe më pas sërish ka rifilluar me rikthimin e stafit mjekësorë dhe ambulancës.

FSHF u bën thirrje disa mediave, disa individëve të caktuar dhe opinionit publik për këtë ngjarje të rëndë të mos bëjnë raportime të papërgjegjshme dhe të pabazuara në fakte për të shfrytëzuar këtë tragjedi.

Vdekja e futbollistit të Egnatias Raphael Dwamena, jo vetëm që ishte paralajmëruar më herët, por mesa duket të gjithë e prisnin të ndodhte një ditë.about:blank

28-vjeçari që u shemb në fushë ndaj ndeshjes mes Egnatias dhe Partizanit, kishte patur edhe të paktën dy herë më parë probleme me zemrën. Ai ishte shumë pranë kalimit në Premier League në vitin 2017, kur mjekët e Brighton i zbuluan problemin me zemrën.

Madje sipas gazetarëve të sportit, mjekët në Shqipëri i kishin thënë futbollistit ganez që të mos luante më futboll pasi rrezikonte shumë.

Gazetari i sportit Jetmir Halilaj tha se futbollisti kishte patur aparat defibrilator, por e kishte hequr së fundmi. Sipas tij, kur futbollisti diskutonte për shëndetin e tij, shprehej “jeta ime është në dorë të Zotit”.

Sipas ekspertëve të sportit, kampionati shqiptar i ka rregullat në atë mënyrë që lejon të luajnë edhe futbollistët që kanë probleme të tilla shëndetësore. Ndryshe është në kampionatin anglez, ku një gjë e tillë është kategorikisht e pamundur.