Një sulm me thikë ka ndodhur në Francë. Sulmi ka ndodhur në një dyqan në lagjen Borny të Metz.

Katër të rinj kanë mbetur të plagosur, njëri prej tyre ndodhet në gjendje të rëndë. Sipas mediave të huaja, autorët e dyshuar ndodhen në arrati.

Sakaq autoritetet po vijojnë hetimet për zbardhjen  e plotë të ngjarjes dhe kapjen e autorëve.

Një vatër zjarri është regjistruar në orët e para të mëngjesit të sotëm, konkretisht reth orës 02:22, në një dyqan në lagjen “11 Janari” në Gjirokastër. Zjarri ra në katin e parë të një pallati pranë shkollës së mesme pedagogjike “Pandeli Sotiri” tek dyqani “XL”. Në vendngjarje ka shkuar menjëherë shërbimi zjarrfikës me 4 efektivë.

Zjarri ishte në katin e parë të pallatit në një banesë të përshtatur për dyqan, brenda të cilit digjeshin orendi shtëpiake. Mësohet se lidhur me rastin është ndërhyrë duke hedhur ujë për izolimin deri në fikjen e plotë të tij.

Librazhd- Tentoi të vidhte në mesnatë, duke thyer xhamin e derës kryesore të një dyqani që tregtonte celularë dhe aparate dixhitale, falë reagimit në kohë të Policisë, kapet në flagrancë dhe vihet në pranga 33-vjeçari.

33-vjeçari i arrestuar, i dënuar më parë për vjedhje.

Shërbimet e Komisariatit të Policisë Librazhd, menjëherë pas marrjes së njoftimit se një shtetas kishte thyer xhamin e derës kryesore të një subjekti në sheshin “Gjergj Golemi”, kanë organizuar punën dhe kanë shkuar në këtë adresë, me qëllim zbardhjen e rrethanave të këtij rasti dhe kapjen e autorit.

Si rezultat i veprimeve të shpejta hetimore dhe operacionale, nga specialistët për Hetimin e Krimeve të Komisariatit të Policisë Librazhd u bë identifikimi, kapja dhe arrestimi në flagrancë i shtetasit K. Q., 33 vjeç, banues në Librazhd, për veprat penale “Vjedhja”, mbetur në tentativë dhe “Shkatërrimi i pronës”.

Ky shtetas u kap në flagrancë nga shërbimet e Policisë, pasi kishte thyer xhamin e derës së një subjekti privat, për të vjedhur.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.