Aktori i njohur shqiptar, Çun Lajçi, ka komentuar Gjestin dhe Egli Takon, me anë të një postimi të ndarë në rrjete sociale. Përmes një postimi në rrjetet sociale, aktori thekson se nuk mund të jetojnë pa njëri-tjetrin.

“Mos i gjykoni finalistët! Janë të rinj, një jetë e kanë dhe atë e duan sipas zemrave të veta. Duan ta thithin me sy, ta pinë me buzë, ta përpijnë me fytin e tyre.

Ç’keni Ju? ata duan ta jetojnë jetën ashtu siç e ndiejnë, dhe s’keni pse ti gjykoni! Ua falni gabimet, o njerëz! Ata mësojnë nga gabimet dhe rriten mbi vuajtjet e zemrave të tyre të djegura nga malli dhe dashuria.

Mbase nesër do ta bëjnë dasmën, edhe pse sot janë ende në kërkim:- Të fajeve, të gabimeve, të fijeve të këputura… Po mundohen t’i lidhin fijet, ta mbështjellin lëmshin e ëndrrave. Janë në kërkim të rrugës së humbur në oborrin-labirint të asaj shtëpie të quajtur BB VIP. Aman, o njerëz, mos i gjykoni! Ata sikur s’mund të jetojnë pa njëri-tjetrin… Sikur s’mund të rrinë pa u fjalosur, pa u ngacmuar, pa i buzëqeshur njëri-tjetrit.

Ata bëhën sikur e urrejnë njëri-tjetrin, por në thelb, nuk mund të jetojnë pa njëri-tjetrit. Duhen edhe kur shahen, edhe kur përndjekën si macja dhe miu, e futën birave të lavanderisë. Sa të bukur janë dhe sa shumë e duan vetveten…”. Lërini të jetojnë me kohën e tyre, se ndoshta ne nuk i kuptojmë!

Ata janë finalistë, kuptoni”, shkruan aktori.

Gjykata e Korçës la në fuqi masën e arrestit me burg për tre dëshmitarët e vrasjes së Egli Progës.

Në seancën për njohjen e masës së sigurisë të tre të arrestuarit, Voltan Shkullaku, Arjan Manellari dhe Leonidha Guçe, mohuan të kenë ndërhyrë në serverin e kamerave të sigurisë.

Avokatët mbrojtës kundërshtuan kërkesën e Prokurorisë për ‘arrest me burg’ duke kërkuar detyrim paraqitje sepse sipas tyre të proceduarit ishin paraqitur rregullisht para oficerit të prokurorisë gjyqësore.

Pamjet e serverit të kamerave të sigurisë së lokalit të Voltan Shkullakut janë ekspertuar në Bullgari dhe pritet edhe rikthimi i pamjeve.

Tre dëshmitarët ishin lënë më herët në masën e sigurisë “detyrim paraqitje”. Prokuroria e Korçës ka konkluduar se ka ndërhyrje ne kamerën e brendshme të lokalit ku u dhunua duke gjetur më pas vdekjen Egli Proga.

Ndërsa organi hetimor bën me dije se është në procesin e kthimit të pamjeve policia e Korçës, ka bërë ekzekutimin e urdhrit të Prokurorisë për ndalimin e tyre pasi Gjykata e Shkallës së Parë Korçë, ka ndryshuar masën e sigurisë nga “Detyrim paraqitje në Policinë Gjyqësore”, në “Arrest në burg”, për veprën penale “Veprime që pengojnë në zbulimin e së vërtetës”, për ngjarjen e ndodhur në lagjen nr. 1 Pogradec, ku humbu jetën shtetasi Egli Proga , 42 vjeç.

Këta shtetas kanë qenë të pranishëm kur ka ndodhur ngjarja dhe nuk kanë kallëzuar krimin duke penguar zbardhjen e së vërtetës.

