TIRANË- Gjykata e Tiranës ka rrëzuar padinë që kryeministri Edi Rama kishte bërë ndaj ish-kreut të Partisë Demokratike, Lulzim Basha. Kryeministri Rama e kishte paditur Bashën për shpifje dhe kërkonte që ai të paguante dëmin jo pasuror në vlerë 1 mln lekë, për një deklaratë të tij në tetor të vitit 2018. Por pasi shqyrtoi të dhënat, gjykata vendosi dhe rrëzoi padinë si të pabazuar në prova, teksa shpenzimit gjyqësore do të paguhen nga pala paditëse.

Njoftimi i plotë i Gjykatës së Tiranës

Gjykata e Shkallës së Parë të Juridiksionit të Përgjithshëm Tiranë, Dhoma Civile, më datë 11.06.2025, pasi shqyrtoi në seancë gjyqësore, në praninë e përfaqësuesit të palës paditësë, kërkesën me paditës: Edi Rama, të paditur Lulzim Basha, me objekt: “1. Detyrimi i të paditurit të shpërblejë dëmin jo pasuror, shkaktuar paditesit, si rezultat i thënieve të pavërteta të deklaruara prej tij, nga selia e Partisë Demokratike, në prononcim për mediat me datë 22.10.2018, në shumën 1.000.000 (një milion) lekë si dhe shpenzimet gjyqësore dhe ato avokatore. 2. Detyrimi i të paditurit të publikojë një përgënjeshtrim në të gjitha mediat që kanë publikuar deklaratën apo lajmin mbi të, sipas listës së përcaktuar në pikën D.2 të kërkesë padisë”.

Gjykata, bazuar në rrethanat e konstatuara gjatë hetimit gjyqësor, në dispozitat ligjore përkatëse dhe në arsyetimin e mësipërm, çmon se padia nuk duhet pranuar pasi është e pabazuar në ligj dhe në prova,

PËR KËTO ARSYE;

Gjykata mbështetur në nenet 126, 306 deri 310 të Kodit të Procedurës Civile

V E N D O S I:

1. Rrëzimin e padisë pasi është e pabazuar në ligj e në prova.

2. Shpenzimet gjyqësore në ngarkim të palës paditëse.

3. Kundër vendimit mund të bëhet ankim në Gjykatën e Apelit Juridiksioni i Përgjithshëm brenda 15 (pesëmbëdhjetë) ditëve duke nisur afati nga e nesërmja e komunikimit të vendimit të arsyetuar.

Kryetari i Partisë Demokratike, Sali Berisha, është shprehur se kreu i SPAK, Altin Dumani, është autori i dytë i farsës elektorale në zgjedhjet e 11 majit.

Komentet Berisha i bëri gjatë një deklarate për mediat, ku tha se nëse autorët që ishin në dosjet 184 dhe 339 do ishin dënuar, atëherë sipas tij, askush nuk do kishte guxuar të kryente krime elektorale.

Ai tha gjithashtu se Dumani anuloi hetimet për dhjetëra e dhjetëra raste të krimeve zgjedhore, që sipas ish-kryeministrit, kanë kryer nga kartele droge që i ka denoncuar më herët PD.

Pjesë nga fjala e Berishës:

Kjo qendër votimi ndodhet në Elbasan, në një fshat të Elbasanit, emrin e të cilit i kam në dokumente të tjerë që do ua nisim.

…Nuk mund të gjykoj sepse kërkon një hetim. Shqetësimi është shumë i drejtë, por kjo kërkon një hetim. Duhet hetuar. Rregulli është ai që thoni ju, por e vërteta është kjo që tregon filmi.

Dhe këto janë në votim, kjo është tavolina e votimit, regjistrimi për votim është tjetër.

… Ku? Për turshi? Skapi është autor kryesor. Nuk ka asnjë përgjegjësi Skapi. Për Skapin ekziston mbulesa. Altin Dumani është bashkëautor në krimin elektoral me Edi Ramën. Altin Dumani është bashkëautor.

Me dhjetëra e dhjetëra raste, ai i mbuloi të gjitha.

