Itali- Një ngjarje e rëndë ka ndodhur në Itali, ku një mjeke është vrarë teksa po futej në makinë me bashkëshortin e saj, po ashtu mjek, në zonën e Reggio Calabria.

Mjekja 67 vjeçare, Francesca Romeo, po hipte në makinë, kur 2 persona, ende të paidentifikuar, i kanë zënë pritë dhe kanë qëlluar. Ajo ka mbetur e vrarë, teksa bashkëshorti është plagosur.

Policia e Reggio Calabria ndodhen në vendin e ngjarjes dhe po punojnë për të zbardhur dinamikën e këtij krimi, ndërkohë që ka nisur hetim nga prokuroria e Palermos.

Një nga pistat e hetimit është dhe lidhja me krimin e organizuar.

Një ngjarje tragjike ka ndodhur mbrëmjen e së premtes në rajonin e Reggio Emilias në Itali.about:blank

Mediat italiane shkruajnë se dy të rinj kanë humbur jetën dhe një tjetër është plagosur rëndë pasi disa skela, që ishin ngarkuar në një kamion ranë mbi makinën me të cilën po udhëtonin.

Skelat ranë nga kamioni mbi makinën e cila ishte pas, duke shkaktuar vdekjen e dy të rinjve, 19 dhe 21 vjeç. Shoferi i kamionit është arrestuar nga policia, pasi u largua nga vendngjarja.

Aksident u regjistrua këtë të hënë në Itali, ku një i ri humbi jetën në det pasi u godit nga një varkë.

Sipas mediave italiane, i riu ndërroi jetë si pasojë e plagëve të marra në bregdetin e Amalfi pasi u dëmtua nga helika e varkës që kishte marrë me qira në Salerno së bashku me dy shokë të tjerë.

Në këtë incident u plagos dhe një prej tyre, pasi mendohet se janë zhytur shumë pranë motorit të mjetit lundrues.

Për të nxjerrë trupin e viktimës në vendngjarje kanë shkuar palombarët pasi ai është fundosur.

Një shqiptar ka masakruar me sëpatë një 63-vjeçare në Noriglio, një fshat i Rovereto në Itali. Mediat italiane raportojnë se një 48-vjeçar me origjinë shqiptare, fqinj i viktimës, priti jashtë shtëpisë infermieren, e cila kishte dalë në pension. Ai e goditi atë dy herë me sëpatë, duke i thyer kokën dhe fytyrën, ndërsa e moshuara humbi jetën.

Gruaja u vra para syve të nënës së saj 80-vjeçare, djalit të saj 30-vjeçar dhe disa familjeve që ishin në rrugë në atë moment. Ndërkohë, pas krimit, babai i dy vajzave adoleshente është vetëdorëzuar pas krimit.

Vrasja ka ndodhur pas sherreve të vazhdueshme që kishin me vite të tëra, me kërcënime, ofendime dhe ankesa. Mara Fait ishte sulmuar edhe më parë nga autori. Dje ajo po kthehej nga supermarketi pasi kishte bërë pazar me nënën e saj të moshuar dhe të sëmurë. Në vitin 2015 ajo ishte gjithashtu kandidate për Bashkinë e Rovereto, në listën e Marco Zenatti “Project Rovereto City”.