Një ngjarje e rëndë është regjistruar sot rreth orës 14:00 në zonën e njohur si Qafë Burrel, ku një masiv stoku kromi që grumbullohej nga përpunimi i këtij minerali është shembur, duke marrë me vete një fadromë me të cilën po punonte një punëtor.

Policia po vijon kërkimet për gjetjen e tij.

“Rreth orës 14:00, në qafën e Burrelit, në fabrikën e pasurimit të kromit, e marrë me qira nga një shoqëri kineze, shtetasi A.B., teksa po punonte me një automjet fadromë për gërryerjen e një rezervuari, dyshohet se është shembur një masiv dheu dhe, për pasojë, ka zënë poshtë punëtorin bashkë me mjetin e punës. Shërbimet e Policisë dhe ato të ekipit të urgjencës po punojnë për gjetjen e shtetasit A.B. Grupi hetimor ndodhet në vendngjarje dhe po punon për zbardhjen dhe dokumentimin e rrethanave të kësaj ngjarjeje”, thuhet në njoftimin e policisë.

Nga shembja e stokut është çarë edhe një rezervuar uji që ishte krijuar nga puna e fabrikës së përpunimit të kromit të varfër.

Fabrika kishte disa muaj që ishte marrë me qira nga dy shtetas kinez.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Trembëdhjetë persona humbën jetën dhe dhjetëra u plagosën në një shpërthim në një fabrikë të përpunimit të nikelit në Indonezinë lindore të dielën, thanë autoritetet.about:blank

Incidenti ndodhi në fabrikën e çelikut të pandryshkshëm PT Indonesia Tsingshan, e vendosur në Parkun Industrial të Indonezisë Moroëali në ishullin Sulaëesi, rreth mëngjesit të së dielës.

Sipas shefit të policisë Qendrore të Sulaëezit, Agus Nugroho, viktimat përfshinin tetë indonezianë dhe pesë punëtorë kinezë . 

Zjarri është shuar më vonë në mëngjes.  Hetimet fillestare sugjerojnë se shpërthimi ndodhi gjatë punës së riparimit të furrës.

Në janar, dy punëtorë, duke përfshirë një punonjës kinez, u vranë në një fabrikë të shkrirjes së nikelit në të njëjtin park industrial. Më vonë, në qershor, një zjarr në të njëjtën fabrikë vrau një dhe plagosi gjashtë të tjerë.

Një ngjarje e rëndë ka ndodhur Idaho të Shteteve të Bashkuara të Amerikës, ku një grua shtatzënë qëlloi me armë djalin e saj dhe më pas vrau veten.

Mediat e huaja shkruajnë se 33-vjeçarja Elizabeth Lawley dhe djali i saj 2-vjeçar u gjetën të vdekur të mërkurën mbrëma brenda shtëpisë së babait të gruas.

Lawley ishte gjashtë muajshe shtatzënë. Babai i Lawley ishte i pari që pa vajzën dhe nipin e tij të vdekur.

Fqinjët thanë se ai u kthye në shtëpi rreth orës 18:00 dhe mendoi se vajza dhe nipi i tij po flinin në dhomë.

Vetëm në orën 20:30 ai shkoi të kontrollonte se çfarë po bënin dhe gjeti trupat e tyre të pajetë.

“Në 19 vitet e mia të shërbimit në Shoshone County, nuk e kam parë kurrë komunitetin tonë kaq të thyer. Sot ka qenë një ditë jashtëzakonisht e vështirë për familjen, për zyrën tonë dhe për të gjithë qytetarët”, tha Sherifi Holly Lindsey për tragjedinë.

Ky nuk është rasti i vetëm i rëndë i ndodhur kohët e fundit në SHBA. Javën e kaluar, mjeku i Utah-s , Parth Gandhi vrau djalin e tij 16-vjeçar dhe më pas veten brenda zyrës së tij.

Një rast tjetër ndodhi në Massachusetts, ku Lindsay Clancy e cila vuante nga depresioni pas lindjes, mbyti tre fëmijët e saj të vegjël.

• Më të lexuarat
• Ja çfarë tha Luizi për Jorin, nuk pritej
• “Zhaklina të lutem boll”/ Arbana nuk përmbahet ndaj opinionistes, i kërkon të ndërpresë…
• “S’më intereson mendimi yt”, “S’më duhet karakteri yt”, përplasje mes Efit dhe Zhaklinës
• Publiku i doli kundër pasi bllokoi Kiarën në lavaman, Luizi: Faji ishte i…