Mbrëmjen e 10 gushtit në lagjen 1 të Pogradecit, 42 vjeçari Egli Proga baba i dy fëmijëve u dhunua për vdekje nga Denis Meçe ndërsa autori u largua nga vendngjarja.

Ai u arrestua vetëm disa ditë më vonë ndërsa në pranga përfunduan edhe 3 personat të cilët deklaruan se nuk kishin parë asgjë nga ngjarja e rëndë.

Në një zhvillim të ri lidhur me çështjen e vrasjes së Egli Progës, drejtuesi i Prokurorisë së Korçës ka marrë vendimin për të larguar prokuroren Vasjana Postoli nga hetimi i këtij rasti.

Ky ndryshim është bërë në përgjigje të kërkesës së familjes së viktimës, e cila kishte kërkuar zëvendësimin e Postolit për arsye që lidhen me trajtimin e çështjes.

Prokurorja Postoli kishte qenë në detyrë për të hetuar rastin e Denis Meçes, i cili është i dyshuar për vrasjen e Egli Progës. Në një vendim të mëparshëm, ajo kishte ndryshuar akuzën ndaj Meçes, duke e cilësuar atë si “vrasje nga pakujdesia”.

Vendimi për të larguar Postolin vjen pas shqetësimeve të ngritura nga familja e Egli Progës, e cila kishte kërkuar një shqyrtim të ri të çështjes dhe një trajtim më të rreptë ndaj të dyshuarit. Tashmë, çështja e Egli Progës do të kalojë në dorën e një prokurori tjetër, i cili do të marrë përsipër hetimet.

Pas grumbullimit në sheshin Skëndërbej për vrasjen e Egli Progës, qytetarët kanë marshuar drejt Kryeministrisë. Qytetarë të shumtë janë mbledhur në shesh ndërsa mbajnë në duar pankarta. Gjithashtu e pranishme në këtë tubim është edhe motra e 42-vjeçarit.

Slogani kryesor që ata kanë zgjedhur është “Kundër gangove në pushtet”. Protestuesit mbajnë në duar foton e Egli Progës, por edhe pankarta të ndryshme si “A fshihet e vërteta?”, “Kërkojmë drejtësi” etj. Ky tubim do të mbahet nga sheshi “Skënderbej” deri te Kryeministria. Qytetarët kanë nisur nga sheshi drejt kryeministrise ndërsa mbajnë një pankartë të madhe ku shkruhet “Kundër gangove me pushtet”.

Lëvizja “Shqipëria Bëhet” ka paralajmëruar një marshim proteste për vrasjen e 42-vjeçarit Egli Proga në Pogradec. Në një intervistë televizive, Adriatik Lapaj, kreu i kësaj lëvizjeje, tha se ngjarje të tilla kanë ulur besimin te policia dhe kanë dëmtuar punën e qindra efektivëve të ndershëm.

“Marshim përkujtimor solidarizues për të gjithë ata që kanë humbur jetën nga mungesa e zbatimit të ligjit. Ka sot drejtues të policisë që kanë sabotuar punën e policisë. Kanë ulur besimin e policisë dhe atë të policëve të ndershëm. Nga deklarata e parë e policisë rezultonte se viktima e humbi jetën aksidentalisht. Ngjarja ka qenë krejt tjetër dhe masa e personit të arrestuar tani është arrest me burg.

Vrasja nga pakujdesia është nga veprat e lehta të kodit penal. Nuk e di ku e bazon këtë prokuroria. Kjo do të dalë nga hetimet. Duhet tu bëj thirrje familjarëve të kërkojnë pamjet e të gjitha kamerave në zonë. Është e çuditshme si prokuroria ka lënë një hetim kaq të përciptë.

Shqipëria është një shtet nën pushtetin e krimit dhe si i tillë duhet të shkëputet prej tij. Politika për të bërë vota lidhen me të fortët. Ndaj kjo duhet të ndryshojë duke votuar njerëz që nuk kanë lidhje të tilla.”