Pra në qoftëse ka një të dytë në krimin elektoral, farsën elektorale është Altin Dumani. Pse? Sepse në qoftë se dosjet 184-339 do ishin dënuar nuk do guxonte kush të ndiqte këtë linjë. Jo. Do mendonin se qytetarët duhet të votojnë të lirë. Po mbrojtja që ai u bëri atyre, amnistia që u bëri u hapi rrugën.

Po Poja. A nuk e denoncova me dhjetëra herë unë Pojën, kartelin e Troplinit për ndërhyrjet në zgjedhjet në Durrës, për Arkend Ballën dhe deputetë të tjerë.

Çfarë pësoi? Ai mbante në xhep fletë-arrestin e tij dhe e njoftoi të largohej pas zgjedhjeve. Kush e informoi atë. Keni marrë vesh të ketë një hetim se kush informoi ‘El Chiapon’ të largohej? Ai që kishte në xhep fletën.

Kësaj here nuk kap dot as policë, tu thonë, se herë të tjera ka një e dy dhe ja veshin policisë, edhe kur i dekonspiron dhe kur nuk i dekonspiron policia, siç ndodhi me atë që kapën në Kosovë.

Jo tha ai, e kam nga Skapi njoftimin dhe e kish nga Skapi. Këta jo po policia. Kësaj here nuk guxoi të thotë policia se i kishte në xhep vetë. Dhe kur u bë operacioni ai kishte 1 javë që kishte ikur, ja kishte mbathur se, ishte njoftuar. 

Deputeti Dashnor Sula ka komentuar zhvillimet e fundit politike në vend, duke u ndalur te përplasjet e brendshme në Partinë Socialiste dhe arrestimi i ish-kryebashkiakut të Tiranës, Erion Veliaj.

Sula deklaron se kryeministri Edi Rama ka përdorur një strategji të qëllimshme për të vënë përballë njëri-tjetrit rivalët e tij politikë brenda PS-së, ashtu siç kishte bërë më parë me Saimir Tahirin dhe Arben Ahmetajn.

“Sali Berisha ia dhuroi partinë Lulzim Bashës, ndërsa Edi Rama, për të kënaqur edhe veten, i çoi të gjithë në garë brenda PS-së dhe ndodhi fenomeni. Shikonin njëri-tjetrin si rivalë. E hëngri i pari Saimir Tahiri, pastaj Arben Ahmetaj.

Rasti i Veliajt është një lojë e Edi Ramës.

Për Veliajn u bashkuan kundër gjithë të tjerët dhe kolegë të tij brenda PS-së kanë fërkuar duart pas arrestimit të tij. Lufta brenda llojit ekziston në PS”, tha Sula.

Nga Naim Lapardhaja

Marrëdhënia e politikës me botën e krimit nuk është e re në Shqipëri. Pavarësisht përpjekjeve në të kaluarën, shpeshherë politika është joshur nga bota e krimit, për shkak të konceptit që ekziston në këtë vend për të mbajtur me çdo kusht pushtetin dhe kontigjentet kriminale janë parë për shumë kohë si hambar votash.

Është fakt i pamohueshëm se me ardhjen e Edi Ramës në pushtet, krimi i organizuar kaloi në një stad tjetër, duke pasur përfaqësitë e tij në Parlamentin e Shqipërisë dhe në pushtet lokal.
Personazhe me të shkuar të errët kriminale arritën të futen në Kuvend dhe të paraqiten si ligjvënës.
Meritë e kësaj gjëje është vetëm e Edi Ramës dhe e Partisë Socialiste.

Ndonëse ligji i dekriminalizimit dhe tashmë Prokuroria e Posaçme kanë çmontuar sa mundësi kanë pasur duke çrrënjosur këto lidhje, sërish është e vështirë për t’i shkëputur totalisht ato.
Kjo, mbi të gjitha, për vetë kontekstin në të cilin është sot vendi dhe një tradite të gjatë, e cila nuk mund të shkëputet në pak kohë.

Nga përfaqësia e drejtpërdrejtë, krimi e ka rikonceptuar qasjen politike, duke ia kaluar stafetën vajzave, djemëve apo njerëzve të tyre, ndërsa vetë qëndrojnë në prapavijë, ku përfitojnë tendera, punë publike apo bëhen investitorë strategjikë, si pasojë e presionit të vazhdueshëm dhe marrëdhënies që kanë me vetë shefin e qeverisë, Edi Rama.

Sigurisht njerëzit në të githë Shqipërinë i dinë këto lidhje, por, për shkak të vendit të vogël, marrëdhënieve të përditshme dhe frikës së madhe që ekziston, ata janë të dorëzuar totalisht përpara botës së errët të krimit.

Është e qartë se krimi nuk mund të luftohet as me marshimi as me protesta, por duhet një vullnet i madh për të çrrënjosur lidhjet me botën kriminale, duke hartuar një strategji dhe program të qartë politik për shkëputjet e këtyre lidhjeve.

Së fundmi, ndonëse jo në të njëjtat përmasa me pushtetin, Edi Ramën dhe PS-në, në nisjen e “Foltores” nga Sali Berisha, në qytete të ndryshme të Shqipërisë u panë njerëz të afërt të tij, ish-drejtues të lartë të policisë së shtetit, të cilët së bashku me kontigjent nga bota kriminale që bashkëpunojnë në përditshmëri me pushtetin e PS-së, të merreshin me organizimin dhe përgatitjet e takimeve të “Foltores” në atë kohë.

Ky është një fakt i pamohueshëm dhe një kambanë alarmi se si krimi shpeshherë ndryshon ngjyrë, duke parë te interesat e ngushta prej së cilave mund të përfitojë.

Prandaj vetëm një vullnet i fortë politik, një ndarje kirurgjikale me botën e errët të krimit dhe një politik që në qendër vendos interesat e njerëzve dhe jo të klientëve të saj, është zgjidhja përfundimtare për t’i dhënë politikës rolin dhe funksionin e saj, duke e ndarë një herë e përgjithmonë nga lidhjet e dyshimta dhe kriminale.

Fatmirësisht, të gjitha shantazhet dhe presionet kanë rënë të vesh të shurdhët.

Dosja voluminoze e SPAK për Sali Berishën dhe akuzat e ngritura ndaj Ilir Metës tregojnë se linçimi ndaj drejtësisë është i kotë dhe nuk funksionon. Pavarësisht zhurmës mediatike, gjithçka vijon si më parë në jetën shoqërore dhe politike dhe ky është një ogur shprese se pas tyre kushdo që do të goditet, nuk është se do t’i bëjë kujt përshtypje.

Pas Berishës dhe Metës, pazëlli nuk mund të jetë i plotë edhe pa përballjen e Edi Ramës me drejtësinë, si një nevojë urgjente për ta ndëshkuar këtë klasë politike thellësisht të korruptuar dhe për t’i hapur rrugën një klase që të ketë frikë nga drejtësia, që të ketë modele të ndëshkueshmërisë përpara syve, të matet dhe mendohet mirë kur të mundohet të korruptojë, të ndikojë në mënyrë të paligjshme, të bëjë pastrim parash duke bashkëpunuar me krimin apo me oligarkinë që përfiton nga marrëdhënia me politikën favore që nuk i takojnë.

Nëse rastet e Berishës dhe të Metës tashmë janë në duart e drejtësisë, për Edi Ramën mjafton të merret si indicie rasti i deputetit të Shijakut, J. Çyrbja, i cili ishte jo vetëm i deleguari i krimit në listën e PS-së, por bandat dhe krimi i organizuar investoheshin që ai të kishte një vend të sigurt në listën e deputetëve. Sigurisht që njeriu përgjegjës për listën e deputetëve është Edi Rama, i cili në këtë rast nuk mund të justifikohet se Çyrbja ka ngrënë kumbulla prapa kurrizit të tij, por është vetë Rama ai që kumbullat e krimit të Shijakut dhe të Durrësit i ka bërë reçel në hartimin e kësaj liste dhe vendosjen e tij në vend të sigurt, sipas porosisë së bandave.

Në këtë kuptim, ashtu sikurse për dy të parët, që filluan si dy akuza të lehta në dukje dhe pastaj Prokuroria e Posaçme nëpërmjet metodave të sofistikuara shkoi deri te hetimi pasuror, kjo indicie në rastin e deputetit të Shijakut, le t’i shërbejë SPAK për të filluar një hetim ndaj kreut të PS-së, Edi Rama, për krim zgjedhor dhe për ndikim të paligjshëm të botës së krimit në zgjedhje.

Kështu Prokuroria e Posaçme dhe GJKKO-ja do ta plotësonin panoramën e dhënies fund të pandëshkueshmërisë në një vend që ka vuajtur nga mungesa e drejtësisë dhe nga arroganca e pushtetit.

Kjo le të shërbejë edhe për të tjerët që do të vijnë nga pas, që të jenë më pak arrogant dhe të kenë më shumë frikë ndaj drejtësisë, në mënyrë që kur të firmosin apo kur të bëjnë akte publike, të kenë shembullin e treshes së mëparshme, e cila, pavarësisht se shiu për vite me radhë, në fund u përballë me produktin e punës së vet.

Lexo të radhës

Zgjidhni një çift kërcimi dhe zbuloni se çfarë lloj marrëdhënieje

A e dije se çdo qelizë e trupit tënd, i dëgjon mendimet e tua?

Rey Manaj nuk ndalet shënon dygolësh në Turqi

Fillimisht një saktësim për Kryeministrin që sheh komplote kudo dhe kujton se kritikët ndaj tij urojnë ta shohin turizmin të shndërrohet në një histori dështimi dhe jo suksesi. Të jetë i sigurt, nuk mund të ekzistojë një shqiptar brenda apo jashtë vendit që mos të kënaqet me sukseset ekonomike të vendit. Kur ekonomia ecën, gjithçka ecën. Ndërsa sa për sukseset “politike” apo “gjeopolitike” të Shqipërisë ato janë nocione subjektive ku është normale që debati të ekzistojë.

Por ekonomia në vetvete nuk gënjen. Nëse turizmi i sjell prosperitet ekonomik vendit askush nuk do te hidhte balte mbi pushtetin. Edhe vete sistemi i kaluar komunist, që nga Brezhnjevi tek Enver Hoxha duke kaluar nga Cauçesku nuk do të kishte rënë nëse do të kishte treguar epërsi ekonomike. Pra, Edi Rama të rrijë i qetë. E ka dhe do ta ketë opinionin publik mbështetësin më të madh për turizmin por me kushtin që përtej fjalëve të ketë vepra, që turizmi nga shifra personash me shumë zero mbrapa, të shndërrohet në shifra në euro edhe me shumë zero mbrapa.

IRANË- Kreu i PL-së, Ilir Meta i ftuar në “Çim Peka LIVE” tha se ka një përpjekje për të marrë vulën e Partisë së Lirisë. Sipas tij, këtë përpjekje po e bën SPAK, SHIK-u dhe Engjëll Agaçi, sekretari i Përgjithshëm i kryeministrit Edi Rama. Meta se vula e PL-së po tentohet të vidhet për tja dhënë Ramës.

Meta: Ka një përpjekje për të marrë vulën e Partisë së Lirisë, për të ja dhënë Edi Ramës. kjo nuk ndodh. Nëpërmjet SPAK, SHIK-ut, Agaçit. Bashkëpunëtorët e brendshëm janë ata që thonë mos nxirrni Ilir Metën, Tedi Blushin, Petrit Vasilin, Erisa Xhixhon, mos i nxirrni.

I di ai. A të kam thënë unë ndonjëherë mos nxirr këtë apo atë? Jo, unë u kam thënë në Partisë e Lirisë që dilni. Dilni dhe më shani dhe mua, nuk ka asnjë problem. Luan Hajdaraga miku im thoshte; më mirë edhe të shajnë, edhe të bësh gabime, por të ekzistosh në politikë se sa të mos jesh asgjëkundi. Edhe kur bën gabime edhe kur ekziston, me pak mençuri e kthen atë në pozitivitet. Ti nëse nuk ekziston të duhet shumë punë për të hyrë në treg si një produkt i ri. Po nuk qe ti prezent si Parti e Lirisë, do të jenë tjerët.

Greg Rama ka preferuar të qëndrojë gjithnjë larg zhurmës mediatike, duke zgjedhur një profil të ulët në media.

Rrjetet sociale janë ato që e përfsinë herë pas here djalin e Kryeministrit në botën mediatike.

Kështu ka ndodhur edhe së fundmi ku nëpërmjet një InstaStory Gregu ka ndarë një thënie nga Kennedy.

“Njerëzit më thonë shpesh se mund të bëhem një njeri i shkëlqyer. Do të preferoja të isha një njeri i mirë”.